Регион
Вучиќ не сака апсење на Шешељ ‘на препад’
Српскиот премиер Александар Вучиќ изјави дека неговата влада нема обвинетиот за воени злосторства пред Хашкиот трибунал Воислав Шешељ да го апси набрзина и дека Белград уште ја чека официјалната порака од Хаг челникот на Српската радикална партија (СРС) да биде вратен во притворот во Шевенинген.
„Владата на Србија никого нема да апси на препад… Тоа нема да се случи., Ќе чекаме прво да видиме што Апелациониот совет заклучил, да видиме што тие, пред сé, бараат од нас“, изјави премиерот Александар Вучиќ за медиумите по седницата на претседателството на неговата Српска напредна партија (СНС) чиј претседател е.
На новинарското прашање како државата ќе се однесува кон Воислав Шешељ, Вучиќ изјави дека „работа и обврска на државата Србија е да води сметка за секој свој граѓанин, па и за Шешељ“.
„Се сеќавате дека тие го спакуваа и ни го испратија. Прво бараа да го шпионираме, да видиме каде ќе јаде, спие…“, рече Вучиќ, тврдејќи дека Хаг со пуштањето на Шешељ. „всушност само ѝ зададе проблеми на Србија“.
Шешељ беше пуштен на привремена слобода ланскиот ноември поради неговата здравствена состојба, односно поради карцином, но за него како обвинет за злосторства сторени во периодот на распадот на поранешна СФРЈ не беа прецизно одредени специјални барања.
„Сега ќе видиме што е тоа новото што го бараат од нас“, рече Вучиќ и ја повтори оцената дека целата на Меѓународниот кривичен суд за воени злосторства Шешељ привремено да биде вратен во притворот е уривање на српската влада, на СНС и на нејзиниот рејтинг.
„И покрај тоа, Србија ќе го стори она што е во нејзина моќ да ја зачува целата политичка и економска стабилноста“, порача Вучиќ, тврдејќи дека е изненаден од налог да се отповика одлуката за привремено пуштање на Шешељ на слобода./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.