Регион
Вучиќ смета дека српските борци во Украина ѝ штетат на земјата
Српскиот премиер Александар Вучиќ оцени во вторникот дека ангажирањето борци од Србија во Украина ѝ нанесува штета на државата, како и дека Србија „не учествува во тие судири“,
„Србија води одговорна политика. Не сме во можноста законски да реагираме, но сѐ повеќе водиме сметка за лицата кои се враќаат од сириската и од ирачката територија и за оние кои во Украина учествуваат во судирите. Го следиме нивното делување во земјата“, ја пренесуваат српските медиуми изјавата на премиерот Александар Вучиќ по повод извештаите дека на боиштата во Украина војуваат и доброволци од Србија.Вучиќ истакнал дека за Србија „војните се завршени“ и ги повикал сите кои војуваат на територијата на Украина да се вратат во земјата и „да се грижат за своите семејства“, бидејќи „не е нивно да војуваат во туѓа земја, ниту за 6.000, ниту за 1.200 долари, зависно од тоа колку кој ги плаќа“. Српскиот премиер тврди дека станува збор за лица кои во 90 отсто се платеници, но дека „ѝ нанесуваат голема штета на Србија“.„За Србија и за српскиот народ војните одамна се завршени. Ние гледаме во мирна иднина, во која размислуваме како во 2016 година да бидеме економски најнапредната земја во регионот“, рекол Вучиќ пренесува Радиотелевизија Србија.Во понеделникот руските медиуми објавија соопштение на српскиот ткн „четнички“ одред „Јован Шевиќ“ во кое се наведува дека српските доброволци се судриле со украинските сили и го одбил обидот да го заземат клучниот автопат во источниот дел од Украина. Според руските медиуми, српските доброволци дошле во Украина бидејќи се знаат со еден од водачите на проруските бунтовници Игор Стрелков, кој, пак, во 1990-те на српска страна како доброволец војувал во Босна. Српските електронски медиуми во вторникот објавија дека во источна Украина на страна на проруските бунтовници се борат најмалку стотина Срби. Меѓу нив асе 45 припадници на четничкото движење и 20 доброволци, како и 20 до 30 Срби или луѓе со српско потекло кои и претходно живееле во Украина./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.