Регион
Вучиќ: Србија направи сѐ што можеше за почеток на преговорите, сега останува на ЕУ
Отворањето на поглавјата во процесот на пристапувањето на Србија во Европската унија (ЕУ) зависи од европските партнери, изјавил српскиот премиер Александар Вучиќ, додавајќи дека Србија од своја страна направила сѐ што било во нејзините можности, пренесуваат српските медиуми.
„Тоа што беше во наши раце, од дијалогот со Албанците до успешното завршување на скрининг процесот, со сите економски и политички мерки кои наидоа на поддршка на Брисел, ние го направивме. Брисел треба да донесе одлука дали ја сака Србија во Е вропа. Зборовите на високата претставнична на ЕУ, Федерика Могерини во Белград беа охрабрувачки“, рекол Вучиќ, коментирајќи ги најавите на Могерини дека оваа година би можеле да бидат отворени првите поглавја од пристапните преговори на Србија со ЕУ.
На коментарите дека иако Брисел ги фали реформите кои ги прави српската влада, за него важно е само спроведувањето на Бриселскиот договор, пришто притисокот за негова реализација е насочен само кон Белград, Вучиќ одговорил дека тој никогаш од европските претставници не побарал за Србија повеќе од тоа што таа го заслужила.
„Знаете дека не сакам да се жалам, никогаш не сум плачел на рамото на европските претставници, барајќи за Србија нешто повеќе од тоа што го заслужила. Но точно е дека најголем дел од притисокот за дијалогот со Албанците се врши врз нашата страна. Европската иднина е важна и вреди за неа трудот на секој од нас, но тоа не значи дека не сме во состојба да видиме и неретко почувствуваме пристраноста на поединечни европски земји“, истакнал српскиот премиер.
Вучиќ исто така потсетил дека на сите меѓународни претставници, вклучувајќи ја и Могерини, им поставил прашање на кое не добил одговор, а кое се однесува на двојните стандарди.
„Ја почитувам Албанија, во коректни односи сме со господинот Рама, но реков дека доколку јас на ѕидот од куќата на мојот татко нацртав карта на голема Србија, тогаш тоа ќе беше главна вест на CNN, а Србија ќе беше посочена. Кога се работи за случајот со картата на голема Албанија, немаше ниедна осуда кон тоа што се случи во Албанија. Тоа ми говори дека постојат двојни стандарди“, додал Вучиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.