Регион
Вучиќ: Србија нема да ја менува политиката кон Русија
Србија е една од ретките земји која не воведе санкции кон Русија и „нема да го менува политичките и економските односи“, бидејќи Србија и Русија имаат долга историја на пријателски односи кои се „добра основа за јакнење за економските врски“, изјави во вторникот во Москва српскиот премиер Александар Вучиќ, кој се наоѓа во тридневна посета на Русија.
„Нашата влада сака да ја поддржи таа соработка. Околу илјада компании во руска или делумно руска сопственост веќе работат во Србија во различни гранки и тоа е потврда на трајноста на нашите економски врски“, изјави српскиот премиер Александар Вучиќ на отворањето на Деловниот форум на неколку стотици руски и српски компании во Москва, пренесуваат руските и српските медиуми.
Потсетувајќи дека Русија е една од трите најважни српски надворешнотрговски партнери, Вучиќ истакна дека неговата влада настојува да привлече уште повеќе руски инвеститори. Како важни задачи во српско-руската економска соработка, тој ги наведува создавањето на заеднички фирми кои би настапувале на трети пазари, растот на извозот на земјоделски производи во Русија, и вклучување на автомобилите на списокот за слободна трговија.
Вучиќ подоцна имаше средба и со рускиот премиер Дмитриј Медведев, а по состанокот уште еднаш истакна дека Србија го докажала својот пријателски однос кон Русија која една од европските држави којашто и покрај многубројните барања не воведе санкции, како и дека сака со неа да развива пријателски однос „на рационални основи“.
Пред средбата српскиот премиер на новинарите им рече дека на рускиот колега ќе му го планот на Србија за враќање на долгот кон Русија „Долговите денеска изнесуваат 303 милиони евра кон ‘Газпром’. Тоа се заостанати од претходниот период, не ги направи мојата влада. Мојата влада до пара ги исплаќа своите обврски и не доцни ниту ден“, рече Вучиќ.
Рускиот премиер Медведев, пак, истакна дека Србија има свој удел на рускиот пазар, како и дека увозот од оваа земја за половина година се зголемил за 40 отсто. Според негов, најдобар пример за соработка на големите инфраструктурни проекти е енергетиката, при што се очекува дека НИС, руско-српска компанија, ќе се развие во регионален лидер.
Потврдувајќи дека двете страни разговарале за српските долгови за гасот, Медведев истакна дека продолжуваат активностите на осигурување на испораките на руски гас за Србија, и изнаоѓање нови правци за испорака по прекинувањето на Јужен тек. Рускиот премиер изрази и очекување дека договорите кои во текот на вторникот беа потпишани меѓу двете земји, ќе бидат и навистина реализирани.
Српскиот премиер Вучиќ од понеделникот престојува во тридневна посета на Москва, предводејќи ја политичко-стопанската делегација која брои повеќе од сто луѓе, а освен разговорите со рускиот колега Медведев, ќе се сретне и со претседателот Владимир Путин. Станува збор за најголемата деловна делегација на Србија којашто кога и да е престојувала во Русија, а предвидени се и средби со челниците на руските компании како „Лукоил“, „Газрпом“ и Руските државни железници./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Регион
Таткото на осомничениот за убиството на Данка Илиќ го откажал полномошното на адвокатот
Небојша Живановиќ, адвокатот на Радослав Д., таткото на Дејан Д., кој е осомничен за убиството на двегодишното девојче Данка Илиќ, за Танјуг изјави дека неговиот клиент го откажал полномошното.
Радослав Д. е осомничен дека му помогнал на својот син да го премести телото на девојчето од депонијата на засега непозната локација.
Со оглед на тоа што го откажал полномошното на избраниот бранител, сега треба да му се определи бранител по службена должност на Радослав Д.
Биолошкиот брат на осомничениот Дејан Д., Далибор Д., почина на 7 април во Полициската станица во Бор, каде беше осомничен дека му помогнал на својот брат да го скрие телото на двегодишното девојче.
Двегодишната Данка Илиќ исчезна на 26 март во Бањско поле кај Бор, а полицијата по 10-дневна потрага и детални проверки и информации ги уапси Срѓан Ј. и Драган Д. од Бор, кои се осомничени дека го удриле девојчето со автомобил, а потоа нејзиното тело го ставиле во багажникот на автомобилот и го однеле на депонија.
Телото на девојчето се уште не е пронајдено.