Регион
Вучиќ: Стабилноста на БиХ е од огромно значење за Србија
Стабилноста на Босна и Херцеговина (БиХ) е исклучително важна за Србија, порачал српскиот премиер Александар Вучиќ во средата по средбата со членовите на Претседателството на БиХ, кои престојуваат во официјална посета на Белград, пренесуваат српските медиуми.
Стабилноста на Босна и Херцеговина (БиХ) е исклучително важна за Србија, порачал српскиот премиер Александар Вучиќ во средата по средбата со членовите на Претседателството на БиХ, кои престојуваат во официјална посета на Белград, пренесуваат српските медиуми.
„Спроведуваме тешки економски реформи и имаме сериозни резултати. Мислам дека граѓаните на Србија ќе се израдуваат по новите разговори со ММФ во август, кога за првпат ќе биде кажано дека Србија оваа година ќе има позитивен раст. Да можеме сите да продложиме со ова, потребно е да имаме стабилност во регионот. Тоа луѓето во БиХ мораат да го разберат. Нас тоа ни е толку важно, што не можам да ви објаснам. Исто како што мислам дека на БиХ и е важна стабилноста на Србија и Хрватска“, рекол Вучиќ, додавајќи дека Србија ќе го почитува интегритетот на БиХ.
„Го поминавме најтешкиот дел од економските реформи, и не треба сега политичките судири да ни донесат штета од која нема да можеме да се извлечеме. Се надевам дека сите во БиХ ќе имаат доволно сила и рационален пристап да сфатат дека поинаква политика од наведената, не води кон никакво добро решение“, заклучил Вучиќ.
Членот на Претседателството на БиХ, Бакир Изетбеговиќ, пак, порачал дека процесот на помирување меѓу двете земји е неминовен за да се обезбеди стабилност и сигурност на регионот.
„Сакаме да се движиме во насока на силен развој на регионот, за што нам ни е потребна стабилност и сигурност. А нив ги нема без интензивен процес на помирување. Ние сите зависиме еден од друг. Вучиќ и јас пред неколку месеци во Сараево се договоривме дека ќе направиме се за односите меѓу двете држави да се поправат и никогаш повеќе да не се случи зло“, порачал Изетбеговиќ, кој во Белград присуствува заедно со останатите двајца членови на босанското претседателство, Младен Иваниќ и Драган Човиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.