Регион
Wiener Zeitung: Загрозена веродостојноста на ЕУ на Балканот
Скандалот за корупцијата на ЕУЛЕКС ја загрозува веродостојноста на Европската унија (ЕУ) на западен Балкан, оценува виенскиот дневник Wiener Zeitung.
Главниот уредник на овој весник, Рајнхард Гевајл во авторски коментар укажува дека актуелната афера има потенцијал да ја дискредитира ЕУ на Балканот. Тој наведува дека е потребно трајно решение на косовското прашање за Србија да стане дел од ЕУ, а ова ќе биде одлучувачко и за амбициите на Албанија.
„Доколку ЕУЛЕКС доживее неуспех, тоа би било жесток удар за Балканот. Иако во наредните пет години нема да има проширување на ЕУ, како што соопшти претседателот на Европската комисија, Жан-Клод Јункер, останува потребата за поддршка на земјите од регионот“, стои во текстот на Wiener Zeitung, додавајќи дека нити бриселските институции, нити ЕУЛЕКС не ја исполнуваат својата одговорност, доколку овој скандал за корупцијата биде ставен под тепих.
Авторот исто така запрашува како комесарот на ЕУ за соседска политика, Јоханес Хан може да побара борба против корупцијата на Балканот, доколку Брисел гледа на страна.
Според австрискиот весник, шефот на австриската дипломатија Себастијан Курц би требало да делува што поскоро, бидејќи скандалот треба да биде целосно расветлен, а мисијата на ЕУЛЕКС мора да биде поставена поефикасно, бидејќи по нејзиното петгодишно делување, на Косово од функционирањето на правна држава може да се види многу малку.
Wiener Zeitung потсетува дека ЕУЛЕКС е најголемата мисија на ЕУ, која брои 1.600 службеници и годишни чини околу 90 милиони евра, со цел на Косово да воспостави правна држава по стандардите на ЕУ.
„Во расветлувањето на скандалот веќе се видоа огромни слабости. Критиката на ревизорите на ЕУ, според кои мисијата е прескапа и не ги постигна своите цели, нечујно исчезна. Европската комисија е задолжена за ЕУЛЕКС, а тоа важи и за Европскиот совет, но некаде помеѓу исчезна одговорноста во Брисел“, заклучува весникот./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.