Регион
Згаснува Танјуг, на вработените само отпремнини
Новинската агенција Танјуг, официјално престана да постои на 31 октомври, кога е избришана од регистерот на Агенцијата за трудови регистри, јавува B92.
Вработените ќе добијат отпремини и октомвриските плати, пишуваат белградските медиуми во среда.„Официјално не сме известени, но неофицијално добивме информација дека агенцијата Танјуг официјално престанала да постои и дека на вработните ќе им биде исплатена октомвриската плата, како и дека сите вработени ќе добијат отпремнини според закон. Висината на отпремнините се уште не е дефинирана, затоа што има различни решенија и сето тоа мора да се усклади“, вели за весникот Данас, претседателот на Синдикатот на Танјуг, Марко Драгишиќ. Тој додава дека 180 вработени ќе бидат упатени на бирото за вработување.Прашан дали Танјуг се гаси за да се отвори нова агенција под Владата, со многу помлаку вработени, Драгишиќ вели дека нема таква информација, но дека има сознанија дека Владата на Србија на седница би требало да расправа за Танјуг.„Заклучоците од тој состанок не мора обавезно да бидат соопштени, но сигурно ќе се најде на страниците на Службениот весник“, вели Драгишиќ.Весникот Блиц на своето интернет издание пишува дека Владата донела уредба за гасење на Танјуг, врз основа на која вработените ќе ги добијат сите плати, а имотот на Танјуг ќе премине во Дирекцијата за имот.Рокот за приватизација на 73 медиуми истече на 1 ноември, а нови сопственици добија само 36.Останатите медиуми, за кои немало заинтересирани, треба во наредниот месец да им понудат бесплатни акции на вработените. Доколку тие ги одбијат акциите, како што налага законот, тој медиум се гаси.Здружението на новинари на Србија соопшти дека се запрепастени од тоа што на вработените на танјуг не им е овозможено да го остварат своето право на пренос на капиталот без надомест.Според толкувањето на Владата, кое здружението го добило неофицијално, со престанок на важењето на Законот за новинската агенција Танјуг, на 31 октомври 2015 година, формално-правно престанува да постои националната агенција, па и сите права на пренос на капиталот без надомест на кои вработените до тогаш имале право.Агенцијата Танјуг е основана на 5 ноември 1943 година./крај/б92/бб
Извор: Tanjug
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.