Регион
Во Брисел нов состанок на Могерини со Вучиќ и Тачи
Доцна вечерва во Брисел почна новиот состанок на шефицата на европската дипломатија, Федерика Могерини, со претседателот на Србија, Александар Вучиќ, и претседателот на Косово, Хашим Тачи, во рамките на дијалогот за нормализирање на односите меѓу Белград и Приштина.
Претходно, Могерини имаше одделни средби со двајцата претседатели, Вучиќ и Тачи.
?? #EU facilitated high level dialogue: HRVP @FedericaMog welcomes @predsednikrs @avucic. Brussels, now. #Serbia #Kosovo #WesternBalkans pic.twitter.com/TfrVGuMx9k
— Maja Kocijančič (@MajaEUspox) November 8, 2018
Портпаролката на Европската комисија, Маја Коцијанчич, на социјалната мрежа „Твитер“ објави фотографија на Могерини со Вучиќ и Тачи пред состанокот.
EU expects #Serbia & #Kosovo to swiftly deliver on their commitment to Dialogue given direct link btw normalisation of relations btw them & concrete prospects for their #EU aspirations @FedericaMog to Presidents @HashimThaciRKS and @predsednikrs ?? https://t.co/zT2Yt2Dd1f pic.twitter.com/fzF00xsRLT
— European External Action Service – EEAS ?? (@eu_eeas) November 8, 2018
Се очекува дека Вучиќ и Тачи на состанокот ќе ја потврдат подготвеноста за интензивирање на активностите за поддршка на правнообврзувачки договор за сеопфатна нормализација на односите, што е клучен за европскиот пат на Србија и Косово, соопшти вчера Европската служба за надворешни работи.
?? #EU facilitated high level dialogue: HRVP @FedericaMog is now meeting with Presidents @HashimThaciRKS and @predsednikrs @avucic. #Serbia #Kosovo #WesternBalkans pic.twitter.com/VNbT4rtGuq
— Maja Kocijančič (@MajaEUspox) November 8, 2018
Тачи пред состанокот со Могерини рече дека е тешко да се постигне договор за нормализирање на односите со Србија, но ќе стори сè за да се направи тоа што е можно побргу.
?? #EU facilitated high level dialogue: HRVP @FedericaMog welcomes President @HashimThaciRKS. Brussels, now. #Kosovo #Serbia #WesternBalkans pic.twitter.com/RQjlvyf05f
— Maja Kocijančič (@MajaEUspox) November 8, 2018
„Целта на Косово е да изгради добрососедски односи со сите земји, во овој поглед и со Србија, со цел да се оди напред кон интеграцијата во ЕУ и НАТО и да се отвори глобална перспектива на Косово“, изјави тој.
Последниот круг на дијалог меѓу Белград и Приштина на највисоко ниво се одржа на 18 јули. Продолжувањето на дијалогот беше закажан за 7 септември во Брисел, но Вучиќ и Тачи не се сретнаа. Тогаш Могерини одржа одвоени средби со двајцата претседатели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Регион
Словенечката опозиција бара истрага за случаите со крадење бебиња во Југославија: „Можеби се продадени повеќе од 20.000 деца“
Опозициските партии во Словенија поднесоа барање за парламентарна истрага за потенцијалното учество и одговорност на јавните службеници во случаите на кражба на деца во таа земја во периодот од 1965 до 1991 година, изјави денеска пратеничката на Словенечката демократска партија (СДС) Аленка Јерај.
„Во таканаречената трговија со бебиња, којашто се случуваше воглавно во 70те и 80те години во поранешна Југославија, повеќе од 20.000 деца можеби се продадени“, рече Јерај и додаде дека се соработува со српските друштва за овие случаи, пренесе СТА.
Овој проблем минатата година словенечкото здружение на родители на украдени деца го презентираше до собраниската Комисија за претставки, човекови права и еднакви можности со пропратна документација, а министерката за внатрешни работи Татјана Бобнар тогаш вети дека надлежните служби ќе направат се во нивната моќ.
Јерај изјави дека надлежните не презеле ништо, наведувајќи дека медицинскиот персонал инволвиран во неколку случаи на кражба на бебиња не бил вклучен во полициската истрага, а полицијата не ја презела документацијата од здружението на родители.
Словенечкиот премиер Роберт Голоб претходно оваа недела истакна дека 45 од 59 случаи на сомнителни кражби на бебиња се веќе затворени.