Свет
Рубио: Украина ја изгради најсилната и најмоќната армија во Европа
Американскиот државен секретар, Марко Рубио, изјави дека Украина ја изградила најсилната и најмоќната армија во Европа, истакнувајќи го борбеното искуство на земјата и тешките загуби што ги претрпеле руските сили за време на војната.
Во разговор за „Фокс њуз“ за време на патувањето во Кина, Рубио изјавил дека украинските вооружени сили се развиле во најспособна борбена сила на континентот, и покрај поголемата популација и воени ресурси на Русија, пишува „Јунајтед24 Медиа“.
„Русите месечно губат петпати повеќе војници од Украинците“
„Ако се погледне, Русите месечно губат петпати повеќе војници од Украинците, иако Украина е помала земја со помала армија“, рекол Рубио.
„Сепак, треба јасно да се каже дека украинските вооружени сили во моментов се најсилни и најмоќни во цела Европа. Тоа, секако, во голема мера е благодарение на помошта што ја добија, но и на борбеното искуство што го стекнаа“, додал тој.
Рубио ги опиша и огромните човечки и економски жртви од војната за двете земји, нагласувајќи дека Русија и натаму трпи големи загуби на бојното поле.
„Русите губат од 15 до 20 илјади војници месечно — загинати. Не ранети, туку загинати“, изјавил тој.
Воедно призна дека динамиката во преговорите во последните месеци забавила.
„За жал, во последните неколку месеци изгубивме дел од замавот од различни причини. Украинците се сè посигурни во своите позиции на бојното поле, ја преживеаја зимата, а и Русите чувствуваат одреден оптимизам поради растот на цените на нафтата“, објаснил Рубио.
Сепак, американскиот државен секретар изјави дека Вашингтон се надева дека и Москва и Киев на крајот повторно ќе седнат на преговарачка маса.
„Но се надеваме, било поради изјава на Владимир Путин или поради некои други причини, дека наскоро ќе дојдеме до точка во која двете страни повторно ќе се вратат на преговори“, заклучил тој.
Во меѓувреме, Украина своето искуство со беспилотни летала сега им го нуди и на други земји. Тоа било демонстрирано на неодамнешните шведски воени вежби „Аурора 26“, каде што украински оператори покажале како FPV-дронови можат брзо да ги нарушат копнените единици на НАТО.
Според извештаите, украинските FPV-пилоти повеќепати ги пробиле шведските позиции, поради што обуката морала да биде прекинувана неколкупати за шведските единици да можат да ја прилагодат својата тактика.
Еден украински оператор со повикувачки знак „Тарик“ потврдил дека вежбите биле прекинувани за шведските сили повторно да го проценат своето дејствување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
И САД и Иран потврдија: Бродовите повторно пловат низ Ормускиот Теснец
По објавувањето на рамковниот договор меѓу САД и Иран за завршување на конфликтот, пристигнуваат и првите знаци на смирување на состојбата на теренот. Американскиот претседател Доналд Трамп соопшти дека бродовите повторно почнале да се движат низ Ормускиот Теснец.
Според анализа на BBC Verify врз основа на поморски податоци, поголем број пловила во моментов се обидуваат да го минат овој стратешки важен морски премин.
Обновувањето на сообраќајот следува откако американскиот потпретседател Џеј Ди Венс изјави дека компаниите во почетниот период нема да плаќаат надоместоци за пловидба низ теснецот. Во исто време, Техеран соопшти дека заедно со Оман презема мерки за безбедна навигација на бродовите.
Портпаролот на иранското Министерство за надворешни работи, Есмаил Багаеи, изјави дека САД со договорот се обврзале на укинување на економските санкции кон Иран и учество во обновата на земјата.
Додека финансиските пазари позитивно реагираат на договорот, состојбата во Либан останува тензична. Според локални медиуми, едно лице загинало во напад во јужниот дел на земјата, а Израел засега не го коментира инцидентот. Израелски пратеник за BBC изјавил дека земјата ќе ја задржи својата воена присутност во Либан.
Свет
Иран бара договорот со САД да биде потврден со резолуција на Советот за безбедност на ОН
Иран ќе бара конечниот договор со САД, вклучително и делот што се однесува на нуклеарната програма, да биде поддржан со резолуција на Советот за безбедност на Обединетите нации.
Портпаролот на иранското Министерство за надворешни работи, Есмаил Багаеи, изјави дека Техеран очекува договорот да добие поддршка од Советот за безбедност во рок од 60 дена по неговото потпишување.
Во меѓувреме, САД и Иран продолжуваат со преговорите за деталите од договорот, меѓу кои е и режимот на пловидба низ Ормутскиот Теснец. Американскиот потпретседател Џеј Ди Венс изјави дека Вашингтон очекува теснецот долгорочно да биде отворен без транзитни такси, но додаде дека тоа прашање ќе биде предмет на технички преговори.
Од Техеран повторија дека нема да наплаќаат транзитни такси, туку надоместоци за услуги како навигација, заштита на животната средина и осигурување на бродови.
Според претходни информации, нацрт-договорот предвидува повторно отворање на Ормутскиот Теснец, укинување на американската блокада на иранските пристаништа и продолжување на примирјето, додека разговорите за иранската нуклеарна програма би продолжиле во дополнителен рок од 60 дена.
Регион
Еден од загинатите управувал со едрилицата во моментот на судирот, јавуваат хрватските медиум
Во истрагата за тешката поморска несреќа кај Сплит, во која загинаа четворица чешки државјани, се појавија нови неофицијални информации според кои во моментот на судирот со катамаранот, на кормилото на едрилицата наводно не бил скиперот, туку еден од загинатите патници.
Според хрватските медиуми, полицијата ќе ги испита сите преживеани од едрилицата, како и членовите на екипажот и патниците од катамаранот кои би можеле да имаат информации за околностите на несреќата.
Неофицијално, француски државјани кои се наоѓале на блиска едрилица го снимиле моментот на судирот, а снимката би можела да биде важен доказ во истрагата.
Според досегашните информации, двете пловила се движеле во правец кон Хвар, а едрилицата непосредно пред несреќата наводно го сменила правецот на движење.
Наредени се токсиколошки анализи за скиперот на едрилицата, како и за командантот и првиот офицер на катамаранот. Исто така, ќе биде извршена обдукција на загинатите и дополнителни вештачења за утврдување на причините за несреќата.
Потонатата едрилица, која се наоѓа на длабочина поголема од 50 метри, ќе биде извлечена за детална техничка проверка.
Бони Тајлер се разбуди од индуцирана кома
Велшката пејачка Бони Тајлер се разбудила од индуцирана кома во Португалија, каде што се опоравува по срцев застој што го...
Цената на нафтата нагло падна по договорот меѓу САД и Иран
Цените на нафтата денеска значително паднаа на меѓународните пазари и се спуштија под 80 долари за барел, откако САД и...
Три хороскопски знаци до крајот на месецот ќе мора да се соочат со вистината од која бегаат
Според астролошките толкувања, до крајот на месецот три хороскопски знаци би можеле да се соочат со вистини што долго време...
И САД и Иран потврдија: Бродовите повторно пловат низ Ормускиот Теснец
По објавувањето на рамковниот договор меѓу САД и Иран за завршување на конфликтот, пристигнуваат и првите знаци на смирување на...
Иран бара договорот со САД да биде потврден со резолуција на Советот за безбедност на ОН
Иран ќе бара конечниот договор со САД, вклучително и делот што се однесува на нуклеарната програма, да биде поддржан со...
Еден од загинатите управувал со едрилицата во моментот на судирот, јавуваат хрватските медиум
Во истрагата за тешката поморска несреќа кај Сплит, во која загинаа четворица чешки државјани, се појавија нови неофицијални информации според...
Вучиќ: Нема да владеам ниту еден ден без легитимитет
Српскиот претседател Александар Вучиќ денеска ги отфрли шпекулациите во дел од медиумите дека по евентуално поднесување оставка планира да ја...
Мисајловски од Париз: инвестираме во нова и модерна опрема, зашто безбедноста на нашите граѓани и сигурноста на Алијансата е врвен приоритет
Министерот за одбрана Владо Мисајловски денеска (15 јуни) престојува во Париз, Франција каде присуствуваше на отворањето на меѓународниот саем за...
Осуда за инцидентот со возилата на бугарската амбасада, Муцунски најави целосно расчистување на случајот
Осуда за инцидентот во кој денеска беа опожарени возила во сопственост на Амбасадата на Република Бугарија во Скопје изразил министерот...