Русија фрли бомба од три тони врз град во Украина, објавено е видео

Русија фрли бомба од три тони FAB-3000 врз градот Орихив во Запорошката област на Украина и објави видео од нападот. Градот се наоѓа недалеку од линијата на фронтот, а видеото покажува огромна експлозија, пишува PolskieRadio24.pl. Видеото циркулира на социјалните мрежи од вчера.

Видеото го прикажува ударот на моќната бомба во урбана област. Висок облак од чад се издига над местото на ударот.

Russia released footage of a 3-ton FAB-3000 glide bomb striking the front-line town of Orikhove in Ukraine's Zaporizhzhia region. The bomb carries around 1.4 tons of explosives. pic.twitter.com/dZ1xMf6ix3

— Open Source Intel (@Osint613) July 13, 2026

FAB-3000 е фрагментациска бомба чија вкупна тежина е три тони, додека самото експлозивно полнење тежи околу 1,5 тони. Развиена е во Советскиот Сојуз во 1946 година со цел уништување на индустриски објекти, подземни структури или брани.

На почетокот на 2024 година, Русија објави дека го продолжила масовното производство на овие бомби, кои последен пат биле користени пред 40 години во војната во Авганистан. Бомбите од овој модел што ги користи руската армија денес се опремени со модул за корекција на лизгање и лет.

Нивниот радиус на уништување е 240 метри, а смртоносните фрагменти можат да летаат повеќе од еден километар од местото на експлозијата. Русите ги адаптирале бомбите FAB-3000 за испуштање од тактички бомбардери Су-34. Благодарение на модулот за лизгање, пилотот може да го испушти товарот од безбедно растојание од целта, по што бомбата самостојно ја корегира својата траекторија користејќи го системот за водење.