Претседателот на Украина, Володимир Зеленски, и претседателот на САД, Доналд Трамп, денеска телефонски разговарале за повеќе теми, вклучително и дипломатските напори и можностите за постигнување мир во Украина, соопшти советникот на украинскиот претседател за комуникации, Дмитро Литвин.

Литвин, пренесува украинската агенција Укринформ, изјавил пред новинарите дека разговорот меѓу двајцата лидери траел меѓу 30 и 35 минути и бил содржаен.

„Да, разговараа. Разговорот беше прилично содржаен – за сè, од роденденски честитки до дипломатијата и прашањата поврзани со војната и мирот“, изјавил Литвин.

Американскиот претседател Доналд Трамп изјави дека израелскиот напад врз Бејрут, изведен порано денеска, „не требаше да се случи“ и повика да не се уништува можноста за постигнување договор.

„Особено не на овој посебен ден кога сме толку блиску до мировен договор со Иран“, напиша Трамп на својата социјална мрежа Truth Social. Претходно, тој најави дека токму денес би можело да биде постигнато рамковно спогодбено решение со Иран.

Трамп оцени дека Израел има право да се брани, но додаде дека нападот на кој одговорил бил многу мал и бесмислен.

Тој истакна дека САД и Иран се „многу блиску до склучување договор што ќе донесе мир во регионот, вклучително и во Либан“, додавајќи дека „сите страни треба да се повлечат“.

„Не треба да има повеќе напади од Израел, ниту од која било друга страна. Ова би можело да биде почеток на долг и убав мир. Да не го уништиме тоа!“, порача Трамп.

Во меѓувреме, заменик-командантот на иранската централна команда Хатам ал-Анбија, Мохамад Џафар Асади, изјави дека израелските „злосторства“ во јужните предградија на либанската престолнина нема да останат неказнети, пренесоа иранските државни медиуми.

Асади ја даде изјавата по израелските напади врз јужните предградија на Бејрут, за кои Израел тврди дека биле насочени кон проиранското движење Хезболах.

Главниот ирански преговарач Мохамад Багер Галибаф, пак, ги обвини САД дека не ги исполнуваат своите ветувања. Според него, израелските напади ги загрозуваат преговорите меѓу Техеран и Вашингтон.

„Израелската агресија врз јужните предградија на либанската престолнина уште еднаш покажа дека на САД им недостига волја или способност да ги исполнат своите ветувања“, изјави Галибаф.

Три лица загинаа во неделата во израелски воздушен напад врз јужните предградија на Бејрут, втор таков напад во последната недела. Израел соопшти дека нападот бил одмазда за нападите на Хезболах врз северен Либан.

Иран, пак, секој можен договор со САД го условува со целосен прекин на огнот, вклучително и во Либан.

Фото: Depositphotos

Заменик-командантот на иранското централно воено командување, Мохамад Џафар Асади, изјави дека израелскиот напад врз јужните предградија на Бејрут нема да остане неказнет. Израел соопшти дека цел на нападот биле позиции на Хезболах.

Во меѓувреме, претседателот на иранскиот парламент и главен преговарач Мохамад Багер Галибаф ги обвини САД дека не ги исполнуваат своите ветувања и оцени дека нападот ги доведува во прашање разговорите меѓу Техеран и Вашингтон.

„Ако нема волја или способност да се исполнат преземените обврски, нема смисла да продолжиме по овој пат“, изјави Галибаф, додавајќи дека Иран секој договор со САД го условува со целосен прекин на огнот, вклучително и во Либан.

Во денешниот израелски воздушен напад врз јужен Бејрут загинаа три лица. Израел наведе дека акцијата била одговор на напади на Хезболах.