Свет
Северна Кореја покажа таен нуклеарен постројка: Ким нареди големо проширување на арсеналот
Севернокорејскиот лидер Ким Џонг Ун повика на „експоненцијално“ проширување на атомскиот арсенал на земјата за време на посетата на нов погон за производство на нуклеарен материјал, објавија државните медиуми.
Ким рече дека производствениот капацитет за материјал за нуклеарно оружје се зголемил повеќе од двојно во последните пет години и им нареди на службениците дополнително да го зголемат производството за да се постигнат долгорочните стратешки цели.
За време на посетата, тој беше информиран за новите производствени процеси што вклучуваат понапредна технологија и ги разгледа тековните производствени цели и идните планови, објави KCNA.
Фотографиите објавени од државните медиуми го покажуваат Ким како оди меѓу редови цилиндрична опрема во објектот, што според некои аналитичари би можело да укажува дека локацијата е во главниот нуклеарен комплекс на земјата во Јонгбјон.
„Ова е историски настан“
Ким рече дека проширувањето е неопходно со оглед на она што го нарече влошување на безбедносните закани и долгорочен конфликт со „најжестоките непријатели“ и ја потврди политиката на земјата за зголемување на нуклеарното одвраќање.
KCNA објави дека истиот ден се одржал клучен консултативен состанок за зајакнување на нуклеарните сили, на кој Ким ги изложил насоките за забрзување и на квалитативното и на квантитативното проширување на нуклеарниот арсенал на Северна Кореја. Земјата ги утврди редоследот и заштитните мерки за спроведување на „амбициозен иден план дизајниран да ги зајакне нуклеарните сили на нашата земја со експоненцијална брзина“, го цитираше KCNA Ким.
„Ова е историски настан што постави епохална пресвртница во брзиот напредок на нашите нуклеарни капацитети“, додаде тој.
Откриен нуклеарен објект
Нуклеарниот објект што Северна Кореја го откри беше објект за збогатување на ураниум, изјави претставник на Здружениот штаб на јужнокорејската армија на брифинг во Сеул. Аналитичарите велат дека посетата на Ким се чини дека имала за цел зајакнување на преговарачката позиција на Северна Кореја пред потенцијален дипломатски ангажман, а воедно и оправдување на забрзувањето на нејзината нуклеарна програма.
Со залихите на збогатен ураниум на Иран како клучна точка на сопнување во тековните разговори меѓу Иран и САД, се чини дека Пјонгјанг „намерно ги прикажува“ своите растечки нуклеарни капацитети за да сигнализира дека денуклеаризацијата не е прашање за кое може да се преговара со Вашингтон, забележува Јанг Му-џин, поранешен претседател на Универзитетот за севернокорејски студии.
Пјонгјанг се повлече од Договорот за неширење на нуклеарно оружје во 1993 година и оттогаш спроведе шест нуклеарни тестови, како и десетици тестови на балистички ракети, од кои некои експерти велат дека би можеле да стигнат до САД.
Осум ракетни тестови
Оваа воена програма ја подложи Северна Кореја на строги санкции од САД. Пружајќи отпор на притисокот од САД и нивните сојузници, Пјонгјанг во 2022 година изјави дека нејзиниот статус како нуклеарна сила е „неповратлив“. Земјата го смета својот нуклеарен арсенал, проценет на неколку десетици боеви глави, како спас од секој обид за инвазија на нејзина територија или соборување на нејзиниот режим.
Северна Кореја спроведе осум ракетни тестови оваа година, што аналитичарите велат дека би можеле да ги одразат напорите на Пјонгјанг да ја искористи ерозијата на меѓународните норми за да го зацврсти својот нуклеарен статус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
И САД и Иран потврдија: Бродовите повторно пловат низ Ормускиот Теснец
По објавувањето на рамковниот договор меѓу САД и Иран за завршување на конфликтот, пристигнуваат и првите знаци на смирување на состојбата на теренот. Американскиот претседател Доналд Трамп соопшти дека бродовите повторно почнале да се движат низ Ормускиот Теснец.
Според анализа на BBC Verify врз основа на поморски податоци, поголем број пловила во моментов се обидуваат да го минат овој стратешки важен морски премин.
Обновувањето на сообраќајот следува откако американскиот потпретседател Џеј Ди Венс изјави дека компаниите во почетниот период нема да плаќаат надоместоци за пловидба низ теснецот. Во исто време, Техеран соопшти дека заедно со Оман презема мерки за безбедна навигација на бродовите.
Портпаролот на иранското Министерство за надворешни работи, Есмаил Багаеи, изјави дека САД со договорот се обврзале на укинување на економските санкции кон Иран и учество во обновата на земјата.
Додека финансиските пазари позитивно реагираат на договорот, состојбата во Либан останува тензична. Според локални медиуми, едно лице загинало во напад во јужниот дел на земјата, а Израел засега не го коментира инцидентот. Израелски пратеник за BBC изјавил дека земјата ќе ја задржи својата воена присутност во Либан.
Свет
Иран бара договорот со САД да биде потврден со резолуција на Советот за безбедност на ОН
Иран ќе бара конечниот договор со САД, вклучително и делот што се однесува на нуклеарната програма, да биде поддржан со резолуција на Советот за безбедност на Обединетите нации.
Портпаролот на иранското Министерство за надворешни работи, Есмаил Багаеи, изјави дека Техеран очекува договорот да добие поддршка од Советот за безбедност во рок од 60 дена по неговото потпишување.
Во меѓувреме, САД и Иран продолжуваат со преговорите за деталите од договорот, меѓу кои е и режимот на пловидба низ Ормутскиот Теснец. Американскиот потпретседател Џеј Ди Венс изјави дека Вашингтон очекува теснецот долгорочно да биде отворен без транзитни такси, но додаде дека тоа прашање ќе биде предмет на технички преговори.
Од Техеран повторија дека нема да наплаќаат транзитни такси, туку надоместоци за услуги како навигација, заштита на животната средина и осигурување на бродови.
Според претходни информации, нацрт-договорот предвидува повторно отворање на Ормутскиот Теснец, укинување на американската блокада на иранските пристаништа и продолжување на примирјето, додека разговорите за иранската нуклеарна програма би продолжиле во дополнителен рок од 60 дена.
Регион
Еден од загинатите управувал со едрилицата во моментот на судирот, јавуваат хрватските медиум
Во истрагата за тешката поморска несреќа кај Сплит, во која загинаа четворица чешки државјани, се појавија нови неофицијални информации според кои во моментот на судирот со катамаранот, на кормилото на едрилицата наводно не бил скиперот, туку еден од загинатите патници.
Според хрватските медиуми, полицијата ќе ги испита сите преживеани од едрилицата, како и членовите на екипажот и патниците од катамаранот кои би можеле да имаат информации за околностите на несреќата.
Неофицијално, француски државјани кои се наоѓале на блиска едрилица го снимиле моментот на судирот, а снимката би можела да биде важен доказ во истрагата.
Според досегашните информации, двете пловила се движеле во правец кон Хвар, а едрилицата непосредно пред несреќата наводно го сменила правецот на движење.
Наредени се токсиколошки анализи за скиперот на едрилицата, како и за командантот и првиот офицер на катамаранот. Исто така, ќе биде извршена обдукција на загинатите и дополнителни вештачења за утврдување на причините за несреќата.
Потонатата едрилица, која се наоѓа на длабочина поголема од 50 метри, ќе биде извлечена за детална техничка проверка.
Атаман го напушти Панатинаикос
Ергин Атаман повеќе не е тренер на Панатинаикос, официјално објави грчкиот клуб. Патанаикос и Атаман се разделија по тригодишна соработка....
Бони Тајлер се разбуди од индуцирана кома
Велшката пејачка Бони Тајлер се разбудила од индуцирана кома во Португалија, каде што се опоравува по срцев застој што го...
Цената на нафтата нагло падна по договорот меѓу САД и Иран
Цените на нафтата денеска значително паднаа на меѓународните пазари и се спуштија под 80 долари за барел, откако САД и...
Три хороскопски знаци до крајот на месецот ќе мора да се соочат со вистината од која бегаат
Според астролошките толкувања, до крајот на месецот три хороскопски знаци би можеле да се соочат со вистини што долго време...
И САД и Иран потврдија: Бродовите повторно пловат низ Ормускиот Теснец
По објавувањето на рамковниот договор меѓу САД и Иран за завршување на конфликтот, пристигнуваат и првите знаци на смирување на...
Иран бара договорот со САД да биде потврден со резолуција на Советот за безбедност на ОН
Иран ќе бара конечниот договор со САД, вклучително и делот што се однесува на нуклеарната програма, да биде поддржан со...
Еден од загинатите управувал со едрилицата во моментот на судирот, јавуваат хрватските медиум
Во истрагата за тешката поморска несреќа кај Сплит, во која загинаа четворица чешки државјани, се појавија нови неофицијални информации според...
Вучиќ: Нема да владеам ниту еден ден без легитимитет
Српскиот претседател Александар Вучиќ денеска ги отфрли шпекулациите во дел од медиумите дека по евентуално поднесување оставка планира да ја...
Мисајловски од Париз: инвестираме во нова и модерна опрема, зашто безбедноста на нашите граѓани и сигурноста на Алијансата е врвен приоритет
Министерот за одбрана Владо Мисајловски денеска (15 јуни) престојува во Париз, Франција каде присуствуваше на отворањето на меѓународниот саем за...