Во Србија синоќа пристигнаа 500.000 вакцини од руската компанија „Синофарм“. Авионот со вакцини на аеродромот „Никола Тесла“ во Белград го пречека претседателот на Србија, Александар Вучиќ.

„Согласно протоколите вечерва дојдов сам на аеродромот ‘Никола Тесла’. Нашиот најголем авион А330 достави 500.000 вакцини на ‘Синофарм’. Дојдов уште еднаш да му покажам почит и благодарност на претседателот Шји Ѓинпинг и на кинескиот народ”, рече Вучиќ во видео обраќање на социјалните мрежи.

„Благодарен сум на Кина, горд на Србија!“, напиша претседателот на Србија.

epa09002255 Workers unload containers transporting half a million doses of Sinopharm’s China National Biotec Group vaccines for the coronavirus disease (COVID-19) at the Nikola Tesla Airport in Belgrade, Serbia, 10 February 2021. Serbia has managed to inoculate more than 450,000 of its seven million population in almost two weeks, a rate that exceeds all countries in Europe apart from the United Kingdom. EPA-EFE/ANDREJ CUKIC

Вучиќ ги повика граѓаните да се вакцинираат и со тоа да спасат животи.

„Вечерва имаме вкупно 2.620.000 вакцини и се договоривме за вкупно 13 милиони и 350.000 вакцини“, рече претседателот на Србија.

Од денес напладне во 12 часот до понеделник во 6 часот наутро во Србија ќе се применуваат нови мерки на Кризниот штаб според кои ќе бидат затворени сите угостителски објекти и сите продавници, освен продавниците за храна.

Од понеделник, 8 март, средношколците ќе се префрлат на часови преку Интернет.

За време на новиот режим ќе можат да работат само продавниците за храна, кои можат да работат до 21 часот, а на аптеките и бензинските пумпи работното време не им е ограничено.

Во ски – центрите овие мерки ќе важат од полноќ и ќе траат до понеделник, што значи дека угостителските објекти на овие места нема да работат во текот на целиот викенд.

Исклучок се хотелските кафулиња и ресторани, кои за време на викендот можат да послужат само гости кои имаат регистриран престој.

Кога станува збор за културните институции, само театрите ќе можат да работат до 21 часот, со почитување на сите епидемиолошки мерки, додека ќе може да се одржат и претходно закажани спортски настани, но без присуство на публика.

Доставата на храна ќе функционира 24 часа на ден. Исто така, по 12 часот, можат да работат приватни здравствени установи, лаборатории, ветеринарни клиники и стоматолошки ординации.

Од понеделник, 8 март, сè ќе работи според вообичаениот режим.

Од Владата соопштија дека вакцинацијата против Ковид-19 ќе се одвива без прекин според однапред утврден план, така што новите мерки на кој било начин не го загрозуваат процесот на имунизација.

Најмалку 20 лица загинаа, а 30 се повредени вечерва во експлозија на автомобил-бомба пред ресторан во близина на пристаништето во сомалиската престолнина Могадиш, соопштија здравствените власти.

Очевидци изјавија дека по експлозијата се слушнале истрели, објави Ројтерс.

„Досега имаме 20 мртви и 30 ранети на местото на експлозијата“, изјави портпаролот на брзата помош од Сомалија.

Досега никој не ја презеде одговорноста за нападот.

Сомалиското државно радио објави дека имало загинати и повредени а полицијата ја оградила областа.