Свет
Tанзаниски селски главатар обезглавен од банда ловокрадци
Обидот да се спречат ловокрадци заврши катастрофално за главатарот на едно танзаниско село кој заврши обезглавен од криминалците, кои потоа му го фрлиле телото. Танзаниската полиција уапси еден човек поради обезглавувањето.
Главатарот на селото Гијабунг, Фаустин Санка (59), бил пронајден обезглавен во близина на националниот парк Тарангир. Властите велат дека делови од неговото тело веќе биле изедени од животни кога ја откриле грозоморната сцена.
Лимито Лебангу (19) е уапсен во врска со убиството, за кое се верува дека е одмазда, а полицијата трага по други тројца осомничени. Според локалното население, Санка се обидел да го спречи криволовот во националниот парк Тарангир – шестиот најголем резерват во Танзанија.
Регионалниот полициски командант на Мајанара, Аугустино Сенга, изјави дека младите ловокрадци во соседното село биле бесни на Санка за кој верувале дека им дал на стражарите во националниот парк список на луѓе кои се занимавале со нелегални ловечки активности.
„Прелиминарните истраги откриваат дека Санка ја унапредувал борбата против криволовството во националниот парк Тарангир. Санка го пријавил Лебангу и некои од неговите пријатели кај ренџерите во националниот парк Тарангир и затоа одлучиле да го убијат “, вели Сенга.
Телото на Санка било пронајдено фрлено во шума во близина на селото завиткано во најлон, а главата му била отсечена со остар предмет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.