Вести
Бројот жртви во налетот на автомобилот во Мелбурн се зголеми на четири
Бројот на жртвите во несреќата која се случи во петокот кога автомобил намерно влета во група минувачи во центарот на австралискиот град Мелбурн, се зголеми на четири, пишува интернет изданието на весникот Sydney Morning Herald, наведувајќи го соопштението на локалната полиција.
Во извештајот се наведува и дека повеќе од 30 луѓе се хоспитализирани. Шест од нив во болниците биле доведени со повреди опасни по животот, а три лица се наоѓаат во критична состојба.
Претходно беше јавено за тројца заинати и околу 20 повредени. Првите три жртви загинале на самото место на инцидентот, од кои едно е дете, а четвртата жртва починала во болницата, прецизира Associated Press.
Според полицијата, мажот намерно со својот автомобил косел луѓе по пешачката зона. Меѓутоа, засега властите не се наклонети овој инцидент да го поврзат со сличните терористички напади кои се случија минатото лето во француска Ница кога и пред крајот на ланската година во германската престолнина Берлин.
Деновиве во Мелбурн се одржува тенискиот турнир Australian Open, поради што во градот престојуваат илјадници домашни и странски туристи. Инцидентот се случи на неколку стотици метри од тениските терени.
Возачот намерно влетал во толпата луѓе со брзина од околу 60 километри на час. Тој е приведени. Според локалните медиуми, станува збор за 26-годишен маж кој претходно на власите им бил позната по насилство, употреба на дроги и ментални проблеми./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
