Топлотниот бран кој оваа недела го зафати Израел во средата го достигна врвот во Содом, кај Мртвото Море, кога биле измерени 49,9 Целзиусови степени.

„Тоа е највисока температура што некогаш е измерена од основањето на државата во 1948 година и втора највисока некогаш забележана во тоа подрачје откако е почнато бележење на временските услови во 20-тите години“, соопшти Израелската метеорлошка служба.

Највисоката температура била измерена во 1942 година – 54 степени во комуната Тирта Цви на северот на Долината Јордан.

„Иако екстремни температури биле измерени и во неодамнешното минато, новиот рекорд покажува дека глобалните климатски промени и затоплувањето влијаеле на просечните температури“, објави Метеролошката служба.

Од таму навеле дека се очекува затоплувањето да продолжи и дека ќе има екстремни топлотни бранови и нови рекордни високи температури.

Екстремно топло време по должината на брегот на Средоземното Море е ретко и се случува еднаш во пет до десет години, но во последната деценија станува сè почесто на секои две-три години.

Американскиот претседател, Доналд Трамп, објави дека вршителот на должност министер за одбрана, Патрик Шенахан, ја повлекол кандидатурата за прв човек на американската војска. Трамп рекол дека Шенахан сака да поминува повеќе време со семејството.

Нов вршител на должност шеф на Пнетагон ќе биде актуелниот државен секретар задолжен за војската, Марк Еспер.

Индиската полиција го пронајде телото на магионичарот кој врзан со синџири беше спуштен во река обидувајќи се да го изведе познатиот трик на Худини. Чанчал Лахири (42) исчезнал во неделата попладне.

Поентата на целата точка била магионичарот да се ослободи од синџирите и да отплива на сигурно. Меѓутоа, тој не испливал од реката.

An Indian stuntman who entered the Ganges river tied up with steel chains and rope went missing, Sunday, June 16, police said. Chanchal Lahiri, also known as “Wizard Mandrake,” was lowered into the river with media and police standing by, but the 40-year-old never emerged. pic.twitter.com/qcbK1jqeRP

— The Voice of America (@VOANews) June 17, 2019

Набљудувачите на настанот ја известиле полицијата за исчезнувањето на магионичарот, која веднаш почнала потрага.

„Гардијан“ објави дека тој пред насобраната публика рекол:

„Ако можам да се ослободам – тоа ќе биде магија. А ако не успеам – тоа ќе биде трагедија“.

Сè уште врзано со челични синџири, неговото тело испливало на брегот на реката на еден километар оддалеченост од местото каде што почнал да го изведува трикот.

Ова не е првпат Лахири да се обиде да изведе трик под вода. Пред 20 години тој се спуштил во река врзан во стаклена кутија. Тогаш трикот го направил успешно.