Трамп задоволен од германското издвојување за НАТО

Американскиот претседател Доналд Трамп во петок изјави дека САД ќе ги почитуваат историските институции, но дека и другите држави треба да издвојуваат свој дел од средствата за НАТО.

Трамп, говорејќи на прес конференција по состанокот со германската канцеларка Ангела Меркел, рече дека и е благодарен заради „посветеноста на германската влада во издвојувањето за одбраната“ и работата на тоа да се достигне целта од барем два отсто од БДП за НАТО.

Тој уште додаде дека е отворена можноста со Германија да се направи „уште подобра работа“.

Германската канцеларка Ангела Меркел рече дека со Трамп разговарале за различни теми и изразиле заеднички интереси.

„Во врска со минатото, ние Германците многу му должиме на САД, посебно заради економскиот раст. Тоа се случи заради Маршаловиот план, а САД и сојузниците ја поддржуваа Германија за време на Студената војна“, рече Меркел.

Таа додаде дека се разговарало и за Авганистан и продолжувањето на германската мисија, а станало збор и за Сирија и Либија.

„Разговаравме за потенцијалите што нашите економии ги имаат, како и многу други прашања важни за иднината“, рече Меркел. /крај/мф