Трамп и Трудо телефонски разговарале за азилантите

Канадскиот премиер Џастин Трудо и американскиот претседател Доналд Трамп телефонски ноќта кон петокот по средноевропско време разговарале за пограничната соработка, во ситуација во којашто расте притисокот врз Канада, имајќи го предвид порастот на бројот на баратели на азил кои пристигнуваат од САД.

Во телефонскиот разговор кој следеше по минатонеделните „конструктивни разговори“ на двајцата челници во текот на средбата во Вашингтон, исто така, покрај другото, стана збор и за трговскиот спор околу дрвото, соопшти кабинетот на канадскиот премиер Џастин Трудо.

Бројот на баратели на азил кои минуваат во Канада преку изолираните и нечувани гранични премини се зголемил последните денови поради стравот дека американскиот претседател Доналд Трамп ќе се пресметува со илегалните доселеници, додека истовремено беа ширени фотографии на коишто канадските полицајци со насмевка ги поздравуваат имигрантите.

Според соопштението на Белата куќа. пак, Трамп ја истакнал важноста од блиската соработка со Канада околу прашањата на границата, „вклучително и примената на акцијата на неговата администрација за заштитата на САД од терористички напади кои би ги извеле странци и други“.

Барателите на азил илегално влегуваат во Канада поради тоа што канадската полиција, според канадско-американскиот договор за безбедност, мора да ги врати назад барателите на азил доколку тие се појават на службените гранични премини.

До 13-ти февруари бројот на лицата коишто во 2017 година побарале азил во Канада се искачил на 3.800 луѓе, што е повеќе отколку во истиот период лани и би можел да го достигне досегашниот рекорден број забележан во 2008 година од повеќе од 36.800 азиланти, изјави Скот Бардсли, портпаролот на министерот за јавна безбедност Ралф Гуделји.

Анкетите покажуваат дека Канаѓаните се поделени околу тоа дали треба да бидат прифатени повеќе или помалку азилантии бегалци., Но дури и либералните пратеници започнаа на теренот да ги слушаат изразите на загриженоста поради последниот прилив на баратели на азил, кои доаѓаат главно од Африка, Блискиот исток и Азија./крај/мф/сн