Вести
Кери во Авганистан во обид да посредува по изборите
Американскиот државен секретар Џон Кери престојува во петокот во Авганистан во обидот да посредува во изнаоѓањето решение по претседателските избори во оваа земја, кои предизвикаа тензии коишто го загрозуваат обидот да започне авганистанскиот мировен процес.
Портпаролот на американскиот Стејт департмент, Џеф Ратке, изјави дека државниот секретар Џон Кери ќе се сретне со двајцата претседателски кандидата, Абдулах Абдулах и со Ашраг Гани, како и со претседателот на заминување Хамид Карзаи и со претставници на мисијата на Обединетите нации.Авганистанската Независна изборна комисија го прогласи за победник Ашраг Гани во вториот круг од претседателските избори, одржан на 14-ти јуни, откако според прелиминарните резултати добил 56,44 отсто од гласовите, со што за речиси милиони гласови е во предност пред Абдулах. Односот, меѓутоа, може да се промени која на 22-ти јули треба да бидат објавени конечните резултати. Абдулах, кој водеше по првиот изборен круг, ги отфрли прелиминарните резултати, прогласувајќи ги за „пуч“ насочен против авганистанскиот народ. Тој тврди дека резултатот не е точен, бидејќи предвид не биле земени сите гласови.Во грижата дека преносот на власта во Авганистан би можел да прерасне во хаос, Кери, откако три дена во Пекинг со кинеските партнери ги дискутираше безбедносните, политичките и економските прашања.Откако во раните утрински часови пристигна во Кабул, Кери веднаш се упати во американската амбасада каде што ги води разговорите со Абдулах, Гании претставниците на ОН. Кери, кој ги повикува двајцата кандидати да покажат карактеристики на челници во овој критичен период за Авганистан, според портпаролот Ратке,инсистира на основно разгледување „на сите разумно сомневања во изборна измама“, коишто би можеле како последица да ја имаат ревизијата на изборниот процес.„САД не подржуваат ниту еден од кандидатите, но поддржуваме веродостоен и транспарентен процес кој ги вклучува сите сили и кој ќе ја потврди приврзаноста на авганистанскиот народ кон демократијата и којшто добие избор на претседател кој ќе може да доведе до напредок и ефикасна власт во Авганистан“, изјави портпаролот на Стејт департментот. Ставот на Вашингтон е дека резултатите од изборите не би требало да бидат објавени сé додека не бидат преброени сите гласови./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.