Вести
Обама и Кастро се ракуваа на самитот во Панама
Американскиот претседател Барак Обама и кубанскиот претседател Раул Кастро се ракуваа на регионалниот самит на американските земји кои започна во петокот навечер по локално време во Панама, симболично означувајќи ги обидите за обновување на односите меѓу идеолошките непријатели од времето на Студената војна.
Агенциите ги пренесоа снимките на кои Обама и Кастро разговараат во мала група челници на свеченото отворање на панамериканскиот самит во Панама, а претставници на Белата куќа потврдија дека претседателите се ракувале и кусо разговарале. „Тоа беше неформална средба и немаше содржински разговор меѓу претседателите“, рекол функционер за Reuters.
Дводневниот регионален самит беше отворен во присуство на триесетина шефови на држави. Овој собир „навистина има посебна димензија“, изјави на отворањето генералниот секретар на Организацијата на американските држави Хозе Мигуел Инсулза оценувајќи го како историски собирот на кој првпат на иста маса се најдоа шефови на 35 држави и влади.
Куба првпат се реши да учествува во работата на овој панамерикански самит, како резултат од затоплувањето на односите со САД. Хавана беше исклучена од работата и на Организацијата на американските држави (ОАC) уште во 1962 година. Во 2009 година организацијата ја укина одлуката за исклучувањето на Куба, но Хавана не го обнови своето членство во неа.
Присуството на претседателите на САД и на Куба на самитот ќе претставува своевиден врв на затоплувањето на односите меѓу двете земји најавени по 18 месеци преговори кои беа водени во најголема тајност. Се очекува дека Обама и Кастро повторно ќе се сретнат во сабота и ќе разговараат за обидите за обновување на целосните дипломатски односи, како и за поткрепа на меѓусебното тргување и патувањата меѓу двете земји.
Нивното приближување, коешто започна со историскиот пресврт во политиката во декември, е централната тема на регионалниот самит ов Панама. „Додека напредуваме кон процесот на нормализацијата, ќе имаме различни мислења по многу прашања. Исто како што понекогаш нашето мислење се разликува од мислењата на другите земја на американскиот континент, токму како што понекогаш се разидуваме во мислењата и со најблиските сојузници“, изјави Обама во петокот.
Меѓутоа, педесетгодишниот Барак Обама, кој не бил ни роден кога Фидел и Раул Кастро ја преземаа власта на Куба со револуцијата од 1959 година, изјави дека САД повеќе не сакат да им ја наметнуваат својата волја на земјите од Латинска Америка. „Минаа деновите кога нашиот план на оваа хемисфера предвидуваше дека САД можат неказнето да се мешаат“, порача Обама.
Освен неколкуте куси неформални средби, лидерите на САД и Куба уше не одржале важен состанок, откако браќата Кастро го соборија диктаторот Фулгенсио Батиста кого го поддржуваа САД, свртувајќи ја тогаш карипската островска држава кон блиско сојузништво со Советскиот сојуз.
Колумбискиот претседател Хуан Мануел Сантос ги поздрави настојувањата на Обама да ги поправи односите со Куба, велејќи дека тоа придонесува за „оздравување на плускавецот кој му пречи на целиот регион“. Меѓутоа, кубанскиот дисидент Гиљермо Фаринас вели дека граѓанските групи на Куба се изоставени од разговорите, и го повика Обама да ја поддржи нивната желба за посилна демократија.. „Кубанската влада не покажува добра волја… тие не сакаат да направат никакви отстапки“, изјави во разговорот за Reuters.
Американскиот претседател Барак Обама пред почетокот на самитот во петокот, се сретна со кубанските дисиденти Лариц Диверсент и Мануел Куес Мору.
Обама, кој се сретна со активисти за човекови права од цела Латинска Америка, вклучително и двајцата кубански дисидента, настојува и да ја отстрани Куба од американската листа на земји коишто ги поддржуваат тероризмот. Вклучувањето на Хавана на тој список автоматски носи низа американски санкции, а Куба бара да бидат симнати санкциите, односно да биде тргната од тој список како предуслов за обновување на дипломатските врски меѓу двете земји.
Стејт департментот дал препорака Куба да виде отстранета од споменатиот список, соопшти помошникот на Комисијата на американскиот Сената за надворешни работи. Се очекува дека Обама ќе се согласи, иако не е сосема јасно дали тоа ќе го објави веќе на самитот во Панама./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
ВМРО-ДПМНЕ: Народот избра промени, да излеземе уште помасовно на 8. мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација...
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори,...
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат...
Нема да се откажеме и нема да ги наведнеме главите, порача Ковачевски
Денеска е тежок удар за европската перспектива на Македонија, но не е доцна да се смени правецот, откажувањето не е...
(Видео) Мицкоски: Цунамито се крена, на 8 мај ќе ги потопи целосно, победуваме со над 170.000 разлика
Денеска народот во Македонија покажа дека си ја сака Македонија и дека секој оној кој го потценува народот прваи голема...
Пендаровски: Резултатите не се такви какви што ги очекувавме, но нема предавање, утре е нов ден
Резултатите не се такви какви што ги очекувавме истакна вечерва на прес-конференција кандидатот за претседател поддржан од СДСМ, Стево Пендаровски....
Силјановска за убедливото водство: Напати се срамам, зарем е можно толку многу луѓе вака да реагираат
Претседателскиот кандидат Гордана Силјановска Давкова по завршување на првиот круг гласање од изборот за претседател на државата рече дека денешниот...
Јакимовски призна пораз, ѝ честиташе водство на Сиљановска и ѝ посака среќа во вториот круг
Лидерот на ГРОМ и претседателски кандидат, Стевчо Јакимовски, вечерва призна пораз и ѝ честиташе водство на Гордана Сиљановска-Давкова. Со оглед...
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените...
Одѕивот до 18.30 часот е 48,44 отсто, во Новаци на гласање излегле рекордни 71,07 отсто од гласачите
Одѕивот до 18.30 часот на седмите претседателски избори е 48,44 отсто од гласачите, според податоци од 3174 гласачки места. Претседателот...
Муцунски: Овој изборен ден е почеток на крајот на оваа власт
Народот уште еднаш покажа дека знае и умее да ја процени важноста на овие избори, како крстопат кога се одлучува...
ОЈО: Сите сомненија за кривични дела кои би можеле да го нарушат изборниот процес ќе бидат испитани
Во текот на изборниот ден до затворањето на избирачките места, на електронската адреса на Јавното обвинителство на Република Северна Македонија...
Левицата: Проблеми со фингерпринтот во Куманово, Ѓорче Петров, Аеродром, доцнење на гласачкиот процес и нерегуларности во избирачкиот список
Од Претседателскиот изборен штаб на кандидатот за претседател Билјана Ванковска информираат дека денешниот изборен ден поминal мирно во фер и...
Силјановска: Дојде време, дојде час, да си замине оваа власт
Дојде време, дојде час, да си замине оваа власт, порача кандидатката за претседател, Гордана Силјановска Давкова по гласањето во првиот...
„Нека победи подобриот“ – Таравари рече дека поседува видео снимки за купување на гласови
Кандидатот за претседател, Арбен Таравари, гласаше со своето семејство, пришто порача изборите да бидат фер и демократски. „Нека победи подобриот....
Ванковска: Необично е да гласаш за себе, но со тоа ја изразив убеденоста во она што го говорам
Билјана Ванковска, претседателски кандидат на Левица го оствари своето право на глас на ИМ во ОУ „Јан Амос Коменски“ во...
(Видео) Пендаровски: Држава што преговара со ЕУ не смее да си дозволи лош изборен процес
Кандидатот за претседател, Стево Пендаровски, денеска гласаше на првиот круг од претседателските избори. Во изјава за медиумите Пендаровски истакна дека...
Во Куманово не се гласа на три избирачки места, на едното се изгубил печатот
Прекин на гласањето има на три места во Куманово, информираше претседателот на Државната изборна комисија (ДИК), Александар Даштевски. Како што...
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто....
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки...
