Контакт

Вести

Продолжува судирот меѓу Израел и Хамас и покрај апелите за мир

Објавено пред

Стотината убиени Палестинци во четирите дена од офанзивата на израелската армија во која се изведени 210 воздушни напади врз палестинската енклава Појасот Газа и 194 палестински ракети истрелани врз Израел последните 24 часа, но и најава за израелска копнена офанзива, покажуваат дека судирот ескалира кон отворена војна и покрај повиците за мир кои пристигнуваат од меѓународната заедница.

 

Агенциите јавуваат дека во центарот на појасот Газа се убиени уште двајца Палестинци, со што бројот на палестинските жртви од почетокот на судирите, кои избувнаа поради убиството на тројцата израелски и одмазничкото погубување на палестински тинејџер, се зголеми на сто убиени.

По шесте нови палестински жртви, меѓу кои и една жена, во петокот наутро во два напада врз Газа, двајца мажи се убиени во израелски воздушен напад врз бегалскиот камп Буреи. Третиот маж кој со нив бил во возилото е тешко ранет, изјавил портпаролот на службата за итната медицинска помош.

Израелското воено воздухопловство извело 210 воздушни напади во последните 24 часа врз појасот Газа врз цели на палестинското исламистичко движење Хамас, коешто до 2007 година по кусотрајната војна со ривалското движење Фатах ,самостојно управува со палестинската енклава, а од нов 50 биле. Меѓу целите биле лансирни рампи, тунели, контролни точки и командни штабови на Хамас и објекти на палестинската влада, изјавил портпаролот на израелската армија за AFP. Во изминатите 24 часа во израелските напади уништени се 21 куќа или згради кои им припаѓале на истакнати членови на Хамас.

Агенцијата јавува, повикувајќи се на својот фоторепортер, дека се запалени и неколку бродови во пристаништето во Газа, меѓу кои и „Gaza Ark“ голем рибарски брод на меѓународна пропалестинска организација кој се обиде да ја пробие поморската блокада наметната од Израел. Во истиот временски период од 24 часа, Палестинците истрелале 194 ракети од Газа врз јужен Израел, од кои 43 биле уништени од противракетниот израелски систем „Челична купола“.

Во извештајот на AFP се додава дека една палестинска ракета експлодирале на бензинска црпка во јужниот град Ашдод, триесетина километри северно појасот Газа. Ракетата предизвикала експлозија на горивото на црпката, при што биле повредени три лица.

Дека судирите се движат кон нова поостра фаза, покажуваат подготовките на израелската армија за почеток на копнена операција. Германската агенција DPA пренесува дека Израел покренал подготовки за можна копнена офанзива кон Газа и распоредил три бригади на кои следните денови би можеле да им се придружат уште една до две бригади, рекол воениот портпарол Петер Лернер.

Израелската војска објави дека мобилизирала 33 илјади припадници од резервниот состав за да ги замени војниците распоредени на северот и во центарот на Израел коишто ќе бидат потребни за операција во Газа.

Вооруженото крило на исламистичкото движење Хамас, објави во петокот соопштение во коешто се предупредуваат авиокомпаниите да ги откажат планираните летови бидејќи има намера да го ракетира меѓународниот аеродром „Бен Гурион“ кај Тел Авив. Во соопштението се наведува дека тоа е одговор предизвикан од израелските напади врз појасот Газа, како и дека на аеродромот „се наоѓа и израелската воена воздухопловна база“ од каде полетуваат авионите кои напаѓаат цели на палестинската територија. Хамас, исто така, наведува дека неговите борци веќе истрелале ракети кон споменатиот аеродром, но бидејќи тие не биле прецизни не се знае каде паднале, бидејќи „Бен Гурион“ е главниот влез за меѓународните летови кон и од Израел, а е добро заштитен со одбранбен противракетен систем.

Најголемото непријателство меѓу Израел и Палестинците по осумдневната војна кон крајот на 2012 година кога загинаа над илјада Палестинци и стотина Израелци, започна со неодамнешните грабнувања на трите израелски тинејџери кои беа пронајдени мртви во другата палестинска енклава Западниот брег (на реката Јордан) за што беа обвинети палестинските радикални исламисти, за потоа и грабнувањето на палестинскиот тинејџер кој жив бил запален во источен Ерусалим, како одмазда од страна на екстремните еврејски активисти.

Додека судирот станува сé покрвава, меѓународната заедница повикува на мир. Во петокот Египет ја осуди израелската политика на „колективно казнување“ во Газа за терористичките напади и ја повика меѓународната заедница неодложно да стави крај на судирот. „Египет ја отфрла неодговорната ескалација на насилството од страна на Израел“, соопшти египетското министерство за надворешни работи и додава дека тоа претставува „продолжување на репресивната политика на колективно казнување“ којашто ја проведува хебрејската држава. Египетската дипломатија ги повика Израел и Хамас да го почитуваат примирјето склопено во 2012 година со посредување на Каиро.

Турскиот премиер Реџеп Тајип Ердоган порача во петокот дека израелското бомбардирање на Газа ги блокира напорите коишто Турција и Израел, порано најблиски политички и воени партнери во регионот, ги вложуваат да ги поправат своите билатерални односи, нарушени во мај 2010 година кога израелските командоси се качија на турскиот брод „Мави Мармара“ кој во рамките на Флотилата на слободата се обиде да ја пробие израелската поморска блокада на Газа и да достави хуманитарна помош, при што загинаа осум турски државјани припадници на исламистичка хуманитарна организација.

„Не можеме да ги анализираме односите. Во прв ред мора да престане насилството. Се додека тоа не се случи, нормализацијата на односите меѓу Турција и Израел не може да се оствари“, изјавил Ердоган при посетата на турскиот град Јозгат во рамките на неговата претседателска кампања.

Напорите за подобрување на меѓусебните односи се интензивираа последните месеци, откако израелскиот премиер Бенјамин Нетанјаху конечно се извини за инцидентот како што бараше Анкара и вети дека ќе им плати отштета на семејствата на жртвите./крај/мф/сн

 

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести

Макрон: Брегзит е историски аларм за ЕУ

Објавено пред

Францускиот претседател, Емануел Макрон, изјави денеска дека излегувањето на Велика Британија од ЕУ е историски аларм што треба да ја принуди Унијата да се подобри.

Макрон рече дека на европските граѓани повеќе од кога и да било им е потребна обединета Европа за да ги бранат своите интереси што ги загрозуваат САД и Кина и да се справат со предизвиците како што се климатските промени, миграцијата и технолошкиот напредок.

„Овој излез е шок. Тоа е историски аларм што мора да се чуе во секоја од нашите земји, низ цела Европа и да нè натера да размислиме“, рече Макрон.

Тој ги критикуваше, како што рече, лагите, претерувањата и поедноставувањата што ја одбележаа кампањата за брегзит во 2016 година.

„Денес е тажен ден, да не го криеме тоа. Но, исто така, и ден што мора да нè натера да ги правиме работите поинаку“, рече францускиот претседател.

Тој додаде дека наскоро ќе ја посети Велика Британија со надеж дека двете земји ќе изградат нов, што е можно поблизок однос.

Велика Британија ја напушти Унијата на полноќ минатата ноќ. Од денеска почна транзиционен период во кој Лондон ќе преговара за условите за нов однос со ЕУ и нејзините членки.

Прикажи повеќе...

Вести

Рекордно топло време во Австралија

Објавено пред

Во Австралија вчера биле измерени рекордни 40,9 степени Целзиусови, со што е надминат претходниот рекорд од 40,3 степени Целзиусови, поставен на 7 јануари во 2013 година, соопшти Бирото за метеорологија, објави Би-би-си.

Овие температури се просек од максималните температури измерени во целата земја.

Австралија во изминатиов период се бори со сериозна суша и пожари. Според најавите од метеоролозите, во текот на неделата ќе биде уште потопло, што значи дека рекордот може повторно да се сруши.

На почетокот на неделата Перт, главниот град на Западна Австралија, забележа три дена по ред над 40 степени, рекорд за декември.

Премиерот Скот Морисон се соочува со јавна критика за неговиот одговор на природните непогоди и климатските политики на неговата влада.

 

Прикажи повеќе...

Вести

Пентагон тестира балистичка ракета

Објавено пред

Пентагон тестираше балистичка ракета, што е забранета со Договорот за нуклеарни боеви глави со среден дострел (ИНФ). Тестирањето било извршено вчера од базата Ванденберг во Калифорнија.

„Во моментот сме во фаза на оценување на резултатот од тестирањето“, соопшти Пентагон.

САД во август се повлекоа од договорот кој во 1987 година го потпишаа со Русија, откако утврдија дека Москва го прекршува истиот. Кремљ ги отфрли таквите обвинувања.

Договорот го потпишаа поранешните американски и советски претседател Роналд Реган и Михаил Горбачов и со него беа забранети проектили на копно со дострел од 500 и 5.500 километри.

Пентагон во август тестираше крстосувачка ракета со дострел поголем од 500 километри.

Прикажи повеќе...

Најново

Регион7 минути

Ребиќ: Странски служби ја рушат Србија

Директорот на српската полиција, Владимир Ребиќ истакна дека зад насилните протести во Србија, стојат странски разузнавачки служби. Според него, тие...

Топ12 минути

Приведени и казнети „диви тркачи“ од скопските улици

Секторот за сообраќајни работи при Бирото за јавна бебзедност во координација со Одделението за безбедност на сообраќајот при Секторот за...

Свет31 минута

Турист во Шпанија загинал по пад од тераса, а усмртил уште еден човек

Турист во Шпанија починал откако паднал од тераса на хотелот каде бил сместен, а усмртил и друг маж, кој во...

Свет43 минути

Во Бразил над 35 илјади нови случаи, сопругата и ќерките на Болсонаро негативни на ковид-19

Во Бразил во последните 24 часа се регистрирани нови 35.512 случаи на ковид-19, а починале уште 1.071 пациент. Од почетокот...

Свет58 минути

Трамп првпат во јавност се појави со заштитна маска

Американскиот претседател Доналд Трамп ја посети воената болница во предградие на Вашингтон и првпат во јавност носеше маска поради пандемијата...

Македонија2 часа

Мицкоски со писмо до народот: Ви ветувам макотрпна работа и обнова на државата

Кус е периодот во кој можевте да ме запознаете, да стекнете впечаток за мене и за она што го преставувам...

Регион14 часа

(Видео) Петти ден протести во Србија, демонстрантите во Нови Сад ја блокираа полициската станица

И вечерва граѓаните на Нови Сад излегоа на протест на улиците и на половина час ја блокираа полициската станица „Стар...

Македонија16 часа

Од коронавирус почина 24-годишна пациентка од Тетово, немала хронични заболувања

Вчера на Инфективната клиника почина 24 годишна пациентка од Тетово од Ковид-19. Таа е еднa од најмладите пациенти во земјава...

Македонија18 часа

Нови 199 заболени и осум починати од коронавирус во земјата

Министерството за здравство информира дека во последните 24 часа се направени 1545 тестирања, а регистрирани се 199 нови случаи на...

Топ19 часа

Мaж нападнал четири лица во авто-кампот „Градиште“, има повредени

Доцна синоќа во полицијата било пријавено насилство кое се случило во авто-кампот „Градиште“ во Охрид. Според пријавеното, А.К.(32), кој претходно...

Регион19 часа

Хрватска, Албанија и БиХ бележат рекордни бројки на новозаразени од појавата на пандемијата

Во регионот деновиве забележан е пораст на бројот на заболени од ковид-19. Во Хрватска, Албанија и БиХ денеска е регистриран...

Македонија20 часа

Пендаровски за геноцидот во Сребреница: Идеите за етнички чисти територии секогаш водат кон трагедии

Претседателот, Стево Пендаровски, упати порака по повод 25-годишнината од геноцидот во Сребреница. „Пред 25 години се случи геноцидот во Сребреница...

Регион20 часа

Грција бара санкции за Турција: „Ердоган направи историска грешка“

Атина ќе изврши притисок врз меѓународните организации и ЕУ да воведат санкции кон Турција, поради промената на статусот на музејот...

Македонија1 ден

Уште два дена кампања

Уште два дена ќе трае предизборната кампања за парламентарните избори кои ќе се одржат в среда. Денеска и утре политичките...

Македонија1 ден

Свети Николе станува ново жариште на коронавирусот, двете фабрики се затворени

Во Свети Николе вчера беа регистрирани 29 новозаразени од ковид-19, за првпат во овој град, кој станува ново жариште на...

Македонија1 ден

Рекорден број на заразени и излечени во земјава за едно деноноќие

Во Македонија вчера беше регистриран рекорден број на новозаразени и излечени пациенти во последните 24 часа. Како што информира Министерството...

Македонија1 ден

Дел од болницата „8-ми Септември“ ќе се пренамени за пациенти кои не се заболени од ковид

Во наредните десетина дена почнуваат подготовки за ослободување на дел од капацитетите во ГОБ „8ми Септември“, најави министерот за здравство,...

Македонија1 ден

Заев од централната трибина во Скопје: Мора да продолжиме по правиот пат, од вас зависи

Мора да продолжиме по правиот пат, не смееме да скршнеме од него, тоа е наша заедничка задача, порача синоќа претседателот...

Македонија1 ден

Филипче: Тестираме масовно и ги откриваме и асимптоматските случаи за прекин на ланецот на ширење

Тестираме масовно и ги откриваме и асимптоматските случаи за прекин на ланецот на ширење, истакна министерот за здравство, Венко Филипче,...

Регион2 дена

(Видео) Не престануваат протестите во Србија – еден демонстрант повреден со нож, има и уапсени

Четврт ден по ред насилни протести во Белград, но и во повеќе градови во Србија, наспроти забраната за собирања на...

Досие