Вести
Русија со нов концепт на надворешна политика

Рускиот претседател Владимир Путин потпиша указ со кој даде зелено светло на новиот концепт на надворешна политика на Русија. Документот ја прецизира позицијата на Москва за глобалните прашања, со главен акцент на односите со САД, ЕУ, Кина и други земји.
Обелоденет во четвртокот, концептот е сега во сила, на местото на претходниот од 2013 година, пренесува телевизијата Russia Today.
Во документот од речиси 40 страници наведени се „Ставови на Москва во врска со основни принципи, приоритети, цели и задачи на руската надворешна политика“.
Потенцирајќи дека Русија се стреми кон независна надворешна политика која се базира на национални интереси и почитување на меѓународното право, концептот вели дека политиката на Москва е „творена, предвидлива“ и „формирана со вековната историската улога на Русија во развојот на глобалната цивилизација“.
„Русија е свесна за својата посебна одговорност за одржување на безбедноста во светот, и на глобално и регионално ниво, и е посветена на кооперативни акции со сите засегнати држави во интерес на решавање на заедничките проблеми”, се вели во документот.
Москва повикува на „создавање широка меѓународна антитерористичка коалиција, цврсто заснована на законска рамка, ефективна и систематска соработка меѓу државите“, се вели во документот. Нема место за „двојни стандарди“ во таква коалиција, која треба да стане главна сила во борбата против глобалниот тероризам. /крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
Русија за истрагата за експлозијата на „Северен тек“: Шведска нешто крие

Руските власти ја обвинија Шведска дека крие информации за истрагата за експлозијата што го оштети гасоводот „Северен тек“ минатата година.
Портпаролката на руското Министерство за надворешни работи, Марија Захарова, изјави дека Русија има право да ги знае деталите од истрагата и дека е збунета од одбивањето на Шведска да соработува со руските обвинители.
Имено, Москва му предложи на Стокхолм поведување заедничка истрага за експлозиите, но Шведска и Данска го одбија тој предлог.
Захарова сугерира дека зад таа одлука има скриени причини.
„Можеби, по спроведувањето на истрагата, руските истражители би можеле да дојдат до незгоден заклучок за тоа кој ја извршил саботажата. За тоа кој ја смислил и ја извршил. Шведска крие што точно открила во текот на истрагата“, рече портпаролката на руското Министерство за надворешни работи, како што објави „Гардијан“.
Вести
(Видео) Силно невреме го зафати Солун, издадено предупредување

Улиците во Солун се поплавени откако ненадејно невреме го зафати градот, придружено со силни грмежи.
Возилата беа спречени да минуваат, па сообраќајот беше запрен во голем дел од градот. Во многу случаи водата ја достигнувала висината на тротоарот, а сопствениците на продавници се обидувале со метли да спречат да влезе во објектите.
Εν τω μεταξύ στη Θεσσαλονίκη pic.twitter.com/yQLkl87XmI
— Αντιτέτοιος (@VPetsopoulos) September 2, 2022
Кога започна невремето, на улиците имало многу луѓе кои се обидувале да најдат засолниште под блиските балкони, пренесува грчкиот портал „Вориа“.
Грчката хидрометеоролошка служба за денеска издаде итно предупредување за влошување на времето и обилни дождови и невреме.
Покрај Солун, големо невреме го зафати и Халкидики, а обилни врнежи имаше и во градот Вурвур, како и во Пефкохори.
Вести
Украина апелира до Русија да го дозволи коридорот во Мариупол

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град.
Бараме отворање на хуманитарен коридор за цивили – објави вицепремиерката Ирина Верешчук на украинската телевизија, пренесува „Ројтерс“.
Верешчук нагласи и дека руските вооружени сили спречуваат хуманитарна помош да стигне до жителите на градот Херсон на југот на земјата.
Украина денеска соопшти дека нејзините напори за евакуација на цивилите од опколените градови првенствено биле насочени кон Мариупол, но не објави никаков нов договор со Русија, кој би овозможил безбеден премин за нејзините заробени жители, пренесе Ројтерс.