Вести
SOHR: Најмалку 10 мртви во руски напад врз затвор на Ал Каеда и 11 цивили во американски
Најмалку десет лица смртно настрадале а 50 се ранети во руски воздушен напад врз објект кој служи како затвор на Ал Каеда во северозападна Сирија, објави Сириската опсерваторија за човекови права (SOHR) опозицска невладина организација со седиште во Лондон, која извести дека во петокот во најмалку единаесет цивили загинале во американски воздушен напад кој ги целел позициите на терористичката организација Исламска држава во Сирија.
„Најмалку 10 луѓе смртно настрадаа, а 50 се ранети во нападот на руското воздухопловство врз објект кој Џенхат ан-Нусра, сирискиот огранок, на Ал Каеда, го користи како затвор и суд во Марет ал-Нуман“, во покраината Идлиб, објави SOHR повикувајќи се на свои активисти на теренот.
Меѓу жртвите „веројатно има затвореници и чувари, а можеби и цивили, бидејќи објектот се наоѓа покрај посетен пазар“, наведува директорот на Осперваториајта РАми Абделрахман
Местото Марет ал-Нуман е важна локација којашто ги поврзува двата најголеми сириски града упоришта на претседателот Башар ал-Асад – Дамаск и Алепо. Во рацете на џихадистите е од 2012 година.
Во одделен извештај SOHR објави дека жени и деца загинале во североисточна Сирија, кога американски борбени авиони нападнале позиции за кои верувале дека се на екстремната сунитска организација Исламска држава.
Според извештајот, нападот се случил во селото Коземах, кој се наоѓа на периферијата од Рака, главниот град на ткн „калифат“ на џихадистите во истоимената североисточна покраина. Абделрахман прецизираше дека во овој напад се убиени осум деца и три жени./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.