Амбасадорите на земјите членки на НАТО се сретна во средата во Брисел со рускиот амбасадор во Алијансата, но средбата не доведе до приближување на ставовите околу Украина, изјави генералниот секретар на воениот блок Јенс Столтенберг.

„Не дојде до приближувањето на ставовите, но тоа беше добра прилика за разјаснување на меѓусебните ставови“, изјави Столтенберг.

„Руските потези во Украина ја загрозија евроатлантската безбедност, како и односите НАТО и Русија“, изјави Столтенберг по состанокот додавајќи дека решението на судирот на мирен начин во Украина би придонело за подобрување на односите за што се согласиле и двете страни

Столтенбер истакна, дека состанокот бил „корисен и отворен“.

„Сојузниците во НАТО јасно рекоа дека се единствени во поддршката на украинскиот суверенитет и територијалната целост“, рече Столтенебрг без вообичаените прецизирања на што се однесува тоа.

„Дијалогот во рамките на Советот НАТО-Русија ќе продолжи. Сепак, датумот и форматот на новата средба уште треба да е утврдат“, додаде генералниот секретар.

„НАТО ја информираше Русија за одлуките донесени на самитот во Варшава, а Русија, исто така, информираше за своите воени активности“, рече Столтенбер.

На самитот кој на 8-ми и 9-и јули се одржа во полската престолнина, НАТО донесе одлука да распореди четири баталјона со по илјада војници во Естонија, Литванија, Летонија и Полска, образложувајќи дека овие земји стравуваат од наводната „руска закана“. Москва на приближувањето на воена инфраструктура на нејзините граници одговори со испраќање на три дивизи на границите кон споменатите земји.

Според генералниот секретар, воената комуникација меѓу НАТО и Русија е „отворена, и сега е неопходно да се осигури таа ефикасно да функционира“. „Линиите на воените врски се отворени, сега тие треба да бидат ефективни. Тоа клучниот елемент за намалување на ризикот од воени инциденти“, рече Столтенберг.

Истакна дека на состанокот била разгледувана и темата за ненајавени инспекции на проверката на борбената готовност на руските вооружени сили, што кај источните сојузници во Алијансата предизвикуваат непријатност.

„НАТО го поддржува осовременувањето на Виенскиот документ на ОБСЕ за воената транспарентност и создавање механизми за ефикасно набљудување на ненајавените маневри“, истакна Столтенберг и додаде дека НАТО ќе продолжи да ја поканува Русија како набљудувач на своите маневри и ќе се придржува до воената транспарентност.

За летовите над Балтик

Генералниот секретар на НАТО, исто така, рече дека Алијансат аи Русија разговарале и за иницијативата на Финска, според која летовите на воените авиони над Балтикот мора да се вршат со вклучени транспордери кои ја идентификуваат припадноста на леталото.

„Русија предложи начини за проведување на овој предлог. Ние очекуваме повеќе дополнителни детали за предлогот. НАТО ќе ја проучи иницијативата“, изјави Столтенберг. Истовремено истакна дека „транспордерите се само еден дел од напорите за намалување на ризиците во воздухот“.

„Вториот дел е професионалноста на пилотите, имајќи предвид дека ние постојано регистрираме инциденти кога руските авиони прелетува на опасна близина до воените бродови и авиони на НАТО“, истакна челникот на алијансата.

На 1-ви јули, за време на посетата на Финска, рускиот претседател Владимир Путин го поддржа предлогот на својот фински колега Саули Ниинисто за забрана на летови над Балтикот со исклучени тренспоредри и најави дека Москва тоа прашање ќе го постави на заседанието на Советот НАТО-Русија што се одржа во средата во Брисел.

Ова беше првиот состанок на Советот НАТО-Русија од април, а пред тоа ова телот не одржа средба речиси две години поради обвинувањата на Западот дека Русија се вмешува во украинскиот конфликт, што Москва категорично го отфрла и обвинува дека токму земјите членки на алијансата предизвикале насилно менување на власта во Киев што подоцна резултираше со отцепувањето на Крим и воениот судир на рускојазичниот исток од земјата.

Советот НАТО – Русија е воспоставен во 2002 година и служи како форум за консултации за безбедносните прашања и практична соработка за цела низа прашања./крај/мф/сн

Извор: Макфакс