Свет
(Видео) Кувајт објави снимки од последиците: голема штета по иранскиот напад
Кувајтското Министерство за внатрешни работи објави снимки кои покажуваат голема штета на Меѓународниот аеродром во Кувајт по ракетен и дронски напад извршен од Иран рано утрово.
Според официјалните информации, во нападот загинал еден индиски државјанин, а најмалку 63 лица се повредени. Дел од проектилите и дроновите биле пресретнати од противвоздушната одбрана, но некои сепак погодиле делови од аеродромската инфраструктура.
معالي النائب الأول لرئيس مجلس الوزراء ووزير الداخلية يتفقد مبنى الركاب (T1) في مطار الكويت الدولي عقب تعرضه لعدوان إيراني آثم
في إطار المتابعة الميدانية المستمرة قام معالي النائب الأول لرئيس مجلس الوزراء ووزير الداخلية الشيخ فهد يوسف سعود الصباح بجولة تفقدية على مبنى الركاب (T1)… pic.twitter.com/mZgkRDjXDO
— وزارة الداخلية (@Moi_kuw) June 3, 2026
Иранските власти потврдија дека го извршиле нападот и изјавија дека станува збор за „самоодбрана“, насочена кон локации поврзани со американската војска. Нападите следуваат по претходна американска акција во регионот.
Terminal One at Kuwait International Airport suffered significant damage, with multiple civilians being injured, in last night’s retaliatory drone and missile attack by Iran, which reports initial claimed had only failed to target Ali Al Salem Air Base. pic.twitter.com/m2g4NaIt4f
— OSINTdefender (@sentdefender) June 3, 2026
Ситуацијата во Заливот останува напната, со обвинувања и контранапади меѓу САД и Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон: Кога Трамп нешто ќе вети, тој го исполнува тоа
Францускиот претседател Емануел Макрон изјави дека отсекогаш одржувал дијалог со американскиот претседател Доналд Трамп и дека има доверба во него.
„Секогаш му кажував како стојат работите. Кога не се согласуваме, тоа го признаваме, но кога нешто ќе вети, тој го исполнува тоа“, рече Макрон на прес-конференција за време на самитот Г7 во Франција.
Францускиот лидер ги отфрли критиките дека е премногу помирлив кон Трамп, нагласувајќи дека секогаш бил јасен кога станува збор за несогласувањата околу Украина и Гренланд.
Макрон истакна дека дипломатијата подразбира разговор и со лидери со кои не се согласувате целосно, додавајќи дека Франција знае како да ги пречека своите гости и дека Версај е важен дипломатски инструмент.
Тој го посочи и прашањето за вештачката интелигенција, оценувајќи дека без директен дијалог со Трамп и неговиот тим можело да дојде до дополнителни тензии меѓу сојузниците.
Свет
Трамп на шега: Ако договорот со Иран пропадне, виновен ќе биде Џеј Ди Венс
Американскиот претседател Доналд Трамп на шега изјави дека потпретседателот Џеј Ди Венс ќе биде виновен доколку пропадне очекуваниот договор меѓу САД и Иран.
Одговарајќи на новинарско прашање дали Венс би можел да го потпише договорот наместо него, Трамп рече:
„Ми се допаѓа таа идеја. Ако договорот успее, јас ќе ги преземам заслугите. Ако не успее, ќе го обвинувам Џеј Ди.“
Американскиот претседател повторно предупреди дека САД би можеле да продолжат со воени напади врз Иран доколку Техеран не се придржува до договорените обврски.
Свет
Полска и Германија потпишаа одбранбен договор
Полска и Германија потпишаа билатерален одбранбен договор со кој ја прошируваат соработката во областа на безбедноста, во услови на зголемена загриженост поради руската закана.
Полскиот министер за одбрана Владислав Косинјак-Камиш изјави дека договорот отвора нови можности за соработка во сајбер-безбедноста, заедничкото командување на Балтикот, развојот на нови технологии и воената мобилност.
Според него, договорот ќе придонесе и за подобрување на инфраструктурата потребна за побрзо движење на воените сили меѓу двете земји.
Полска претходно потпиша одбранбени договори и со Франција и Велика Британија, а работи и на сличен договор со Италија.
Документот беше потпишан на 35-годишнината од полско-германскиот Договор за добрососедство и пријателска соработка.
