(Видео) Трамп: Побарав од Зеленски да ги запре нападите врз руските рафинерии

Американскиот претседател Доналд Трамп изјави дека побарал од украинскиот претседател Володимир Зеленски да престане со нападите врз руските рафинерии што произведуваат дизел гориво, тврдејќи дека украинските напади придонесуваат за раст на цените на горивото на глобалниот пазар.

Трамп разговараше со новинарите за ова прашање во авионот „Ер форс 1“ додека се враќаше во Вашингтон од Ирска.

„Проблемот што го имам со Украина и Русија е тоа што голем дел од дизелот доаѓа од Русија, а Украина ги напаѓа руските постројки“, рече Трамп.

„Побарав од претседателот Зеленски да не ги напаѓа постројките за дизел – рафинериите“, додаде тој.

Trump doubles down on attacking President Zelensky and blaming Ukraine for the surge in energy prices:

“I’ve asked Zelensky not to hit the Russian refineries. Diesel is being driven up by the fact that it’s having a hard time coming out of Russia. That’s a case that hurts the world, and we’ve got to stop it.”

— Republicans against Trump (@RpsAgainstTrump) September 14, 2026

Трамп тврди дека проблемите со рускиот извоз на дизел ја зголемуваат цената на горивото.

„Цената на дизелот расте бидејќи е тешко да се извезува од Русија, а тоа му штети на целиот свет. Мораме да го запреме тоа“, рече тој.

Изјавите на Трамп уследија по серијата украински напади врз руската нафтена инфраструктура, со кои Киев се обидува да ги намали приходите и капацитетите за снабдување на Москва за време на војната. Русија, исто така, го ограничи извозот на дизел во текот на летото, додека прекините во снабдувањето од Блискиот Исток дополнително го намалија обемот на гориво достапно на глобалниот пазар.

Во последните месеци, Украина сè почесто ги напаѓа руските рафинерии и друга енергетска инфраструктура со беспилотни летала со голем дострел, додека Русија истовремено продолжува со нападите врз украинската енергетска мрежа и други цели.