Во близина на Истанбул се судрија два трговски брода: се бараат десет членови на екипажот

Два трговски брода што пловеа под турско знаме се судрија денес во Мраморното Море во близина на Истанбул, а контактот со еден од бродовите беше изгубен, соопшти канцеларијата на гувернерот на Истанбул.

Бродот „Алсу“ под турско знаме, кој пловеше кон егејското пристаниште Алиага, и бродот „Тугберк Имамоглу“, исто така под турско знаме, на пат кон црноморското пристаниште Карадениз Ерегли, се судрија синоќа во близина на истанбулската област Силиври, се вели во соопштението од канцеларијата на гувернерот.

Бродови на крајбрежната стража и хеликоптери беа испратени на местото на несреќата за пребарување и спасување, а немаше видлива штета на бродот „Алсу“, се вели во соопштението за медиумите. Сепак, властите не беа во можност да стапат во контакт со „Тугберк Имамоглу“ и неговите десет членови на екипажот.

Спасувањето е во тек
Според Трговската комора за поморска трговија на Истанбул, бродот „Тугберк Имамоглу“, во сопственост на компанијата „Зејбе Денизчилик“, плови како товарен брод, додека „Алсу“, во сопственост на компанијата „Озпулатане Дениз Тасимачилиги“, е танкер за хемикалии.

Според соопштението од канцеларијата на гувернерот, операцијата за пребарување и спасување сè уште е во тек.