Свет
(Видео) Авантурист го прослави 40. роденден со стој на раце на карпа висока 396 метри
Авантурист, кој себеси се нарекува уметник за екстремно балансирање, го прослави својот 40. роденден во стил искачувајќи се на работ од карпа за да изведе стој на раце на надморска височина од 396 метри, пренесува „Спутник“.
Ескил Ронингсбакен го снимил својот потфат на видиковецот „Рампестрекен“ во Андалснес, Норвешка, на 24 јуни. Тој пешачел еден километар за да стигне до таа област.
На работ на видиковецот, Ронингсбакен направил скала на која го извел стојот на раце.
Ронингсбакен со години ги изведува своите акробации, вклучувајќи го и потфатот од 2011 година, кога балансираше на работ на клисура на велосипед, куп столови и на трапез без безбедносен ремен. Тој исто така изведе и стој на една рака над фјорд во 2013 година, на 600 метри надморска височина.
Ронингсбакен, кој се смета себеси повеќе за уметник отколку за авантурист, вели дека неговите настапи се заради создавање уметност.
„Едноставно не постои простор за грешки, но тоа е она што го правам и е заради создавање уметност. Не гледам голем дел од пејзажот додека балансирам бидејќи тоа е едноставно простор за преживување, но пред и потоа ја гледам природата и уживам во неа”, изјави Ронингсбакен за „Дејли мејл“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.