Свет
(Видео) Авионот со 107 патници во Пакистан се урнал врз куќи, најмалку едно лице преживеало
Патнички авион на „Пакистан интернешнл ерлајнс“ што летал од Лахоре кон Карачи се урна во близина на аеродромот во Карачи, јавуваат локалните медиуми. Според извештаите, во него имало повеќе од 100 патници и се урнал во густо населено подрачје.
A Pakistani Airlines flight has crashed into a residential area, just before landing in Karachi#Pakistan pic.twitter.com/kqToUtj5Mo
— CNW (@ConflictsW) May 22, 2020
Според локалните медиуми, најмалку едно лице ја преживеало несреќата. Неколку куќи биле оштетени.
Различни информации се појавуваат за бројот на загинати. „Раша Тудеј“ прво ги пренесе зборовите на градоначалникот на Карачи дека нема преживеани, а малку подоцна дека најмалку еден патник преживеал.
Наводно, комуникацијата со авионот била прекината една минута пред несреќата.
Авионот се урнал во густо населена област околу 14,45 часот по локално време, набргу откако главниот пилот ја известил контролата на летот за технички дефект на авионот.
Авионот исчезнал од радарот непосредно пред да слета. Пилотот, наводно, рекол дека еден од моторите прекинал да работи.
Очевидци тврдат дека авионот кружел над градот и се обидел да слета на аеродромот трипати пред да се урне.
Осум лица се повредени и пренесени во болница, според некои медиуми, но нема официјална потврда за тие информации.
Портпаролот на „Пакистан интернешнл ерлајнс“ изјави дека во авионот се наоѓале 99 патници и осум членови на екипажот.
Пакистанскиот премиер вети итна истрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се истражува случајот со жената која донесе мртовец во банка за да подигне кредит, стинаа резултатите од обдукцијата
Бразилската полиција уапси жена осомничена дека донела во банка мртов маж, за којшто вели дека и е вујко, за да подигне кредит.
На социјалните мрежи се појави видео на кое се гледа како жена на шалтерот на банката Итау во Рио де Жанеиро ја крева главата на постар маж во инвалидска количка и се обидува да му стави пенкало во раката.
Од полицијата кажаа дека осомничената се обидувала да земе кредит во износ од 3.000 долари, кој банката веќе и’ го одобрила, но било потребно одобрение и од вујкото. Мажот од видеото не реагирал на барањата на жената. Додека се обидувала да му го даде пенкалото, неговата рака се спуштала, а главата му паѓала назад, пишува „Си-ен-ен“.
„Вујко слушаш, мораш да потпишеш. Ако не потпишеш нема шанси. Не можам да потпишам јас, мораш ти. Ајде не прави проблем, направи го тоа“, се слуша како му вели жената. Еден од вработените во банката во тој момент рекол дека постарата личност најверојатно не се чувствува добро.
Шефот на цивилната полиција во Рио де Жанеиро, Фабио Луис Соуза, изјави дека вработените во банката потоа решиле да повикаат брза помош. Кога пристигнале болничарите, утврдиле дека човекот бил мртов неколку часа. Полицијата води истрага и се обидува да утврди каква е точно поврзаноста на осомничената и загинатиот маж, а засега не е покренато обвинение.
Адвокатот на семејството го демантираше полицискиот извештај:
„Работите не испаднаа така. Човекот беше донесен жив во банка. Мојата клиентка е целосно потресена, зема лекови“, рече тој.
Обдукцијата откри нови детали
Бразилскиот медиум „Метрополес“ добил извештај од обдукцијата што укажува дека смртта на мажот била предизвикана од „бронхоаспирација и срцева слабост“. Утврдено е и дека бил неухранет.
„Таквите податоци ги потврдуваат некроскопските наоди за неухранетост и бронхоаспирација. Претходните срцеви заболувања исто така придонеле за смртта“, се вели во извештајот.
Судскиот совет ги чека резултатите од дополнителното испитување за да се утврди дали мажот бил отруен.
Бизнис инсајдер известува дека експертот кој ја потпишал прелиминарната форензичка анализа заклучил дека нема доволно докази за да се заклучи дали Пауло починал на пат кон или внатре во банката или починал пред тоа.
Меѓутоа, обдукцијата покажала дека згрутчувањето на крвта во неговиот врат сугерирало дека тој умрел легнат.
Адвокатот и натаму тврди дека неговата клиентка е невина, а нагласува и дека има сведоци. Истрагата продолжува.
Свет
ЕУ и Кина повикаа на воздржаност на Блискиот Исток
Кина објави дека се противи на каква било ескалација на тензиите на Блискиот Исток.
„Кина се противи на какви било активности што би можеле дополнително да ги ескалираат тензиите“, изјави денеска Лин Џијан, портпарол на кинеското Министерство за надворешни работи.
Реагираше и со претседатката на Европската комисија, Фон дер Лајен.
Таа ги повика Иран, Израел и нивните сојузници да се воздржат од ескалација на ситуацијата на Блискиот Исток.
„Апсолутно е неопходно регионот да остане стабилен и сите страни да се воздржат од понатамошни активности“, рече Урсула фон дер Лајен.
Претходно утрово, светските медиуми објавија дека Израел го нападнал Иран и дека се слушнале три експлозии во близина на воена база во централниот град Исфахан.
Сепак, засега нема официјални информации од двете држави за тоа што се случувало.
Свет
Разузнавачки извор за Си-ен-ен: Директните напади меѓу Израел и Иран завршија
Регионален разузнавачки извор рече дека директните напади меѓу Израел и Иран се завршени.
Изворот разговарал за Си-ен-ен под услов да остане анонимен околу два и пол часа по објавувањето на нападите. Изворот вели дека, според неговите сознанија, не се очекува Иран да одговори на нападот, но не наведе причина.
Претходно и висок ирански функционер изјави за „Ројтерс“ дека „Иран нема план за итна одмазда против Израел“.
Израел сѐ уште не потврдил дека го извршил нападот врз Иран, а тврдењата за нападот дојдоа од Вашингтон.
Од друга страна, од Иран доаѓаат контрадикторни информации, но нема официјален извештај.
Пред само еден час ирански аналитичар изјави за иранската државна телевизија дека „мини дроновите соборени од противвоздушната одбрана во Исфахан биле управувани од инфилтратори од Иран“.
Претходно, пак, ирански функционер изјави за „Ројтерс“ дека немало ракетен напад и дека експлозиите биле резултат на активирање на иранските системи за противвоздушна одбрана.