Свет
Гејтс: Спасувам животи, а некои ме обвинуваат дека убивам
Бил Гејтс, ко-основачот на Мајкрософт, милијардер и филантроп, стана позитивна и негативна централна фигура во приказната за Ковид-19.
Добрата вест е дека фондацијата Бил и Мелинда Гејтс вети повеќе од 350 милиони долари за борба против болеста, вклучувајќи пари за производство на вакцини од компаниите „Астразенека“, „Џонсон енд Џонсон“ и „Новавакс“.
Лошата вест е дека антиваксерите и други теоретичари на заговор го обвинуваат Гејтс дека тој го подметнал вирусот од свои изопачени причини. Гејтс вели дека е оптимист оти светот ќе сфати дека теориите се само теории и дека човештвото ќе го победи вирусот, пишува „Блумберг“ кој неодамна објави ексклузивно интервју со него.
Дали сте сигурни дека ефективна вакцина ќе биде достпана низ целиот свет до крајот на 2020 година?
„Првичната вакцина нема да биде идеална во однос на ефикасноста против болеста и нејзиното пренесување. Веројатно нема да се користи долго и најдостапна ќе биде во богатите земји, како мерка за запирање на инфекцијата. Би биле навистина среќни да имаме вакцина пред крајот на годината. Но, во текот на 2021 година, веројатно ќе бидат одобрени голем број вакцини. Најсилниот одговор најверојатно ќе дојде од протеинските компоненти. Со оглед на тоа колку компании работат на случајот, можеме да си дозволиме да направиме неколку грешки, а сепак да добиеме нешто со ниска цена и долго траење“.
Со години луѓето велеа дека антиваксерите би размислувале поинаку ако живееле во време на пандемија, како нивните баби и дедовци…
„Од 2016 двапати сум бил во Белата куќа каде ми кажаа дека треба да ги послушам антиваксерите како Роберт Кенеди Џуниор. Да, иронично е што луѓето ја преиспитуваат ефикасноста на вакцините и едноставно мора да ги прашаме како поинаку би можеле да излеземе на крај со оваа трагична пандемија“.
Со оглед на скептицизмот, дали вакцината за Ковид-19 треба да биде задолжителна?
„Кога нешто станува задолжително, тогаш често се појавуваат повратни реакции. Но, можеби можеме да кажеме дека ќе биде задолжителна за луѓето кои работат во домовите за стари лица или се во контакт со постари лица“.
Што мислите за теориите на заговор дека истражувате вакцина за контрола на човековите умови со помош на 5Г радио бранови и слично?
„Тоа е чудно. Тие го користат фактот дека сум инволвиран во развој на вакцина и потоа го извртуваат истиот, така што наместо дека давам пари за да се спасат животи, излегува дека заработувам со одземање на животи. Ако ова ги одвраќа луѓето да не се вакцинираат или да бидат информирани за најновите податоци за носење маска, тогаш тоа е голем проблем“.
Што мислите, како ќе заврши сето ова?
„Иновациите во терапијата ќе започнат да ги намалуваат стапките на смртност, но вистинскиот крај ќе дојде со ширење на природни инфекции и вакцини кои ќе ни дадат имунитет на стадо. Во богатите земји тоа ќе се случи во текот на следната година, идеално во првото полугодие. До крајот на 2021 година, ќе излеземе од ова“.
Значи, сè ќе биде добро?
„Секако. Имаме среќа што ова не е посмртоносна болест“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.