Свет
Единаесеттиот авион со компоненти за „С-400“ пристигна во Турција
Единаесеттиот руски авион со нова тура компоненти за ракетните системи „С-400“ пристигна во Анкара, објави турското Министерство за национална одбрана, пренесува ТАСС.
„Испораката на системите за воздушна одбрана ‘С-400’ во Турција продолжуваат. Единаесеттиот авион слета во воздухопловната база ‘Муртед’ во провинцијата Анкара“, изјавија од Министерството.
Испораките на руските ракетни системи „С-400“ во Турција почнаа на 12 јули.
На 14 јули турскиот претседател Реџеп Таип Ердоган го опиша договорот за „С-400“ со Русија како клучен договор во модерната историја на Турција. Тој истакна дека доставувањето на руските системи за воздушна одбрана може да се заврши до април 2020 година.
Првите извештаи за разговорите меѓу Русија и Турција за испораките на ракетните системи „С-400“ за противвоздушна одбрана се појавија во ноември 2016 година. Русија во септември 2017 година потврди дека е потпишан договор. Турскиот министер за одбрана, Хулуси Акар, претходно изјави дека распоредувањето на „С-400“ може да почне во октомври 2019 година.
Извршниот директор на руската државна корпорација „Ростек“, Сергеј Чемезов, во декември 2017 година изјави дека договорот за „С-400„ изнесува 2,5 милијарди долари.
„С-400 триумф“ е најнапредниот ракетен систем со долг дострел, кој почна со употреба во Русија во 2007 година. Тој е дизајниран да уништува авиони, крстосувачки и балистички проектили, вклучувајќи проектили со среден дострел, а може да се користи и против копнени инсталации. „С-400“ може да гаѓа цели на растојание од 400 км и на височина од 30 км.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.