Свет
СЗО: Најмногу заболени од сипаници во последните 13 години
Во првата половина од годината пријавени се најголем број случаеви на заболени од сипаници во последните 13 години, се наведува во извештајот на Светската здравствена организација.
Тоа истовремено е трипати повеќе случаеви во однос на истиот период минатата година.
Случаевите на заболени од сипаници се раширени во целиот свет, болеста освен што го загрозува здравјето и животот на луѓето, таа е голем товар на здравствените системи.
Најголем број заболени од сипаници во последните 25 години е забележан во САД.
Во Европа во првите шест месеци од годинава регистрирани се речиси 90.000 случаеви на оваа болест, што е повеќе од вкупниот број на заболени во 2018 година, кога биле регистрирани вкупно 84.462 лица.
Како причина за зголемување на бројот на заболени се наведува растот на бројот на невакцинирани, иако тие причини се разликуваат од држава до држава. Во некои држави се работи за недостиг од адекватна здравствена заштита, некаде постојат внатрешни спорови околу прашањето за вакцинирање, а некаде и дезинформации во врска со вакцинацијата и неинформираностза тоа колку е неопходна оваа вакцина.
По бројот на заболени во оваа година предничат Демократската Република Конго, Мадагаскар и Украина, иако, како што се наведува во извештајот на СЗО, во последните неколку месеци бројот на заразени на Мадагаскар е драстично намален, на што влијаела кампањата за потребата од вакцинирање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.