Свет
Франција не ѝ даде државјанство на медицинска сестра бидејќи „многу работела“
Француските власти ја отфрлија апликацијата на медицинска сестра која бара да биде натурализирана, тврдејќи дека таа работи премногу.
Префектурата во Вал-де-Марна, во близина на Париз, ја одби нејзината апликација во јуни, наведувајќи дека таа „ги прекршува прописите за работно време.“
Официјалното писмо открива дека покрај нејзината работа во клиника, медицинската сестра, исто така, изработела месечен просек од 119 часа како смени во две други медицински установи.
„Вие на тој начин акумулирате три работни места за месечно траење од 271 работни часа“, се вели во писмото.
Францускиот закон предвидува дека вработените не можат да работат повеќе од 48 часа во една недела или неделен просек од 44 часа во период од 12 недели.
На пример, еден вработен кој работи 48 часа неделно во период од 6 недели, а потоа 40 часа во наредните шест недели, го испочитувал законот бидејќи тоа е блиску до неделниот просек од 44 часа во текот на 12 недели.
Одлуката е широко осудена на социјалните медиуми, со тоа што центристичкиот пратеник Жан-Кристоф Лагард пишува на Твитер: „Во нашата земја, најжестоките расисти велат дека странците не работат. И после државата го прави ова?“
Лидерот на синдикатот, Џером Марти, лекар, исто така, изрази загриженост со одлуката.
„Работам 60 до 70 часа неделно како и безброј лекари, медицински сестри … а да не зборувам за практикантите кои работат 80 до 90 часа неделно“, напиша тој на „Твитер“.
„Одземете ми го и мене државјанството“, додаде тој.
Според Еуростат, вработените во ЕУ потрошиле просек од 40,3 часа неделно на нивните главни работни места во 2016 година.
Вработените со полно работно време во Велика Британија го држат највисокиот број часови неделно на нивната главна работа (42,3 часа), додека француските и холандските работници поминале неделен просек од 39,0 часа – нешто малку над најкратката работна недела во ЕУ регистрирана во Италија со 38,8 часа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.