Свет
„Шарли ебдо“ го користи пожарот во Нотр Дам за критикување на Макрон
Сатиричното француско списание „Шарли ебдо“ повторно предизвика контроверзност откако на најновата насловна страница го прикажа францускиот претседател, Емануел Макрон, измешан со запалената катедрала Нотр Дам, пренесува „Ил џорнале“.
На насловната страница на списанието е прикажан ликот на францускиот лидер на кого косата му е средена како фасадата на запалениот Нотр Дам, и оди со насловот „Реформи”, а Макрон вели: „Ќе почнам со структурата”.
Референцата има двојно значење во тоа што ги следи коментарите на францускиот претседател за обнова на катедралата Нотр Дам по трагичниот пожар во понеделникот вечерта, кој предизвика огромна штета на структурата и го уништи вековниот покрив.
Таа исто така се однесува и на актуелните проблеми со кои се соочи Макрон поради „жолтите елеци“, кои секоја сабота од 17 ноември минатата година протестираат против неговата политика и бараат сериозни реформи, вклучувајќи го и воведувањето Референдуми иницирани од граѓаните (РИЦ) за да се дозволи гласачите да носат и да укинуваат закони.
Прашањето за РИЦ стана централен фокус на движењето „Жолти елеци“, а некои анкети покажаа дека има масовна поддршка низ цела Франција, а истражувањето објавено во јануари, открива дека 80 отсто од Французите го поддржале овој концепт.
Макрон, исто така, вети реформи и спроведе „Голема дебата” во последните неколку месеци иако анкетите покажуваат дека мнозинството Французи се многу скептични дека неговата влада ќе ги слушне нивните одговори на тоа.
Не е првпат „Шарли ебдо“ да го нападне Макрон. Во првите денови по неговата претседателска победа во 2017 година, списанието објави насловна страница со Макрон и неговата многу постара сопруга Бригет, која е бремена, под насловот „Тој ќе прави чуда!”
Таа насловна, како и многу нивни насловни претходно, предизвика контроверзии, па некои француски корисници на социјални мрежи го обвинија списанието за сексизам.
Иако сатирата честопати доведе до сериозни критики за „Шарли ебдо“, таа, исто така, доведе и до трагедија во 2015 година кога радикалните исламистички терористи ги нападнаа канцелариите на списанието, при што загинаа 12 членови на редакцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.