Свет
Џонсон: Бајден е како налет на свеж воздух
Британскиот премиер Борис Џонсон денеска го поздрави американскиот претседател Џозеф Бајден како „голем налет на свеж воздух“ затоа што тој сака да соработува со Лондон за голем број прашања, од климатските промени и Ковид-19, до безбедноста.
„ Тоа е налет на свеж воздух“, рече Џонсон за неговиот разговор со Бајден, пренесува „Ројтерс“.
„ Тоа е ново, интересно и се трудиме многу. Разговаравме околу еден час и 20 минути. Тоа беше долг и добар разговор. Опфативме огромен спектар на теми “, рече британскиот лидер.
Тој ги минимизираше несогласувањата со Вашингтон во врска со влијанието на Брегзит врз мирот во Северна Ирска, велејќи дека САД, Велика Британија и ЕУ се во „целосна хармонија“ во изнаоѓање решение за поддршка на мировниот договор од 1998 година.
На прашањето дали Бајден изразил загриженост за ситуацијата во Северна Ирска, Џонсон одговорил не.
„ САД, Велика Британија и ЕУ имаат апсолутно заеднички став, а тоа е да обезбедат продолжување на рамнотежата на мировниот процес“, рече тој, додавајќи дека е оптимист.
Претходно, Џонсон го пречека американскиот претседател Бајден во англиското приморско одморалиште Карбис Беј, пред утрешниот почеток на самитот на Г7.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.