Пожарникари се обидуваат да ги стават под контрола 150-те пожари во Нов Јужен Велс додека силни ветрови го шират чадот повторно кон најголемиот австралиски град – Сиднеј.

Најмалку четири луѓе загинаа во пожари од почетокот на ноември, а повеќе од 680 куќи се уништени. Активни пожари има во Нов Јужен Велс, Викторија, Јужна Австралија и Квинсленд.

Најголем број од пожарите избувнаа на источниот брег на Австралија, додека пожарникарите се обидуваат да ги стават под контрола и осумте пожари околу Сиднеј, каде живеат околу пет милиони луѓе. Гаснењето на огнената стихија е отежнато поради силниот ветер којшто го шири огнот.

Министерството за одбрана на САД размислува за дополнително распоредување на 4-7 илјади војници на Блискиот исток за да се спротистави на Иран во регионот. Како што објави Си-ен-ен, распоредувањето на трупите може да се должи на потребата од интензивирање на воздушната одбрана во услови на зголемена закана од дејствијата на Техеран во регионот, вклучително и оние поврзани со испорака на проектили во Ирак.

поред сознанијата на медиумите, САД можат да ги користат своите копнени, воздушни и поморски сили за да го зајакнат своето присуство. Во првата фаза, може да бидат прераспоредени 3-4 илјади војници.

Во средата, секретарот за печат на Пентагон, Алис Фарах, ги негираше информациите на „Волстрит журнал“ дека администрацијата на Вашингтон размислува да го прошири своето воено присуство на Блискиот исток со распоредување на 14.000 војници и десетици бродови за противакција на Иран.

Во Кривичниот суд по вторпат ќе се оценува обвинителниот акт за организаторите на насилниот упад во Собранието од 2017 година каде обвинети се Трајко Вељаноски, Миле Јанакиески и Владимир Атанасовски, oткако претходната оценка на обвинението беше одложена бидејќи адвокатите побараа увид во доказите.

Советот во кој се судиите Марин Станевски, Оља Ристова и Даниела Алексовска Стојановска, иако адвокатите на обвинетите побараа, минатиот пат не дозволија јавност на оценката на обвинението за 27 април, иако тоа беше дозволено во случајот „Пуч“ каде обвинет беше Зоран Заев.

Според теоријата на обвинителството, обвинетите Трајко Вељаноски, Спиро Ристовски, Миле Јанакиески и Владимир Атанасовски, на почетокот на 2017 година по неуспешните преговори за формирање Влада, со намера да го загрозат уставниот поредок и безбедноста на земјата, подготвиле и реализирале план со акти на насилство да оневозможат мирно примопредавање на власта на новоформираното парламентарно мнозинство.

Обвинетите, како што наведе Обвинителството, ги организирале и материјално ги поддржале масовните протести, првин пред Државната изборна комисија, а потоа и протестите на движењето „За заедничка Македонија“ што кулминираа со насилното влегување во парламентот на 27 април 2017 година.

Организаторите ја вклучиле севкупната партиска структура и материјални средства за исполнување на целта, притоа овозможиле и континуирано намалување на бројот на полициски службеници за обезбедување на протестите и на зградата на Собранието.

Критичниот ден организирале непречено влегување на народните маси во парламентот, вклучувајќи патриотски здруженија и ангажирајќи извршители на насилство.

Во седиштето на политичката партија ВМРО-ДПМНЕ, двајца од обвинетите постојано го мобилизирале членството на партијата од Скопје и другите градови во одреден момент да извршат насилен упад во Собранието, знаејќи однапред дека објектот не е соодветно обезбеден и заштитен со полициски сили и дека пречките за влез во Собранието ќе бидат отстранети.

Извршителите на нападот се неправосилно осудени на вкупна казна затвор од над 200 години.