Контакт

Економија

(Видео) Миновски: Мицкоски во АД ЕЛЕМ склучувал договори во четири очи, компанијата прави ревизија на договорите

Објавено пред

Лидерот на ВМРО-ДПМНЕ, Христијан Мицкоски, поранешен директор на АД ЕЛЕМ во четири очи со склучил два договори со непосредна спогодба со компаниите Пелистер и Марковски, двата во вредност од 10,5 милиони евра. Со Пелистер, веднаш по неговото назначување на функцијата, на 3 ноември 2016г, за сума од 5,7 милиони евра, а три месеци подоцна и со Марковски – за 4,8 милиони евра, обвини директорот на АД ЕЛЕМ, Драган Миновски.

„Споредбено по гигаџул, Пелистер во моментов копа по 87,8 денари за гигаџул, додека во време на Мицкоски Пелистер копал по 96 денари по гигаџул. А Марковски – по 90денари по гигаџул“, рече Миновски додавајќи дека ова е одговорот на прозивките од ВМРО-ДПМНЕ за цената по која се врши ископот во РЕК Битола.

Миновски информираше дека овие два договори, но и многу други кои биле склучени додека Мицкоски бил директор на ЕЛЕМ, се предмет на внатрешна и надворешна ревизија во компанијата. Резултатите од ревизијата, Миновски најави дека ќе бидат готови за кратко време по што ќе ги изнесе во јавноста.

Во однос на прозивката за условите во тендерот по редовна постапка кој е во тек, за ископ на јаглен и јаловина во РЕК Битола, Миновски кажа дека по откажувањето на Трансмет од ископот, во февруари годинава, со што сериозно било загрозено производството на електрична енергија и електроенергетскиот систем на државата, се покажало како неопходно во иднина да се заострат условите во тендерите, со цел да се оневозможи повторно работата во РЕК Битола да ја добие фирма која, како што кажа, е само фиктивно способна и има технички ,кадровски и организационен капацитет да врши ископ, а во суштина на терен да не може да го оствари тоа.

„Од овие причини во тендерот за редовната постапка беше поставен услов фирмите кои сакаат да конкурираат, во последните три години да имаат ископано најмалку 900 илјади тони јаглен“, рече Миновски.

На оваа одлука на ЕЛЕМ, еден оператор се пожалил до Државната комисија за жалби по јавни набавки по што комисијата ја одбила жалбата како неоснована. Но и покрај тоа, од страна на АД ЕЛЕМ била проширена можноста – да може да се пријават и фирми кои имаат ископано покрај јаглен, или 1 милион м3 јаловина( земја или карпест материјал) или руда. Значи,
„Иако комисијата не ни наложи да ставаме дополнителни услови, иако беше проценето дека тендерот овозможува конкурентност, АД ЕЛЕМ самоиницијативно одлучи да додаде уште еден услов со цел да обезбеди уште поголема конкурентност, но конкурентност само на сериозни фирми. Значи, условите се и натаму доволно ригорозни за да спречат да се пријави или уште повеќе да победи некоја фирма од калибарот на Трансмет , кои само можат да направат штета на комбинатот и на целиот производствен процес, рече Миновски.

Директорот на ЕЛЕМ истакна дека кога ја презел функцијата во август 2017г забележал дека претходното раководство ги оставило акумулациите на историски најниско можно ниво, преисцрпени од непланското искористување. Но сепак поради силните врнежи и топењето на снегог забележано е обилно полнење на акумулациите, и на природните и на вештачките езера во Р. Македонија.

„Ние со максимални напори го одржувавме балансот и на Охридското езеро и по течението на Дрим и во нашите акумулации, се со цел да не се нанесе штета на околните населени места, и во тоа, во такви екстремни услови какви што и самите знаете дека беа – сепак успеавме. Хидроелектраните максимално работеа и тој вишок електрична енергија сега ќе биде продаден“, истакна Миновски.

Актуелнот директор на денешната пресконференција покрај другото ги искоментира и проектите кои Мицкоски ги оставил за себе за кои вели дека не се онолку развојни колку што сегашниот лидер на ВМРО-ДПМНЕ ги фалел. Конкретно се работи за најавените но не извршените проекти Рајски парк, пешачко – велосипедска патека на езерото Козјак, ски центарот на Водно, катната гаража и конгресниот центар во Охрид, ски патеките и вештачките снегови.

„ За разлика од неговите развојни проекти кои Владата ги запре, ние како нов менаџмент почнавме постапка за изградба на нови ветерни електрани, нови фотоволтаични електрани, електростатски филтри во РЕК Битола и страндардизирано отпепелување, модернизација на ТЕЦ Осломеј, и други проекти за кои допрва ќе ја известиме јавноста. Сами направете компарација што е развоен проект, а што не е развоен проект и е залудно трошење државни пари“, рече Миновски.

Тој додаде дека покрај недомаќинското раководење на Мицкоски со ЕЛЕМ, тој оставил и еден расипан генератор во хидроелектраната Козјак, еден генератор во хидроелектраната Врбен, ненаправени ремонти во РЕК Битола, поплавени рудници во РЕК Битола, депонија со само 100 илјади тони јаглен пред почетокот на зимата, ТЕЦ Осломеј надвор од функција и уште ред други ненаправени зафати кои се неопходни за нормално функционирање на компанијата и 12 проценти помалку расположливи производни капацитети.

Во делот на финансиите, директорот Миновски рече дека Мицкоски оставил 17,8 милиони евра депозити во банките на име на АД ЕЛЕМ и 7,3 милиони евра расположливи средства, но и не исплатен К 15 за 2017г како и 5-процентниот додаток на плата за работниците кои одат во смени, за 2016 и за 2017.

„За разлика од него, ни го исплативме К-15 за 2017 кој Мицкоски не го исплати, и исплатен е и 5-процентниот додаток кој Мицкоски исто така не го исплати за целиот период наназад, исплатени се сите ремонтни активности и поправки, и во овој момент на сметката на АД ЕЛЕМ има 25 милиони евра депозити, и уште 20 милиони евра расположливи средства, или вкупно 45 милиони евра, значи два пати повеќе од тоа што остави Мицкоски“, вели Миновски.

Виктор Јованов



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Италија го казни „Фејсбук“ со 10 милиони евра

Објавено пред

Италијанската агенција за заштита на конкурентноста го казни „Фејсбук“ со 10 милиони евра.

Агенцијата ја казни компанијата поради продажба на податоците на корисниците. Агенцијата смета дека „Фејсбук“ го прекршил Законот за потрошувачи и ги користел податоците во комерцијални цели, а за тоа претходно не ги известил корисниците.

„Фејсбук“, исто така, е обвинет за примена на агресивни практики кон своите корисници, бидејќи кога корисникот сака да го ограничи споделувањето на личните податоци, тогаш веднаш му се дава до знаење дека ризикува значително да му се намали користењето на услугата.

Прикажи повеќе...

Економија

(Видео) Анѓушев: Над 100 компании оваа година ќе добијат финансиска помош од државата

Објавено пред

Заменикот на претседателот на Владата задолжен за економски прашања, Кочо Анѓушев, во придружба на министерот задолжен за странски инвестиции, Бардул Даути, и градоначалникот на Прилеп, Илија Јованоски, ја посети компанијата „Комфи Ангел“ во Прилеп.

По средбата со менаџментот на компанијата и увидот во производствениот процес, вицепремиерот Анѓушев истакна дека „Комфи Ангел“ е една од компаниите што ги задоволуваат условите за користење на средствата од Законот за финансиската поддршка на инвестициите и компанија со која Владата има склучено договор за финансиска поддршка.

„Комфи Ангел“ е одлична компанија, со извозно ориентирано производство и работи за реномирани светски брендови и очекуваме дека со ваквата поддршка тие ќе ги зголемуваат своето производство и извозот. Оваа година ќе бидат поддржани над 100 компании, а за в година имаме проектирано 36 отсто повеќе средства за поддршка на македонското стопанство“, истакна вицепремиерот Анѓушев.

Од „Комфи Ангел“ велат дека ова е првпат компанијата да добие финансиска помош од Владата по 14 години постоење и работење.

„Тоа ќе биде голема помош за нас компаниите, да се едуцираме и информираме, што значи да не ги кршиме регулативите. Глобата не носи ефект ни за државата ни за компанијата, таа има едностран импакт. Многу е поквалитетно и подобро кога некој ќе ви укаже на кој начин треба да ја имплементирате регулативата и тоа со цел да ги градиме своите бизниси на посакуваното ниво“, изјави Ирена Јакимовска, косопственик на „Комфи Ангел“.

Во насока на градење стабилна и здрава економска клима со балансирана поддршка на домашните компании, но и континуиран фокус на странските, Анѓушев оваа година ја оцени како успешна од аспект на странски директни инвестиции.

Прикажи повеќе...

Економија

Николовски: Работиме на мерки за позитивни резултати во управувањето со шумскиот фонд

Објавено пред

Работиме на мерки за позитивни резултати во управувањето со шумскиот фонд, изјави министерот за земјоделство, шумарство и водостопанство, Љупчо Никловски, кој присуствуваше на фестивалот „Форест фест“, кој се одржува во Берово и Пехчево.

Николовски посочи дека МЗШВ заедно со Националното здружение на сопственици на приватни шуми континуирано работи на унапредување на мерките за сопствениците на приватни шуми во Програмата за рурален развој и во Програмата за проширена репродукција на шумите, и тоа со една единствена цел – зголемување на економските, еколошките и културните вредности на шумите.

„Националното здружение преку соработка и комуникација со стручната фела и со претставниците на Здружението ќе учествува во изработката на закони и подзаконски акти од областа на шумарството. За таа цел во октомври годинава потпишавме меморандум за соработка со ЈП ‘Македонски шуми’ и Националното здружение. Но, она што е најважно е да потсетиме на вредноста на шумите како наше природно богатство, особено во борбата против аерозагадувањето. Без разлика дали шумите се во државна или приватна сопственост, наша задача како Министерство е да креираме мерки што ќе дадат позитивни резултати во заштита, зголемување и одржливо управување со шумскиот фонд“, истакна Николовски.

Шумите и шумското земјиште покриваат околу 40 отсто од целокупната територија на Македонија и се важен природен ресурс за 60.000 сопственици на приватна шума, особено во ридско-планинските подрачја.

Притоа Николовски потенцира дека во наредниот период почнуваат сериозни реформи во шумарскиот сектор, со цел унапредување на шумите и шумарството во целина, преку ново финансирање за проширена репродукција на шуми, како и хармонизација на шумарската политика во рамките на процесот на приближување кон ЕУ. За ефикасна реализација на овие цели, МЗШВ има финансиска и техничка помош од ФАО, конкретно за развивање на методологијата за спроведување национален инвентар за шумите и ќе трае до крајот на година. Шумарството е влезено и во тригодишната програмска рамка на ФАО за Македонија. Дополнително, со европската ИПА 2019, за македонското земјоделство и руралниот развој планирани се 15 милиони евра, со кои првпат ќе се финансира и секторот шумарството. Парите ќе се искористат за воспоставување шумарски информативен систем, што е важно за одржливо стопанисување со шумите, креирање на политиките за приближување на македонското шумарство кон современите текови и обезбедување податоци клучни за развојот на овој сектор.

Оваа манифестација е во организација на Националното здружение на сопственици на приватни шуми, а е поддржана од Министерството за земјоделство, шумарство и водопанство, Јавното претпријатие „Македонски шуми“, Програмата за зачувување на природата во Македонија, како проект на Швајцарската агенција за развој и соработка, и од општините Берово и Пехчево.

Прикажи повеќе...

Најново

Македонија8 часа

Мицкоски побара независно тело да ги анализира прислушуваните разговори на обвинителите

Претседателот на  ВМРО-ДПМНЕ, Христијан Мицкоски, на протестниот марш во Кочани упати барање до Владата да се формира независно тело кое...

Европа9 часа

На протестите во Франција околу 2.000 приведени

Речиси 2.000 лица се приведени вчера на протестите на „Жолтите елеци“ ширум Франција, соопшти Министерството за внатрешни прашања на Франција....

Македонија13 часа

Груевски еден месец е во бегство

Македонскиот азилант во Унгарија, експермиерот Никола Груевски еден месец е во бегство. Судскиот курир минатиот месец, поточно на 9 ноември...

Европа13 часа

Макрон се подготвува за значајна објава

Фрнацускиот претседател Емануел Макрон се подготвува на почетокот од следната недела да објави значајни работи, рекол владиниот портпарол по насилните...

Регион13 часа

Протести во Белград – „Стоп за крвавите кошули“

Протести под мотото „Стоп за крвавите кошули“ се одржаа вчера во Белград, на кои учесниците со протестен марш низ главниот...

Свет15 часа

Ердоган: Европа падна на испитот за демократија и човекови права

Ѕидовите на безбедност и суверенитет почнаа да се тресат, но не поради бегалците или муслиманите, туку ѕидовите ги тресат нивните...

Свет16 часа

(Видео) Трамп мисли дека „жолтите елеци“ во Франција го скандираат неговото име, но гледал погрешно видео

Американскиот претседател Доналд Трамп истакна дека климатскиот договор од Париз е виновен за масовните протести во Франција. Тој тврди дека...

Македонија1 ден

Мартин Протоѓер се спаси од кривичен прогон за „Талир“

Поранешниот шеф на кабинетот на експремиерот Никола Груевски, и ексгенерален секретар на ВМРО-ДПМНЕ, Мартин Протоѓер, се спаси од кривичен прогон...

Топ2 дена

Двајца загинати во сообраќајка на автопатот Скопје-Велес

Две лица загинаа во сообраќајна несреќа што се случила вчера на автопатот Скопје-Велес, кај селото Сопот. Според информациите на МВР,...

Македонија2 дена

(Видео) ВМРО-ДПМНЕ бара истрага за атентатот на Киро Глигоров

Државата мора да покаже интерес и да отвори истрага за атентатот над поранешниот претседател на Република Македонија, Киро Глигоров, изјави...

Забава2 дена

(Видео/аудио) НАСА ги сними првите звуци на Марс

Сондата „Инсајт“ која од минатата недела се наоѓа на Марс ги сними првите звуци од ветерот на Црвената планета. Аудио...

Европа2 дена

(Видео) Шест лица загинаа во стампедо на рап концерт во Италија

Шест лица, од кои пет малолетници, загинаа, додека 35 се повредени во стампедо што се случило доцна синоќа на концерт...

Регион2 дена

Харадинај испратил покани за церемонија за формирање војска на Косово

Владата на Косово ги презема последните подготовки за церемонијата за формирање војска, па така во име на премиерот Рамуш Харадинај...

Крвав четврток2 дена

СДСМ: Иванов потврди дека член на неговиот кабинет на 27 април бил во седиштето на ВМРО-ДПМНЕ

Судските постапки и доказите ќе одредат дали и кој е инволвиран во насилството за 27 април, а не Иванов, реагираат...

Европа2 дена

(Видео) Анегрет Крамп-Каренбауер избрана за наследничка на Ангела Меркел

Христијанско-демократската унија (ЦДУ) ја избра Анегрет Крамп-Каренбауер за наследничка на Ангела Меркел на чело на најголемата германска партија. Локалните медиуми...

Крвав четврток2 дена

(Видео) Иванов: УБК е жариште на сите кризи, немав намера да прогласам воена состојба

Како претседател на Република Македонија уште пред две години укажав дека УБК е главното жариште на генерирање на сите политички...

Крвав четврток2 дена

Eксдиректорот на УБК Владимир Атанасовски останува во притвор

Кривичниот совет на одделението за организиран криминал и корупција при Основниот суд Скопје 1 му ја одби жалбата на ексдиректорот...

Истражувања2 дена

Обвинителството бара меѓународна помош за расчистување на криминалот во „Фени“

За злоупотребите во „Фени“ повеќе од една година се поднесуваат кривични пријави, но резултати од пријавите нема. Над десет кривични...

Македонија2 дена

Филипче: Се прави план кои лица ќе добијат заштитни маски поради загадувањето

Министерот за здравство, Венко Филипче и Драган Ѓорѓев од Институтот за јавно здравје денеска одржаа прес-конференција на којашто ги посочија...

Македонија2 дена

Прибе два дена во Скопје се среќавал со судии и обвинители за да им каже дека треба да бидат транспарентни и одговорни

(архивска фотографија) Европскиот експерт Рајнхард Прибе од 5 до 7 декември бил во Скопје со група свои колеги по владеењето...

Досие