Контакт

Студио

(Видео) Пендаровски: Имаме гаранции дека ќе се забрза ратификацијата на протоколот за НАТО

Објавено пред

Потпишувањето на пристапниот протокол за членство во НАТО ќе биде прва официјална употреба на новото име на државата. Иако употребата на Северна Република Македонија треба да стапи на сила по ратификацијата на договорот и протоколот во Грција, наместо претходно, националниот координатор за НАТО, Стево Пендаровски, во интервју за „Макфакс“ вели дека нема друг начин за да се почне процесот за полноправно членство. Тој е дециден дека блокада за НАТО нема од ниту една држава, но не исклучува тоа да се случи во преговорите со ЕУ. Очекувањата се дека процесот на ратификација на протоколот во сите 29 држави членки ќе заврши за една година.

„Има иницијатива на групата држави ‘Пријатели на Македонија’, предводена од САД, Велика Британија и Германија, кои сакаат да го забрзат овој процес, и се споменува тој рок (до септември), но објективно ќе биде тешко, да не ги креваме очекувањата граѓаните, сепак има 29 земји членки, има држави кои се федерации, кои бараат квалификувано мнозинство… Меѓутоа, имаме ветување и гаранции од некои од нив, што се однесува до поединечните парламенти, ќе биде во најбрзо можно време“, рече Пендаровски.

По потпишувањето на протоколот, до ратификацијата Македонија ќе може да учествува до дебатата на комитетите на алијансата , но без право на глас. По ратификацијата во грчкиот парламент, која ќе се случи до крајот на неделата, Атина ги известува и останатите земји членки.

Во интервјуто Пендаровски зборува и за можноста неговото име да се најде на гласачкото ливче на претседателските избори како кандидат на СДСМ, по завршувањето на внатрепартиските анкети и огласот што вчера го објави партијата за самокандидирање за претседателски кандидат.

Македонија

(Видео) Telegram, Viber, Whatsapp – каде завршува приватноста, а каде почнува злоупотребата во интернет просторот

Објавено пред

„Јавна соба“, групата на телекомуникациската мрежа „Телеграм“ каде што беа споделувани порнографски фотографии од девојки од земјава, меѓу кои дел беа малолетни, меѓудругото ја отвори дебатата и за тоа колку се безбедни и сигурни социјалните мрежи и телекомуникациските апликации.

Со Горан Ризаов и со Филип Нешкоски од Фондацијата „Метаморфозис“, кои се занимаваат токму со делот на безбедноста и заштитата на приватноста во интернет-просторот, разговаравме за правилата на игра во овој сегмент – колку луѓето се заштитени кога во јавноста се споделуваат нивни содржини за кои не дале согласност, како родителите можат да ги заштитат своите малолетни деца кога станува збор за социјалните мрежи и апликации, кој стои зад овие големи компании кои за луѓето се бесплатни, но сепак во заднината стои профитот.

Facebook, Instagram, Telegram, Whatsapp, Signal, Viber, Snapchat… Постојат стотици мрежи и апликации за комуникација, а нашите соговорници дискутираат која како функционира, во чија сопственост е, и која според нив е најбезбедна.

Сепак, заклучукот е дека од едната страна ја имаме вештачката интелигенција, а од друга човечкиот фактор. Секако, одговорноста на крајот е сепак во рацете на луѓето – да пријават кога ќе забележат нерегуларности, да внимаваат што постираат и препраќаат на социјалните мрежи и преку апликациите, и да ја заштитат својата приватност, бидејќи сето она што еднаш ќе се пушти во оптек во сајбер-просторот, останува зачувано и понатаму може да биде злоупотребено.

Прикажи повеќе...

Македонија

(ВИДЕО) Доктор Георгиева: Од експлозија на петарда во дланка доаѓа до ампутација на рака

Објавено пред

Над 80 проценти од повредените од пиротехнички средства се малолетни лица, велат статистиките на Клиниката за пластична хирургија. Доктор Гордана Георгиева во интервју за „Макфакс“ вели дека последиците од експлозија на петарди во дланка можат да бидат фатални и да доведат до целосна ампутација на дланката. Според неа, кампањата што ја спроведуваше Клиниката, но и МВР, дала плод. Бројот на повредени од пиротехника се намалува.

„Над 80 проценти од повредените од пиротехнички средства се малолетни лица. Кампањата што ја спроведовме минатата година во речиси сите основни училишта во Скопје даде плод. Учениците не ги знаат последиците кои може да се настанат од употреба на петардите. Мислам дека кампањите за подигнување на свесноста дадоа резултат. Од експлозија на пиротехника доаѓа до хедикеп, дури и ампутација на прст, но и цела дланка“, вели доктор Георгиева.

Тимот на Клиниката за пластична хирургија бил  вчудовиден од основците, кои пред презентациите за последиците раскажувале какви сè петарди постојат, кажувале како ги употребувале и слично.

„Кога почнуваме со најавата на презентацијата, обично тие се повеќе информирани од нас за тоа какви типови на пиротехнички средства постојат, какви типови петарди. Тие се фалат, на пример: ‘Јас кога правам вака, таму ги најдов, вака ги употребуваме’. Ние бевме вчудовидени и изненадени од нивните познавања. Откако им укажавме на последиците, дека можат да останат без раце, изгорени, да повредат очи, влијаевме на тоа да се намали употребата или да не ги користат сами. Досегашната статистика донесе до тоа бројот на повредени од употреба на пиротехника да биде едноцифрен“, додава доктор Гордана Георгиева.

Најмладиот повреден пациент имал девет години, а непознавањето при употреба на пиротехниката придонесува до траен инвалидитет.

„Последните неколку години кога имаме повреда на возрасни луѓе е кога сакале да им помогнат на помладите во момент кога ги гледале дека ракуваат со пиротехнички средства, па во момент кога им ги одземаат да настане експлозија поради ненавремено гаснење“, посочи Георгиева.

Доктор Георгиева посочи дека тимот на Клиниката за пластична хирургија изминатава година имал бројни операции. Таа посочи дека тие се трудат да излезат во пресрет на сите пациенти кои бараат помош од нив.

Прикажи повеќе...

Економија

(Видео) Текстилните работнички се робинки, човековите права драстично се кршат

Објавено пред

Човековите права во бизнис-секторот се само на хартија, потребна е едукација и за вработените и за компаниите, покажуваат резултатите од истражувањата што ги спроведе здружението „Конект“, а се однесуваат на бизнисот и човековите права. Истражувањата покажуваат дека мал број компании применуваат суштински приод кон заштитата на човековите права, односно само 28,8 отсто од вклучените компании прават процена на ризиците поврзани со човековите права, а 13,6 отсто потоа преземаат некаков обмислен пристап во оваа насока. Ова истражување е поддржано од Европската Унија со цел да се унапредат човековите права во оваа сфера.

Неодамна се одржа и националната Конференција за бизнис и човекови права, на која учествуваа осумдесетина претставници од стопанските комори, компании и граѓански организации. На конференцијата стана збор за имплементацијата на водечките принципи за бизнис и човекови права на Обединитетите нации, во јавните политики на државата и во внатрешните политики на компаниите. Програмскиот раководител во „Конект“, Виктор Мирчевски, вели дека има многу дрстични примери каде што се кршат човековите права, како што е случајот со текстилната индустрија кај нас, но, за жал, и во светот има примери на голема неодговорност од страна на високореномирани и успешни компании.

„Кршење на човековите права е и кога работникот добива ниска месечна плата со која не може да си ги задоволи основните права на живот, едукација на своите деца, здравствена заштита итн. Најдрастичен пример за ова се примерите на злоупотреба на работничките во текстилната индустрија, но има и посуптилни примери на загрозени човекови права, кои се повеќеслојни. Се обидовме да ја истражиме вистинската слика на оваа тема кај нас и радува фактот што компаниите се расположени да добијат едукација и тренинзи на оваа тема. Одговорноста за почитување на човековите права може да се каже дека е поделена меѓу државата и компаниите, но сепак државата има механизам како да ги мотивира компаниите да бидат општествено одговорни“, смета Мирчевски.

 

Прикажи повеќе...

Најново

Македонија11 час

Комисијата за заразни болести предлага наставата да се одвива онлајн, освен во првите одделенија

Ставот на комисијата за заразни болести е наставата да почне да се одвива онлајн, освен во првите одделенија во коишто...

Европа11 час

СЗО сака дополнително да ја проверува ефикасноста на руската вакцина против Ковид-19

Светската здравствена организација (СЗО) и руските власти разговараат за процес на евентуално тестирање на безбедноста и ефикасноста за нова вакцина...

Македонија11 час

(Видео) Костадинов: Заев е мандатар, преговараме за Влада со полн четиригодишен мандат

Во тек се разговорите и консултациите за парламентарно мнозинство и владина коалиција за четиригодишен стабилен мандат, изјави портпаролот на СДСМ...

Македонија12 часа

Филипче: Ќе разговараме за воведување ПЦР-тест за патниците што транзитираат од соседството

Ниту еден од патниците што бил тука во нашата земја со престој како двојно државјанство, финско и македонско, не е...

Македонија14 часа

Нови 141 заболен и еден починат од Ковид-19 во земјата

Министерството за здравство информира дека во последните 24 часа се направени 1.885 тестирања, а регистрирани се 141 нов случај на...

Македонија14 часа

Мицкоски: Ахмети ми рече дека ќе преговара со СДСМ

Лидерот на ВМРО-ДПМНЕ, Христијан Мицкоски, една недела по средбата со Али Ахмети, изјави дека тие воопшто не ни преговорaле за...

Македонија14 часа

Лукаревска веќе не е директорка на УЈП, ќе биде пратеник

По верификувањето на мандатот за пратеник, Сања Лукаревска ја напушти функцијата директор на Упрвата за јавни приходи, а на нејзино...

Македонија16 часа

Ниту еден патник од авионот за Финска го нема во македонската база на позитивни случаи на Ковид-19

Министерството за здравство информира дека веќе се извршени проверки за сите патници од авионот за Финска, кои, според финските власти,...

Свет17 часа

Русија ја регистрира првата вакцина против Ковид-19; Путин: Вакцината ја прими и мојата ќерка

Претседателот на Русија, Владимир Путин, тврди дека Русите ја регистрирале првата светска вакцина против короната. Според руската новинска агенција ТАСС,...

Македонија17 часа

Повеќето патници со коронавирус што слетале во Финска биле иселеници со косовски пасоши

Во однос на информациите за летот од Скопје до Турку, Финска, каде што според финските власти од авион со 157...

Топ17 часа

Се удави рибар во водите на Вардар

Педесет и шестгодишен маж од гевгелиското село Миравци се удави во реката Вардар. Несреќата се случила вчера во 15.40 часот...

Свет18 часа

Над 250.000 новозаболени од Ковид-19 во светот

Бројот на потврдени случаи на коронавирус во светот надмина 20 милиони, а само во последните 24 часа пријавени се повеќе...

Свет19 часа

(Видео) Експлозија разнесе три куќи во САД – плач на заробени деца се слуша под урнатините

Експлозија раснесе три куќи во САД, а неколку лица се заробени под урнатините, меѓу кои има и деца, соопштија пожарникарите...

Свет19 часа

Русија подготвена да ја лансира првата вакцина против коронавирусот

Русија е подготвена да ја лансира првата вакцина против коронавирус, пишува Ентертејмент Тајмс. Рускиот кандидат за вакцината е вирусна векторска...

Свет19 часа

(Видео) Пукање во близина на Белата куќа – Трамп веднаш е евакуиран

Членовите на тајната служба ја прекинале конференцијата на американскиот претседател Доналд Трамп и го извадиле од просторијата за брифинг. На...

Свет20 часа

(Видео) Хаос во Белорусија – одекнуваа експлозии во Минск, едно лице загина

Во Минск синоќа повторно се одржаа протести против претседателот на Белорусија, Александар Лукашенко. Експлозии одекнуваа во центарот на градот, запален...

Европа20 часа

Финска воведува задолжителни тестови и карантин по слетувањето на авион со 24 позитивни патници од Скопје

Финска ќе воведе задолжителни тестови за коронавирус и карантин за патниците од одредени високоризични земји, откако 24 од 157 патници...

Свет1 ден

Германија размислува за задолжително носење маски во училниците

Претседателот на Здружението на германски наставници, Хајнц Питер Мејдингер побара носењето маски да биде задолжително во училниците како заштита од...

Свет1 ден

Катастрофа во Индискиот океан: од брод кој заринка истекоа 1.000 тони нафта

На бродот кој на 25 јули заринка во корален гребен во Индискиот океан кај Маурициус се појавиле пукнатини, кои претставуваат...

Македонија1 ден

Нема договор меѓу Заев и Ахмети

Лидерот на СДСМ, Зоран Заев и лидерот на ДУИ, Али Ахмети не постигнаа договор за коалиција во новата Влада ниту...

Досие