Американската тајна служба запре „сомнително возило“, кое се обиде да влезе во Белата куќа. Возачот бил приведен рано изутринава од агентите на тајната полиција кои запреле „сомнително возило“ кое се обидело да влезе во комплексот во Белата куќа, соопштија официјалните лица.

The Mercedes SUV that attempted to follow a car into the White House this morning has $1355 in parking violations from the streets around the White House. pic.twitter.com/fbwbZPxHs8

— Sam Sweeney (@SweeneyABC) November 21, 2019

Инцидентот се случил околу 6 часот изутрината, соопшти Тајната служба. Возачот, чиј идентитет не е објавен, се обидел со службено возило да влезе низ влезната врата.

Secret Service continue to search a Mercedes SUV inside a WH barrier. pic.twitter.com/FW7yfJi158

— Sam Sweeney (@SweeneyABC) November 21, 2019

Припадници на тајната служба го запреле возилото и возачот е веднаш притворен. Повикани биле полицијата и единицата за експлозивни направи. Инспекторите биле забележани како пребаруваат црно теренско возило „мерцедес“ со регистарска табличка од Тексас.

Нема информации дали било пронајдено нешто сомнително во возилото.

Израелски јавен обвинител го обвини премиерот Бенјамин Нетанјаху за мито, измама и кршење на довербата во три одделни случаи. За Нетанјаху се вели дека прифатил подароци од богати бизнисмени и им давал услуги за тие да бидат подобро застапени во медиумите, пренесува Би-би-си.

Премиерот Нетанјаху ги негира овие обвинувања и рече дека тој е жртва на лов на вештерки од левичарските противници и медиумите. Тој потенцира дека нема да поднесе оставка и не е законски должен да го стори тоа.

Ова обвинение доаѓа во услови на политички судир во Израел по неуверливите општи избори во април и септември.

Вчера, ривалот на Нетанјаху за премиерската позиција, Бени Ганц, изјави дека не е во состојба да командува со мнозинството во парламентот и да формира владејачка коалиција.
Претседателот Реувен Ривлин му даде можност да се обиде да формира влада кога Нетанјаху не успеа да го стори тоа.

Ривлин денес официјално ги замоли пратениците да се договорат за кандидат за премиер во рок од 21 ден и да избегнат трети избори за една година.

Портпаролката на руското Министерство за надворешни работи, Марија Захарова, изјави дека снимката за наводниот руски разузнавач, е само последна во низата провокации.

„Сега доаѓа средба на врвот, меѓу Путин и Вучиќ, и ние сме навикнати една недела или неколку дена пред ваквите состаноци да се појават интересни приказни, некакви сензации. И, тогаш времето минува и сето тоа завршува и се утврдува дека се работело за евтина провокација“, рече Захарова и додаде:

„Со ова видео треба да се занимаваат оние на кои тоа им е наменето, а за пошироката јавност е очигледна задачата поставена од авторите на овој таканаречен филм – тоа е провокативна акција, обид да се провоцира соодветно расположение кај луѓето пред цела низа разговори, средби, посети. Вакво нешто веќе имаме видено. Во последната година можам да наведам десетина слични случаи кога или пред посети, разговори, самити или веднаш потоа, се одвиваа слични провокативни приказни, хибридни гестови, лажни вести“.

Според неа, првин мора да се потврдат информациите кога е снимено видеото, кој е прикажан на снимката и кој го монтирал. Во врска со случајот денес се огласи и Кремљ преку портпаролот Дмитриј Песков.

Кремљ е уверен дека ништо не може да ги наруши односите меѓу Русија и Србија и покрај тоа што претседателот Александар Вучиќ отвори истрага за снимката која наводно покажува како руски агент му дава пари на припадник на српските безбедносни служби.

На социјалните мрежи беше објавено видео на кое се гледа како руски разузнавач наводно му дава пари на високопозициониран српски службеник. Видеото го објави бугарски новинар, а автентичноста на снимката и идентитетот на рускиот агент, кој работел во Амбасадата на Русија, го потврди Безбедносно-информативната агенција (БИА).

Министерот за одбрана, Александар Вулин, рече дека ситуацијата е многу сериозна, а претседателот на Србија, Александар Вучиќ, за денеска закажа итна седница на Советот за национална безбедност по што се очекуваат повеќе информации.