Контакт

Топ

Владата ја повикува опозицијата да не врши притисок врз музичарите пред прославата за НАТО

Објавено пред

Прославата по повод поканата на Република Македонија за членство во НАТО и по повод датумот за преговори за членство во ЕУ се организира врз основа на одлука и заклучоци од седницата на Владата одржана на 10.7.2018 година.

Во согласност со законските прописи Владата информира дека се почнати соодветни постапки за реализација и формира организационен одбор за одбележување на овој настан предводен од Роберт Алаѓозовски, национален координатор за развој на културата и меѓуресорска соработка.

Средствата за организација на целиот настан – обезбедувањето соодветна техника, озвучување, осветление, бини, ангажман на 45 изведувачи што ќе настапат во 15 града во Македонија, изработка на промотивни материјали, изработка и печатење промотивен материјал за информирање на граѓаните (летоци, постери), трошоци за продукција и постпродукција – ќе бидат обезбедени од буџетот на Владата, а сумата ќе биде објавена веднаш штом се завршат сите пресметки.

За прославата се ангажирани исклучиво домашни изведувачи, а изборот на градови е во согласност со рамномерната географска застапеност. Концептот подразбира децентрализација, квалитетна и разновидна музика во многу градови, одлична културна програма. Одлучивме музиката да ја донесеме кај граѓаните. Без автобуси, без списоци, без принуди. Прославата ја поддржаа и локалните самоуправи, со организациска и логистичка помош.

„Владата не се рекламира на медиумите и затоа промоцијата во претстојните три дена се одвива исклучиво преку социјалните медиуми и теренски со печатени материјали.
Македонија заслужи да прослави и затоа ја повикуваме опозицијата да им честита на граѓаните и да не врши притисок врз музичарите кои на најтранспарентен, чесен и професионален начин учествуваат во прославата, врз основа на договори во кои експлицитно е наведено дека ангажманот е за прослава по повод поканата за Македонија за членство во НАТО со наслов ‘Одиме напред – Македонија во НАТО и ЕУ’“, се вели во соопштението на Владата.

Во него се додава дека Македонија е слободна земја и секој граѓанин самостојно одлучува и ќе одлучува за својот став. Опозицијата да се охрабри да ја поддржи македонската иднина и да се откаже од сеење омраза. Слобода е, секој има право на свој став и никој не смее да етикетира граѓани заради изразен став. Ова е прослава заради остварувањето на децениската аспирација на Македонија и на оваа генерација граѓани. Македонија има причина да прослави, порачуваат од Владата.

Некои од музичарите тврдат дека се изиграни: Од Владата ни кажаа дека ќе настапиме на културна манифестација

Некои од изведувачите што утре треба да настапат на прославата што ја организира Владата за поканата за членство во НАТО јавно реагираат велејќи дека не биле информирани дека ќе настапат на манифестација по повод поканата на Македонија за влез во алијансата, туку им било кажано дека ќе настапат на културна манифестација за што потпишале и договор.

Македонија

Седат ја пронајде девојката којашто ја извлекол од автобусот: ,,Никогаш нема да заборавам како ме молеше да ѝ помогнам”

Објавено пред

Седата успеа да ја најде патничката на која ѝ помогнал да преживее под автобусот кој се преврте кај Ласкарци. Само да биде жива Јасмина – била неговата најголема желба.

Тој неколку денови безуспешно барал информации низ болничите ходиници, а всушност не ѝ го знаел ниту името. Поради тоа, Седат преку медумите побарал помош да ја пронајде.

Министерот за здравство Венко Филипче на Фејсбук објави дека од него било побарано да му помогне на Седат да ја пронајде девојката.

,,Во Градската општа болница „8 Септември“, Седат со моја помош ја најде Јасмина.Бев сведок на емотивен момент на кој што млада девојка се најде лице в лице со човек што ѝ го спасил животот.

„Никогаш нема да заборавам како ме молеше да ѝ помогнам“, рече Седат. Се надевам дека никогаш повеќе нема да ни се случи ваква трагедија, продолжуваме со битка за секој живот. Ти благодарам Седат на твојата посветеност, ти си вистински херој!”, напиша Филипче.

Пред неколку дена кај село Ласкарци се преврте автобус на компанијата „Дурмо Tурс“. Загинаа 15 патници, додека голем број беа спасени со помош на локалното население, кое што помогнало во нивното излекување. Тие се хоспитализирани на скопските клиники. Неколкумина од нив се уште се во критична состојба.

Анализата на примероците на крв и урина на возачот покажала дека во моментот на несреќата кај него не е регистрирано присуство на алкохол, лекови или психотропни супстанции.

Автобусот што излета од автопатот и се преврте во близина на стариот пат, по наредба на јавен обвинител ќе биде вештачен од страна на Машинскиот факултет во Скопје. Се уште се утврдуваат причините за несреќата.

Прикажи повеќе...

Македонија

Реакции по навредите кон Силјановска: Срамно е да сатанизирате личност по возраст и пол

Објавено пред

По серијата навреди на социјалните мрежи кон професорката по уставно право и претседателски кандидат на ВМРО-ДПМНЕ, Гордана Силјановска Давкова, невладини активити за „Макфакс“ изјавија дека е срамно во 21 век да се дискриминира личност врз основа на пол и возраст. Активистката за родова еднаквост и права на маргинализирани групи, Ирена Цветковиќ вели дека вакви реакции во општеството во кое живееме допрва ќе следат, особено кога за претседателска функција се бори жена.

„Во еден од коментарите имаше споредба на професорката Силјановска со хрватската претседателка Колинда Грабар Китаровиќ, ова е класичен сексизам и шовинизам. Крајно време е да се стави крај на дискриминацијата на жените и на нив да се гледа како на мајки, сопруги, баби…Ние гласно ќе говориме и ќе ги осудиме сите навреди кон жените. Живееме во 21. век во кој светот се бори за мултикултурализам и прифаќање на различностите, а ние за жал сѐ уште имаме проблем со ниска свест за овие вредности. Навредите упатени кон професорката покажуваат дека со свеста за родовите разлики сме останале 500 години наназад“, изјави Цветковиќ за „Макфакс“.

На Фејсбук коментари со реакции напишаа и професорката Катерина Колозова и Жанета Трајковска,директорка на Македонскиот институт за медиуми. Колозова ги осуди омаловажувањата на поединци кон професорката и на нејзиниот профил напиша:

„Мизерна е мизогинијата кон Гордана Силјановска и омаловажувањата кои висат така, неуверливи. Може по сто прашања да не се согласувам со неа но, дека е чесен човек, остар ум и дека има политички талент е факт. Барем признајте дека противникот е достоен“, напиша Колозова.

Трајковска од Македонскиот институт за медиуми  вели дека шиканирањето и сатанизирањето на политички противници е недозволиво доколку Македонија сака да стане демократска држава.

„Не ве разбирам. Со дел од вас сум делела улици за правда, за нормализирање на општеството и за политички плурализам. Викавме силно против шиканирање на политички неистомисленици, сатанизирање на граѓанските активисти и игнорирање на експертската јавност и професорите. Викавме за правда и плурализам, мир и конкуренција, различни мислења и различност. Зарем сега вие сте други и е поинаку бидејќи власта се смени?! Па сега, иако повторно се случува истото: исмевање, сатанизирање, шиканирање на политичкиот противник и неистомисленик, сега е ок?! Само затоа што Вие сега тоа го правите, истите вие што силно викавте дека нема правда и нема мир. Па што ви е бре?! Вакво иронизирање и потсмевање беше дел од злото кое не смееше да се повтори. За ова се боревте, да го заземете местото за исмевање и сатанизирање на противниците?! Па кај ви е сонот за плурално, различно и живо општество полно со спротивставени ставови и идеи, ама со иста цел: Македонија да стане нормална, напредна и демократска држава. Изгледа не ни имало сон за Македонија,“ напиша Трајковска.

Реакциите следат откако на социјалните мрежи, поединици упатија навреди кон професорката Силјановска од типот дека е „стара баба“ која треба да чува внуци, а не да води полититика, а претходно ја прогласија и за „старомодна“, бидејќи  немаше Фејсбук профил.

 

 

Прикажи повеќе...

Македонија

Неколкумина повредени кај Ласкарци се во критична состојба, една пациентка е на операција

Објавено пред

Во Градската општа болница „8-ми Септември“ од повредените од тешката автобуска несреќа на автопатот Скопје-Тетово, во моментов се лекуваат 18 пациенти, информираат од Министерството за здравство.

Од таму додаваат дека тројца од нив се наоѓаат во критична состојба, додека пак останатите 15 пациенти се во стабилна здравствена состојба и закрепнуваат од повредите. Еден пациент во текот на вчерашниот ден бил пуштен на домашно лекување.

Во Клиничкиот центар во Скопје хоспитализирани се 6 пациенти, од кои 3 на Клиниката за анестезија, реанимација и интензивно лекување – КАРИЛ. Двајца од нив се во стабилна состојба.

„Пациентот кој е хоспитализиран на Клиниката за торакална хирургија и пациентката (трудница), која се наоѓа на Клиниката за гинекологија и акушерство, се исто така во стабилна здравствена состојба“, се наведува во соопштението на надлежното министерство, во кое се додадава дека во моментов се изведува операција на пациентка од неврохирургија.

Во стабилна и во добра здравствената состојба е и пациентката кој се лекува во тетовската болница.

Прикажи повеќе...

Најново

Македонија3 часа

Седат ја пронајде девојката којашто ја извлекол од автобусот: ,,Никогаш нема да заборавам како ме молеше да ѝ помогнам”

Седата успеа да ја најде патничката на која ѝ помогнал да преживее под автобусот кој се преврте кај Ласкарци. Само...

Македонија5 часа

Реакции по навредите кон Силјановска: Срамно е да сатанизирате личност по возраст и пол

По серијата навреди на социјалните мрежи кон професорката по уставно право и претседателски кандидат на ВМРО-ДПМНЕ, Гордана Силјановска Давкова, невладини...

Македонија9 часа

Неколкумина повредени кај Ласкарци се во критична состојба, една пациентка е на операција

Во Градската општа болница „8-ми Септември“ од повредените од тешката автобуска несреќа на автопатот Скопје-Тетово, во моментов се лекуваат 18...

Свет11 час

Од Пентагон уште не знаат колку пари ќе му дадат на Трамп за изградба на ѕидот

Вршителот на должноста министер за одбрана на САД, Патрик Шенахан, синоќа изјави дека се уште не утврдил колку пари ќе...

Македонија11 час

Заев за наградата „Евалд Фон Клајст“: Со Ципрас поставивме основа за тоа како треба да работат идните генерации

На свечена церемонија, во присуство на дел од највисоките гости на годинешната Минхенска конференција за безбедност, на премиерите на Северна...

Свет12 часа

Аргентина: Последно испраќање на починатиот фудбалер Емилијано Сала

Семејството, пријателите, навивачите и поранешните соиграчи се простија од фудбалерот Емилијано Сала (28) во неговиот роден град во Аргентина, четири...

Македонија1 ден

Силјановска е претседателски кандидат на ВМРО-ДПМНЕ: Македонија многу ми даде, сега е ред јас да вратам

Гордана Силјановска и официјално е избрана за претседателски кандидат на ВМРО-ДПМНЕ од страна на делегатите на партијата на денешната конвенција...

Македонија1 ден

Мицкоски: Да се обединиме и да му дадеме црвен картон на Заев

Лидерот на ВМРО-ДПМНЕ, Христијан Мицкоски на конвенцијата во Струга, на која партијата избира кандидат за претседател, повика на обединување на...

Свет1 ден

(Видео) Работник кој добил отказ застрела петмина колеги во Чикаго

Пет лица се убиени и пет полицајци се повредени во предградието на Чикаго, кога 45-годишн маж пукал во индустриско складиште...

Македонија1 ден

Притвор за 11 членови на криминална група, разработиле шема за шверц на мигранти од Грција кон Србија

Единаесет членови на криминална група кои што разработиле шема за шверц на мигранти од Грција, преку земјава, кон Србија, завршија...

Македонија1 ден

Почина уште еден повреден во несреќата кај Ласкарци, бројот на жртви се искачи на 15

Изутринава почина уште еден од повредените во тешката сообраќајна несреќа која што се случи на патот Скопје – Тетово, со...

Свет1 ден

Трамп прогласи вонредна состојба

Претседателот Доналд Трамп прогласи национална вонредна состојба на границата Мексико, во обид да обезбеди повеќе пари за ѕидот кој планира...

Македонија1 ден

ВМРО-ДПМНЕ на конвенција во Струга избира партиски кандидат за претседател

ВМРО-ДПМНЕ денеска на Конвенција под слоганот „За честита Македонија“ во Струга го избира партискиот кандидат за претседател на претстојните претседателски...

Македонија2 дена

На „Дурмо турс“ не му е првпат да излета од пат, лани го извлекувале на Косово

На „Дурмо турс“ не му е првпат да излета од патот. Косовските медиуми лани известиле за автобус  на оваа компанија...

Македонија2 дена

Само претседателот Иванов не го промени името на државата на веб-страницата

Сите министерства и државни институции на своите веб-страници го сменија името на државата во Република Северна Македонија, освен претседателот Ѓорге...

Македонија2 дена

МВР: Не е спорно ако сопственикот на „Дурмо турс“ вршел технички преглед преку друга своја фирма

За Министерството за внатрешни работи законски нема ништо спорно во тоа што сопственикот на „Дурмо турс“, Дурмиш Белули, во исто...

Македонија2 дена

„Специјал“ им подели крофни со рок до утре на учениците во „Димитар Миладинов“  

Принцес-крофни со рок на траење до утре им биле поделени денеска како ужинка  на учениците во ООУ „Димитар Миладинов“ во...

Македонија2 дена

МВР: Преземени мерки за спречување терористички напад на ИСИС

Министерството за внатрешни работи соопшти дека презело мерки за спречување терористички напад во земјата. „По претходно разменети оперативни сознанија со...

Свет2 дена

Трамп прогласи вонредна состојба

Претседателот на САД, Доналд Трамп, прогласи вонредна состојба на национално ниво, истакнувајќи дека треба да се искористат вонредните овластувања за...

Македонија2 дена

САД почнуваат да го користат новото име Република Северна Македонија

Од Амбасадата на САД во Скопје попладнево информираа дека владата на Соединетите Американски Држави добила официјално известување за промената на името....

Досие