Контакт

Топ

Возило удри во две девојки – возачот прво побегнал, па потоа сам се пријавил во полиција

Објавено пред

Две девојки се повредени во Скопје, кога возило удрило во нив на булеварот Кочо Рацин во Скопје. Возачот најпрво побегнал, а потоа сам се пријавил во полициска станица.

Како што информира МВР, вчера во 18:40 часот на булеварот Кочо Рацин, пред крстосницата со ул. Мирче Ацев во Скопје, патничко возило „бе-ем-ве“, со скопски регистарски ознаки, управувано од А.П.(48) од Скопје, удрило во пешаците А.З.(22) и С.Т.(21) од Скопје. А.П. со возилото го напуштил местото на несреќата, но подоцна сам се пријавил во полициска станица.

Во незгодата, С.Т. се здобила со тешки телесни повреди, а А.З. се здобила со телесни повреди и биле пренесени во Градската општа болница „Свети Наум Охридски“. Увид на местото на несреќата извршила екипа од СВР Скопје.

Свет

Вакцинирани лица во старски дом во Америка масовно се заразиле со нов вид на вирусот

Објавено пред

Случаи на Ковид-19 „експлодирале“ во март во пензионерски дом во САД каде што голем дел од корисниците биле вакцинирани, откако невакциниран член на персоналот внел нова варијанта, покажува студија на американскиот Центар за контрола на болести, објавена во средата.

Вирусот се проширил во таа институција во Кентаки, при што се заразиле 44 лица, односно 24 згрижени и 20 негуватели.

Од заразените корисници, 18 биле вакцинирани со две дози на вакцината од „Фајзер“, а четворица негуватели исто така примиле по две дози, според студијата на главната американската здравствена агенција.

Ова покажува дека постојат ограничувања кога станува збор за вакцинацијата како единствена стратегија за борба против Ковид-19, особено против неговите нови варијанти, пишува агенцијата „Франс прес“.

Иако е клучна, вакцинацијата мора да биде придружена со континуирана внимателност за спречување и контрола на инфекцијата, потенцираат авторите на студијата, повторувајќи ја важноста на миењето на рацете, следењето на случаите, изолацијата на заразените и нивните контакти.

Меѓутоа, тие нагласуваат дека кај вакцинираните инфицирани лица, само една третина имале симптоми, наспроти 83 проценти кај невакцинираните.

Само еден од 18 вакцинирани резиденти на домот починал, додека меѓу заразените невакцинирани, кои биле вкупно 6, имало два смртни случаја.

„Со цел да се заштитат корисниците на старските домови, клучно е негувателите, како и згрижените, да бидат вакцинирани“, заклучуваат авторите на студијата.

Прикажи повеќе...

Македонија

Рашковски, од куќен притвор, ќе оди во затворот во Шуто Оризари, одлучи Кривичниот совет

Објавено пред

Кривичниот совет ја преиначи одлуката и, наместо куќен притвор, на ексгенералниот секретар на Владата, Драги Рашковски, и на сопственикот на „Инвока груп“, Даниел Станчев, им одреди ефективен притвор. Тие треба да се спроведат од своите домови во истражниот затвор во Шуто Оризари, каде што ќе останат 30 дена. Ова доаѓа по жалбата на обвинителката Ивана Трајчева, која сметаше дека Рашковски и Станчев и од дома може да влијаат на сведоци, како што веќе имало обид.

„Ценејќи го предлогот, како и изјавените жалби, донесе решение со кое ја прифати жалбата на јавниот обвинител и го преиначи решението на судија на претходна постапка. Со тоа на осомничените Д. Р. и Д. С. им се определува мерка притвор во траење од 30 дена“, стои во одлуката на судот.

Патувањето во Мексико на ексгенералниот секретар на Владата, Драги Рашковски, е една од причините поради која обвинителката Ивана Трајчева се сомнева дека тој може да избега. Втората причина поради која беше побаран ефективен притвор е влијанието врз сведоци за што Трајчева тврди дека Рашковски веќе се обидел да го направи тоа. Од Обвинителството за гонење организиран криминал и корупција веќе поднесоа и жалба на одлуката за куќен притвор, но до овој момент нема одлука од Кривичниот совет.

Според неофицијални информации, како што пренесуваат медиумите, иако Рашковски го променил и телефонскиот уред, сепак Обвинителството преку друг вид комуникација обезбедило докази преку кои се гледа неговото посочување како да биде креиран тендерот.

Рашковски се гони бидејќи Обвинителството смета дека како генерален секретар на Владата спровел постапка за јавна набавка спротивно на прописите, која претходно ја договорил со фирмата што го добила тендерот. Во прилог на ова Обвинителството вели дека Рашковски дал и насоки како да се изготви техничката спецификација на јавната набавка.

„Пред спроведување на постапката за јавна набавка на софтвер првоосомничениот ја договорил набавката на софтверот со третоосомничениот доставувајќи сопствен патент за кој дал насоки за изготвување техничка спецификација за јавната набавка. Четвртоосомничениот како надворешен соработник пренесувал информации за текот на постапката на осомничените – учесници во јавната набавка. Во текот на постапката за јавната набавка, наместо комуникацијата да се извршува со користење електронски средства преку Електронскиот систем за јавни набавки, со цел фаворизирање конкретен економски оператор првоосомничениот лично ги дефинирал техничките спецификации што упатуваат на патентот. На 2.1.2020 година првоосомничениот донел одлука за избор на најповолен понудувач за економскиот оператор, каде што сопственик и управител е второосомничениот, и бил склучен договор за набавка на услуги. Во јули истата година економскиот оператор доставил фактура на износ од 4.997.300,00 денари, со вклучен 18 % ДДВ, па иако софтверот не бил вграден, фактурата во рок од седум дена била исплатена“, велат од Обвинителството за постапката.

Прикажи повеќе...

Македонија

Нови 627 случаи на Ковид-19, починати се 47 лицa

Објавено пред

Министерството за здравство информира, во согласност со податоците од Институтот за јавно здравје, дека во последните 24 часа, од направени 2.865 тестирања, биле регистрирани 627 нови случаи на Ковид-19, и тоа во: Скопје – 218, Битола – 66, Куманово – 54, Прилеп – 31, Охрид – 22, Струмица – 21, Тетово – 20, Велес – 19, Штип – 18, Кавадарци – 16, Гостивар и Кичево – по 15, Кочани – 13, Гевгелија – 12, Свети Николе и Берово – по 9, Струга – 8, Дебар – 7, Ресен и Виница – по 6, Валандово – 5, Неготино, Радовиш, Делчево, Пробиштип, Демир Хисар и Пехчево – по 4, Крива Паланка, Кратово и Македонски Брод – по 3, Богданци и Македонска Каменица – по 2 лица.

Од таму информираат дека биле регистрирани и 765 оздравени пациенти, и тоа од: Скопје – 387, Кавадарци – 57, Битола – 50, Прилеп – 37, Куманово – 35, Велес – 30, Неготино – 25, Тетово – 22, Штип – 17, Кочани – 16, Ресен – 12, Гостивар – 11, Струмица – 10, Гевгелија – 8, Радовиш и Демир Капија – по 7, Крива Паланка – 6, Кичево, Свети Николе и Берово – по 4, Пробиштип, Демир Хисар и Богданци – по 3, Македонски Брод – 2, Струга, Виница, Пехчево, Кратово и Крушево – по 1 лице.

Пријавени се вкупно 47 починати лица: 22 од Скопје (45, 52, 57, 58, 60, 61, 62, 63, 63, 65, 68, 68, 69, 76, 77, 81, 82, 82, 82, 82, 83 и 89), 3 починати лица од Берово (71, 72 и 78), по 2 од Кавадарци (61 и 82), Битола (53 и 73), Прилеп (58 и 78), Куманово (45 и 66), Тетово (72 и 78), Радовиш (60 и 70), Струга (68 и 92) и Охрид (49 и 72) и по 1 лице е пријавено од Велес (83), Неготино (80), Штип (83), Струмица (79), Кочани (44) и Кичево (70). Од починатите пациенти, три лица се починати во домашни услови, а другите 44 лица во болнички услови.

Од нив, 15 лица се починати во текот на март во една приватна клиника, а се пријавени денеска, информира Министерството за здравство.

Направени се 2.865 теста преку: ИЈЗ – 558, ЦЈЗ Скопје – 68, ЦЈЗ Битола – 66, Клиника за инфективни болести и фебрилни состојби – 3, Судска медицина – 11, лабораторија во болницата во Козле – 0, УК Пулмологија со алергологија – 0, ГОБ „8 Септември“ – 14, Институт за микробиологија – 70, МАНУ – 108, „Жан Митрев“ („Филип Втори“) – 141, „Авицена“ – 254, „Биотек“ – 236, „Систина“ – 181, лабораторија „Лаор“ – 209, „Синлаб“ – 57, „Ремедика“ – 47, „Плодност“ – 62, „Генеа“ – 2, ЈЗУ и ПЗУ (рапид-тест) – вкупно 778.

Досега во земјата се направени вкупно 698.132 тестирања на Ковид-19.

Вкупната бројка на ковид-дијагностицирани лица во нашата земја од почетокот на епидемијата изнесува 148.618, бројката на оздравени пациенти е 125.593, на починати е 4.556, а бројот на активни случаи изнесува 18.469.

Според епидемиолошките анализи, во моментов дистрибуцијата по градови е следна:

Скопје 65.884, активни 8.209
Куманово 8.184, активни 1.200
Прилеп 7.981, активни 901
Тетово 6.965, активни 651
Битола 5.878, активни 1225
Велес 5.261, активни 667
Гостивар 5.035, активни 462
Кавадарци 5.035, активни 469
Штип 4.788, активни 457
Охрид 4.757, активни 890
Струмица 3.837, активни 543
Струга 2.887, активни 263
Кочани 2.618, активни 290
Кичево 2.377, активни 294
Гевгелија 2.143, активни 324
Неготино 2.122, активни 223
Свети Николе 1.452, активни 153
Крива Паланка 1.187, активни 87
Ресен 1.176, активни 206
Радовиш 1.051, активни 124
Берово 979, активни 63
Делчево 936, активни 102
Дебар 918, активни 61
Пробиштип 757, активни 39
Виница 754, активни 111
Валандово 642, активни 96
Богданци 475, активни 72
Крушево 461, активни 102
Демир Капија 392, активни 31
Демир Хисар 366, активни 58
Кратово 354, активни 17
Македонски Брод 351, активни 31
Пехчево 256, активни 20
Македонска Каменица 227, активни 14
Дојран 132, активни 14

Прикажи повеќе...

Најново

Свет1 час

Вакцинирани лица во старски дом во Америка масовно се заразиле со нов вид на вирусот

Случаи на Ковид-19 „експлодирале“ во март во пензионерски дом во САД каде што голем дел од корисниците биле вакцинирани, откако...

Македонија17 часа

Рашковски, од куќен притвор, ќе оди во затворот во Шуто Оризари, одлучи Кривичниот совет

Кривичниот совет ја преиначи одлуката и, наместо куќен притвор, на ексгенералниот секретар на Владата, Драги Рашковски, и на сопственикот на...

Македонија18 часа

Нови 627 случаи на Ковид-19, починати се 47 лицa

Министерството за здравство информира, во согласност со податоците од Институтот за јавно здравје, дека во последните 24 часа, од направени...

Македонија19 часа

Инспекторите утврдија дека немало прекршувања за гласањето во скафандери

Не се констатирани неправилности и протоколите се обезбедни од страна на Собранието, извести Државниот инспекторат за труд по направениот вонреден...

Македонија19 часа

Владата за комплексот спроти „Холидеј ин“: Ќе се гради ако е во согласност со Законот за градење

Одобрението за градба се издава доколку се исполнети сите услови пропишани во Законот за градење, изјави владиниот портпарол Душко Арсовски, прашан...

Македонија21 час

Шилегов: Го остваруваме 40 години стариот сон на скопјани за трамвај, обезбедувајќи систем подобар од трамвајот

Со денешното потпишување на договорот за заем меѓу Град Скопје, Министерството за финансии и Европската банка за обнова и развој...

Топ22 часа

(Видео) 12-годишно девојче тепа врснички во Велес, во полиција повикан и родителот

Малолетничка од Велес нападна врсничка, а настанот беше снимен со мобилен телефон и објавен на социјалните мрежи. Видеото на кое...

Македонија22 часа

Филипче: Иако бројките на заразени се намалуваат, периодов мора да бидеме претпазливи

Мерките даваат резултати, оцени министерот за здравство, Венко Филипче, по редовната утринска координација со директорите на клиниките. На состанокот се...

Македонија23 часа

Обвинeние за Вера Иванова, за аферата со дијализа

До кривичниот суд во Скопје поднесено е обвинение против Вера Иванова поради сторени кривични дела перење пари и злоупотреба на...

Македонија24 часа

(Видео) ВМРО-ДПМНЕ обвинува дека Богдановиќ седел во кафеана додека сите се под клуч, тој демантира

Саша Богдановиќ вчера беше во кафеана, го служеа келнери, додека сите останати се под клуч и полициски час, обвини денеска...

Регион1 ден

Рама: Мини шенгенoт е можност за отстранување на границите меѓу Албанија и Косово

Албанскиот премиер Еди Рама го гледа мини шенгенoт како можност за, како што рече, отстранување на границите меѓу Албанија и...

Топ1 ден

Детали за убиството во Струга: Ја избол сопругата до смрт додека биле на гости кај пријатели

Дежурен јавен обвинител од Основното јавно обвинителство Струга синоќа изврши увид во стан во Струга каде што маж си ја...

Свет1 ден

(Видео) Дерек Човин прогласен за виновен за убиството на Џорџ Флојд, ова е моментот на изрекување на пресудата

Поротата синоќа донесе пресуда во врска со убиството на Афроамериканецот Џорџ Флојд. Полицаецот Дерек Човин е виновен по сите точки...

Свет1 ден

Зеленски му предложи на Путин да се сретнат во Донбас

Претседателот на Украина, Володимир Зеленски, преку видеопорака го повика рускиот претседател Владимир Путин да се сретнат каде било во Донбас....

Топ2 дена

Стружанец си ја убил сопругата со нож и се обидел да се самоубие

Стружанец ја убил својата 34-годишна жена по расправија. Убиството се случило доцна вечерва. Според првичните информации од увидот на полицијата,...

Македонија2 дена

Продолжени мерките за ограничување на движењето до 27 април

Владата донесе одлука со која постојните мерки за ограничување на движењето и за другите рестрикции и мерки за примена на...

Македонија2 дена

Бесплатни ковид-тестови за туристи што ќе престојуваат во државата

Со мерката 7 од шестиот антиковид-пакет на Владата ќе бидат обезбедени бесплатни ковид-тестови за странски туристи што ќе престојуваат во...

Спорт2 дена

Навивачите на Челси ја добија битката – клубот подготвен да ја напушти Суперлигата?

Дел од навивачите на Челси јасно го кажаа своето мислење за новата Европска Суперлига, откако го блокираа автобусот на својот...

Македонија2 дена

Филипче: Капацитетот на производство на Институтот „Торлак“ е милион дози на месечно ниво

Министерот за здравство, Венко Филипче, во рамките на денешната посета на Белград имаше предвидено и посета на Институтот „Торлак“, каде...

Македонија2 дена

Нови 766 заболени и 31 починат од Ковид-19

Во последните 24 часа се направени 3.171 тестирање, а регистрирани се 766 нови случаи на Ковид-19, и тоа во: Скопје...

Досие