Контакт

Европа

Грците осудија двајца Руси на по 300 години затвор

Објавено пред

Двајца Руси се осудени во Грција на по 300 години затвор за нелегален транспорт на мигранти, изјави потпретседателот на Комитетот за човекови права на ООН за Русија.

„Алексеј Игумонов и Никита Шепталов беа осудени на 300 години затвор за секој од нив, за наводно организирање шверц на мигранти во Грција. Таа казна е еднаква на 20 години затвор во рускиот казнен систем“, рече Иван Мелков.

Тој објасни дека таквата строга казна произлегува од фактот што судот ги осуди руските граѓани на седум до 12 години затвор за секој шверцуван мигрант.

Русите пред судот се изјаснија за невини. Според нив, тие нашле работа во Турција преку интернет, а за работа на морнар на јахта им била ветена плата од 1.100 евра и храна.

По завршувањето на обуката, тие отпловиле со остатокот од екипажот. Тие, рече Мелков, не управувале со бродот, туку биле задолжени за технички задачи, како што се готвење и чистење.

„Кога бродот пристигна во неутрални води, им пријде друг со 60 мигранти кои се качија на нивната јахта. Нашите граѓани исто така одлучија дека не можат да ги остават овие луѓе на отворено море и да ги остават на сигурна смрт, па останаа на бродот“, рече Мелков.

Нешто подоцна, тие биле пресретнати од грчка патрола, кои ги уапсиле Игумонов и Шепталов, не сакајќи да слушнат докази за нивната невиност.

Нивниот бранител ги видел само во судницата, нагласи Мелков и додаде дека околу 26 Руси се во слична ситуација во Грција.

„Често се случува граѓаните на Турција или ЕУ да бидат ослободени од слични обвиненија, бидејќи според Конвенцијата за трговија со луѓе, лице кое е измамено или принудено од неговиот работодавец не е виновно“, рече Мелков.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

СЗО: Ставете ги во изолација контактите на заразените со коронавирус

Објавено пред

Среде вториот бран на панемијата на коронавирус и наглиот пораст на бројот на заразени лица во Европа и САД, директорот на СЗО, Мајк Рајан, им порача на властите: „Ставете ги контактите во изолација“.

„Ако имав право на една желба, со цел да подобрам само една работа што навистина можеме да ја поправиме и да ја смениме ситуацијата, тоа ќе биде да се осигура дека секој поединец кој бил во контакт со потврден случај на Ковид-19 е во карантин онолку колку што е неопходно, да се скрши синџирот на пренос“, рече Мајкл Рајан на прес-конференција во Женева.

„Тоа е една од главните причини зошто гледаме толку високи бројки“, рече тој.

Барањето на контактите стана тешко во многу европски земји, а бројот на нови случаи на Ковид-19 буквално експлодираше на Стариот Континент во последните две недели.

„Околу половина од земјите во европскиот регион минатата недела забележаа 50 проценти зголемување на бројот на заразени“, рече тој.

Неговата колешка Марија ван Керхове е изненадена што концептот за жаришта на епидемијата создадени од собири каде не се водат мерки, „не влегува во мозокот“.

„Знам дека на луѓето им е доста, но вирусот покажа дека може повторно да се појави со голема брзина и да им се заканува на болниците и здравствениот систем ако не обрнеме внимание на мерките“, рече генералниот директор на Светската здравствена организација (СЗО).

Бројот на лица заразени со коронавирус во светот надмина 40 милиони, а бројот на смртни случаи е 1,1 милиони.

Прикажи повеќе...

Европа

Обезглавениот професор во Париз постхумно ќе биде одликуван со највисокото признание

Објавено пред

Самуел Пети, француски професор по историја, кој минатата недела беше обезглавен од страна на исламски терорист, постхумно ќе биде награден со највисоката француска награда „Легија на честа“, објави министерот за образование, Жан-Мишел Бланкер.

Пети (47) беше убиен од 18-годишен Чеченец пред зграда на средно училиште во предградие на Париз во знак на одмазда бидејќи наставникот им покажувал на учениците карикатури на пророкот Мухамед , поучувајќи ги на слободата на изразување.

Посмртно, убиениот учител ќе го добие највисокото француско признание, Легијата на честа.

Убиството ја шокираше Франција, која се бори да соземе од терористичките напади, вклучително и оној врз редакцијата на сатиричниот магазин „Шарли Ебдо“ во 2015 година, што јавноста го нарече напад врз вредностите на Република.

Национална комеморација во чест на Пети ќе се одржи в среда на Универзитетот Сорбона во Париз.

Францускиот министер за правда, Ерик Дупонд-Морети, ги отфрли сите критики дека имало пропусти во потрагата по младиот чеченски Русин кој го обезглави професорот, а потоа беше убиен од полицијата.

„Тоа е подмолна војна. Постои организиран тероризам што го следат службите, а 18-годишникот не беше опфатен од разузнавачките служби и тој изврши грозоморно злосторство во име на искривено толкување на верата“, рече министерот за „Франс Интер“.

Напаѓачот објави фотографија на исечената глава на телото на професорот на Твитер, а неговиот профил последователно беше затворен.

Прикажи повеќе...

Европа

Германски виролози: Постои опасност од неконтролирано ширење на коронaвирусот во зима

Објавено пред

Германското здружение за вирусологија предупреди на последиците од неконтролираното ширење на коронавирусот за време на претстојната зима.

Тие повикаа на научно заснована акција против пандемијата на коронавирус.

„Поради експлозивната динамика на инфекцијата, што ја забележуваме низ цела Европа, постои страв дека од одредена точка ќе дојде до губење на контролата над инфекцијата“, велат виролозите.

Тие се жестоко против стратегијата на природно инфицирање на населението со цел стекнување имунитет на стадото, бидејќи, како што предупредуваат, тоа би довело до преоптоварување на здравствените системи.

Тие велат дека и со помалку од 20.000 новоинфицирани лица на ден германскиот здравствен систем би бил преоптоварен поради недостиг на персонал на интензивна нега.

Виролозите посочуваат дека неконтролираното ширење на инфекцијата би довело до зголемен број смртни случаи, бидејќи и покрај строгата изолација на пензионерите, постојат дополнителни ризични групи.

Тие исто така наведуваат дека сè уште не е докажано колку долго трае имунитетот стекнат по инфекцијата и додаваат дека станува сè појасно дека во асимптоматски случаи, како што се претежно кај млади луѓе, не постои стабилен имунитет.

Прикажи повеќе...

Најново

Македонија1 час

Заев: Директорот на Македонска пошта, Ејуп Рустеми од ДУИ, ќе биде директор на ЈП „Државни патишта“

Актуелниот директор на Македонска пошта, Ејуп Рустеми од ДУИ, ќе биде назначен за директор на ЈП„Државни патишта“, потврди денеска премиерот...

Македонија2 часа

За една недела 49 лица починале од коронавирус во Македонија

Министерството за здравство информира дека согласно извештајот на Институтот за јавно здравје кој се однесува на периодот од 12 до...

Европа2 часа

Ломбардија воведува полициски час од 22 октомври

Од 22 октомври ќе се воведе полициски час во северната италијанска покраина Ломбардија, која се смета за „локомотива“ на италијанската...

Македонија2 часа

Заев: Оваа Влада ќе го негува и унапредува македонскиот јазик

Сè дури постои македонскиот јазик ќе постојат и Македонците, сè додека постојат Македонците ќе постои и македонскиот јазик, изјави премиерот...

Македонија3 часа

МОН објави упатство: Наставниците да го прилагодат оценувањето согласно учењето на далечина

Министерството за образование и наука и Бирото за развој на образование ги известија училиштата за начинот на следење и оценување...

Европа4 часа

Курц: До следното лето ќе се вратиме во нормала

Австрискиот канцелар, Себастијан Курц, верува дека вакцината против коронавирус ќе биде достапна во првата половина на следната година. „До следното...

Македонија4 часа

Весковски: Водоснабдувањето во Скопје нормализирано, ваков дефект се јавува еднаш на 10 години

Водоснабдувањето кое во текот на вчерашниот ден беше прекинато во голем дел од Скопје, како резултат на голем дефект на...

Македонија4 часа

Новите мерки против коронавирусот на дневен ред во Владата и Собранието

Новите мерки во борбата против коронавирусот денеска ќе се најдат на седници на Владата и на Собранието. Владата треба да...

Свет4 часа

Во Москва 49 нови смртни случаи од коронавирус за 24 часа

Рускиот главен град во понеделникот регистрираше 49 нови смртни случаи поврзани со коронавирус, соопшти Московскиот кризен штаб. „Четириесет и девет...

Свет5 часа

Ирска воведе најстроги мерки против коронавирусот во Европа

Ирскиот премиер Михаел Мартин го потврди враќањето на највисоко, петто, ниво на ограничувања во борбата со коронавирусот, кое ќе трае...

Свет5 часа

Норвешки лекар тврди дека коронавирусот мутирал

Нова мутација на САРС-КоВ-2 коронавирус е откриена во Норвешка, тврди главниот лекар на општината Трондхајм, Тове Рестад. Од друга страна,...

Македонија19 часа

Во Скопје 2.674 активни случаи на коронавирус, најмногу во Аеродром, Карпош и во Центар

Во Скопје во моментот има 2.674 активни случаи на коронавирус од вкупно 5.550 во целата држава. Најмногу активни случаи во...

Свет20 часа

Студија: повеќе од половина од луѓето што прележале Ковид-19 чувствуваат симптоми и по неколку месеци

Повеќе од половина од луѓето што биле отпуштени од болница по заболувањето од Ковид-19, чувствуваат симптоми, како што се отежнато...

Македонија22 часа

Дванaесет починати и 161 нов случај на коронавирус во Македонија

Дванaесет лица починаа, а потврден е 161 нов случај на коронавирус во земјата во последните 24 часа, соопшти Министерството за...

Македонија23 часа

Кумот на Груевски во притвор поради плацовите на Водно

Кривичниот суд во Скопје му изрече 30 дена притвор на Ристо Новачевски, кој се товари за сторено кривично дело перење...

Македонија23 часа

Филипче: Ситуацијата е навистина сериозна, следен чекор би бил полициски час

Министерот за здравство, Венко Филипче, соопшти дека утре до Владата ќе биде предложен дополнителниот сет мерки за превенција од коронавирусот....

Свет24 часа

Европската агенција за лекови ќе ги разгледа резултатите од студијата на СЗО за лекот ремдесивир

Европската агенција за лекови (ЕМА) ќе ги разгледа резултатите од студијата на Светската здравствена организација (СЗО) за антивирусниот ремдесивир, што...

Македонија24 часа

(Видео) Пендаровски: Научните аргументи и вистината за јазикот се на наша страна и од нив никој разумен не може да се откаже

Претседателот Стево Пендаровски денеска се обрати на отворањето на манифестацијата Отворени денови на Институтот за македонски јазик „Крсте Мисирков“. Овогодишниот...

Топ24 часа

Инспекторите растурија свадба во Глумово со 250 гости, следи кривична пријава

Инспекторите откриле уште еден случај на масовно непочитување на мерките против коронавирус во околината на Скопје. Синоќа во периодот од...

Македонија1 ден

Од отворањето на градинките, од корoнавирус заболеле 18 деца и 55 вработени

Од отворањето на градинките на 9 септември досега од коронавирус заболеле 18 деца и 55 вработени, информира министерката за труд...

Досие