Контакт

Топ

Двајца загинати и седуммина повредени, од кои три деца, во сообраќајка на „Првомајска“

Објавено пред

Две лица загинаа, а седум се повредени во сообраќајна несреќа што се случила на крстосницата од булеварот Србија и булеверот Борис Трајковски, поранешна Првомајска, во Скопје.

dobivaj vesti na viber

Според информациите на МВР, несреќата се случила синоќа околу 23:05 часот, а во неа учествувале пет возила – „фолксваген пасат“ управуван од Р.А.(50) од Студеничани, Скопско, „мерцедес“ управуван од Х.С.(28) од Скопје, „фолксваген шаран“ управуван од З.И.(30) од с.Студеничани, „хјундаи аксент“ управуван од О.А.(25) од с.Батинци, Скопско, и „фиат пунто“ управувано од Е.Б.(39) од Скопје.

Во незгодата, на местото починале возачите Р.А. и Х.С.. Со тешки телесни повреди се здобил малолетник во возилото „фолксваген пасат“, а со телесни повреди се здобиле сопатниците во истото возило Ф.А.(49), Н.А.(23) и две малолетни лица, констатирани во Комплексот клиники „Мајка Тереза“.

Со телесни повреди, констатирани во Градската општа болница „Св.Наум Охридски“ се здобиле и возачите О.А. и Е.Б..

По укажаната лекарска помош, О.А. бил приведен и задржан во полициска станица.

Регион

Курти: На Косово нема српски општини

Објавено пред

Косовскиот премиер Албин Курти денеска изјави дека на Косово нема српски општини и дека договорот за формирање Заедница на српски општини го прекршил претседателот на Србија, Александар Вучиќ.

dobivaj vesti na viber

„Има општини каде Србите се мнозинство, но нема албански, српски или турски општини. Општините се општини на граѓаните. Значи, општините немаат национална припадност“, изјави за новинарите Курти, пренесува „Радио Ким“.

Тој додаде дека Уставот на Република Косово не дозволува здружување врз основа на етничка припадност.

„Здружение на општини или разни други организации може да имате само по различна основа, било да е тоа економска, економска, социјална, здравствена или образовна, но не и на етничка основа. 33-те договори што беа потпишани во Брисел пред да дојдам на власт се распоредени хоризонтално, немаат хиерархија. Не можете да кажете дека овој договор е поважен од другите. Сите тие договори се еднакви и тие ќе бидат третирани во нашите преговори, кои во основа го имаат овој последен предлог на Европската Унија, кој доби поддршка особено од Франција, Германија и САД. Значи, сите тие претходни договори се во тој предлог. Сега не можете да земете еден од вашите договори и да кажете дека тоа е единствениот договор што е важен. Има 33 договори“, рече тој.

Косовскиот премиер додаде дека „кога ќе дојде време“ и врз основа на овој предлог од Европската унија „ќе ги разгледа сите тие договори“.

„Нема договор што може да биде предуслов и нема договор што може да влезе во центарот на иден договор. Целосната нормализација на односите меѓу Косово и Србија мора да има взаемно признавање во центарот“, смета Курти.

Според него, претседателот на Србија „го прекршил својот најценет договор“.

„Не заборавајте дека на 10 декември минатата година тој договор за Заедница на општините беше потпишан на 19 април 2013 година од поранешните премиери Хашим Тачи и Ивица Дачиќ, а претседателот на Србија го прекрши кога испрати писмо до пет земји од ЕУ кои не го признаваат Косово. Претседателот на Србија потпиша писмо против барањето на Косово за членство во Европската унија. Со тоа го прекрши својот најценет договор, бидејќи во точката 14 од тој договор се вели дека Косово и Србија нема да си создаваат пречки меѓусебно во однос на патот кон европската интеграција“, рече Курти.

Прикажи повеќе...

Свет

Претседателот на Израел ја повика ЕУ да го искорени антисемитизмот

Објавено пред

Израелскиот претседател Исак Херцог изјави денеска дека антисемитизмот е во пораст во западниот свет и апелираше до Европската унија да обезбеди безбеден живот на Евреите на континентот каде што се случи Холокаустот.

dobivaj vesti na viber

По повод Меѓународниот ден на сеќавање на холокаустот, 27 јануари, Херцог им порача на европратениците дека земјите и официјалните претставници на ЕУ треба да го искоренат антисемитизмот преку закон, образование и безбедност.

„Морате да ги следите предупредувачките знаци, да ги забележите симптомите на пандемијата на антисемитизмот и да се борите по секоја цена. За жал, сликата е вознемирувачка, длабоко вознемирувачка. „Антисемитскиот дискурс кулминира не само во мрачните режими, туку и во срцето на слободниот, демократски Запад“, рече Херцог.

Тој изјави дека антисемитизмот станал посилен за време на пандемијата на корона вирусот бидејќи строгите мерки како што се „заклучувањата“ придонеле за ширење на омраза преку Интернет.

Херцог рече дека антисемитизмот се шири „со рекордно темпо, со притискање на копче“, додавајќи дека има „помалку растојание отколку што мислите“ помеѓу објавата на Фејсбук и вандализмот на надгробните споменици.

Повеќе од 2.700 антисемитски инциденти беа документирани во Германија во 2021 година, вклучувајќи 63 напади и шест случаи на екстремно насилство. Европската агенција за фундаментални права изјави дека девет од 10 Евреи мислат дека антисемитизмот е зголемен во нивната земја. Инцидентите и говорот на омраза се во пораст и во САД.

Меѓународниот ден на сеќавање на Холокаустот се одбележува на годишнината од ослободувањето на логорот на смртта Аушвиц-Биркенау, каде што нацистичка Германија масовно убиваше Евреи како дел од нејзиниот план да го истреби тој народ во Европа.

Силите на нацистичка Германија убија 1,1 милион луѓе во Аушвиц, од кои повеќето беа Евреи, но и Полјаци, Роми и други.

Во Втората светска војна, нацистите и нивните соработници убија приближно шест милиони европски Евреи.

Прикажи повеќе...

Македонија

Градоначалникот на Крива Паланка, кој удри полицаец, заработи прекршочна пријава

Објавено пред

Случајот со боксовите од градоначалникот на Крива Паланка, Сашо Митовски, кон полицаецот Кристофер Стоевски стигна и на седницата за пратенички прашања во Собранието.

dobivaj vesti na viber

Пратеникот Бојан Стојаноски од ВМРО-ДПМНЕ праша дали е поднесена кривична пријава против градоначалникот, а премиерот Димитар Ковачевски рече дека е прекршочно казнет. Со ова случајот со боксовите од Митовски за Стоевски е затворен. За ваквата постапка имаше реакции од пратеникот Стојаноски, кој рече дека Митовски, кој тепал полицаец, не заслужува да ја врши функцијата градоначалник.

„Целата јавност имаше можност да види и да слушне како тој во видно алкохолизирана состојба агресивно пред својот ресторан излегол и нападнал службено лице, кое во моментот не било на должност. Сашо Митовски му е името на овој градоначалникот, кој пијан нападнал полициски службеник. И ова не е прв случај овој градоначалник да нападне граѓани затоа што пред неколку месеци овој градоначалник нападна граѓанин во својата канцеларија. Нема јасен одговор дали е поднесена кривична пријава против овој насилник, како и што го охрабрило овој насилник да излезе од сопствената кафеана и да нападне полициски службеник со две шлаканици обидувајќи се да го понижи“, праша пратеникот Стојаноски.

Одговорот од Ковачевски беше во една реченица.

„Во однос на првото прашање, веднаш по настанот МВР има постапено, направена е комплетна истрага и поднесена е прекршочна пријава за лицето“, изјави премиерот.

На ова следуваше остра реакција од Стојаноски.

„Јас ќе го дадам одговорот што требаше да им го дадете вие на македонските граѓани. МВР и Спасовски четири дена молчеа и се обидоа да го забошотат овој случај. За дело кое е напад на службено лице не се одговара прекршочно, туку веднаш кривично и казната затвор е од три месеци до три години затвор. Вие сакавте овој случај да го забошотите, но кога видовте дека притисокот на јавноста е голем и дека храбриот полицаец одби да ги трпи притисоците што му ги правевте Вие и Вашата Влада, човекот имаше јавно признание. Ковачевски, овој човек, кој пијан нападна полицаец, не заложува да ја врши функцијата градоначалник. Народот го избрал да работи, да реализира проекти, а не да тепа граѓани пред ресторан во видно алкохолизирана состојба. Митовски, за да не влијае на сведоци, треба веднаш да си поднесе неотповиклива оставка, а не да се шета низ Крива Паланка глумејќи локален шериф затоа што е близок до Вас, до Спасовски, до Николовски. Со овој обид за амнестија сакате да пратите порака дека член на СДСМ во оваа држава може да тепа, да краде, да прави што сака и да поминува неказнето. За ова дело застарувањето е десет години. Во овие десет години ниту Вие ќе бидете премиер, ниту СДСМ ќе биде на власт ниту Сашко Митовски ќе биде градоначалник“, рече Стојаноски.

За случајот со боксовите од градоначалникот се дозна кога полицаецот излезе со јавно признание и барање за одговорност. Првично, во некои од медиумите градоначалникот негира дека го направил тоа. Потоа МВР водеше истрага.

Прикажи повеќе...

Најново

Регион6 часа

Курти: На Косово нема српски општини

Косовскиот премиер Албин Курти денеска изјави дека на Косово нема српски општини и дека договорот за формирање Заедница на српски...

Свет7 часа

Претседателот на Израел ја повика ЕУ да го искорени антисемитизмот

Израелскиот претседател Исак Херцог изјави денеска дека антисемитизмот е во пораст во западниот свет и апелираше до Европската унија да...

Македонија10 часа

Градоначалникот на Крива Паланка, кој удри полицаец, заработи прекршочна пријава

Случајот со боксовите од градоначалникот на Крива Паланка, Сашо Митовски, кон полицаецот Кристофер Стоевски стигна и на седницата за пратенички...

Македонија12 часа

Мицкоски: За да останат на власт, отстапија и прифатија сè, невозможно ќе биде да се исправат нивните грешки

Претседателот на ВМРО-ДПМНЕ, Христијан Мицкоски, изјави дека тоа што се случува со Бугарија е нешто за што како партија предупредувале...

Македонија13 часа

„Повлекувањето на амбасадорот во Софија е неосновано“ – Османи смета дека Бугарија потклекнува на провокации

Бујар Османи, министер за надворешни работи, изрази жалење оти Бугарија го повлече амбасадорот во Македонија, Ангел Ангелов. Смета дека тоа...

Култура13 часа

Арсовска: Со ревизија откриени 250 незаконски договори во МКЦ, шанкери добивале 750 евра месечно

Лаги и манипулации се обвинувањата за директорската смена и за кратењето на буџетот на Младинскиот културен центар (МКЦ), вели градоначалничката...

Македонија15 часа

ЦУК: Стабилна е состојбата со излевањето на Вардар во Зелениково и во Велешко, но опасноста не е надмината

Состојбата во Зелениково и во Велешко е стабилна и излевањето на реката Вардар е стопирано, информираа утрово од Центарот за...

Топ15 часа

Скопјанец викнал жена на кафе и почнал да ја допира, го одбила, па ја истепал и ја заклучил

Против 60-годишен скопјанец Основното јавно обвинителство Скопје поведе постапка за кривични дела тешка телесна повреда од член 131 став 1...

Регион16 часа

Лајчак: Во Приштина согласност за спроведување на сите договори со Белград

Специјалниот претставник на Европската Унија за дијалог меѓу Белград и Приштина, Мирослав Лајчак, по вчерашната ненајавена посета на Приштина, соопшти...

Македонија16 часа

Милков: Не можеме да го прифатиме наративот дека Пендиков бил дилер

Бугарија ќе ги преземе сите мерки за случајот со Пендиков и тие се веќе во тек. Ова за БТВ го...

Свет16 часа

(Видео) Зеленски: Немам интерес да се сретнам со Путин, тој е никој за мене

Украинскиот претседател Володимир Зеленски за „Скај њуз“ изјави дека не е заинтересиран да се сретне со Владимир Путин за мировни...

Македонија17 часа

ВМРО-ДПМНЕ: Попусливоста кон Бугарија поттикната поради штитење на криминалот на Ковачевски и Ахмети донесе нова блокада

Попусливоста кон Бугарија поттикната поради штитење на криминалот на Ковачевски и Ахмети донесоа нова блокада, прифатија сè што бараше Бугарија,...

Свет17 часа

Путин: Ние сме гарант на уставниот поредок на Австрија

Рускиот претседател Владимир Путин денеска изјави дека американските трупи во Германија сè уште се окупаторски сили и во правна смисла...

Свет17 часа

Американски генерал: Најновото оружје што Украина ќе го добие од САД ќе предизвика паника во руските редови

Пензионираниот американски генерал-полковник Бен Хоџис во средата изјави дека оружјето што САД наводно набргу ќе ѝ го обезбедат на Украина...

Свет18 часа

Канаѓанка се обидела да го отруе Трамп: Ги уништуваш САД и ги водиш до катастрофа

Паскале Сесил Вероник Фериер, жена со француско и канадско државјанство, денеска се изјасни за виновна за испраќање писма со отров...

Свет18 часа

Најмалку 54 лица загинаа во експлозија на бомба во Нигерија

Најмалку 54 лица загинаа во експлозија на бомба во централна Нигерија, а многу други се повредени, изјави владин претставник. Инцидентот...

Македонија1 ден

Бугарија го повлече амбасадорот и ги замрзнува сите меѓудржавни проекти со Македонија

Бугарскиот амбасадор во Македонија, Ангел Ангелов останува во Софија се’ додека, според бугарските власти, не се случи вистинска промена, а...

Македонија1 ден

МНР: Безбедносните органи да донесат одлука за ограничување на пристапот на Џамбаски

Министерството за надворешни работи реагираше со осуда за изјавите на европратеникот Џамбаски за што по дипломатски пат го известува и...

Топ1 ден

Пензионер почина по удар од автомобил во Куманово – возачот побегнал, па бил пронајден

Седумдесетгодишник од Куманово почина во сообраќајна несреќа. Според информациите од полицијата, тој управувајќи велосипед бил прегазен од автомобил чијшто возач...

Македонија1 ден

Уставниот суд ја укина одлуката за спорниот ДУП во Центар кој ги опфаќа и парцелите на Водно

Уставниот суд на денешната седница одлучи да ја укине Одлуката со која на 18 јули 2014-та година Советот на општина...