Македонија
Дијабетичарите принудени меѓу себе да си позајмуваат инсулин бидејќи го нема во аптеките
На повидок е нова инсулинска криза во Република Македонија, дијабетичарите со месеци мака мачат да дојдат до лекот од кој им зависи животот. Резервите треба да траат до ноември, но ние веќе се соочуваме со дефицит на инсулин. Дијабетичарите се принудени меѓу себе да си позајмуваат инсулин бидејќи не може да го најдат во аптеките, вели претседателката на Здружението на лицата со дијабетес „Алегрија“, Рената Јакимовиќ, за „Макфакс“.
– Има поплаки од целата држава дека нема инсулин. За жал, во 21 век сме доведени лицата со дијабетес да немаат редовна достава на инсулин, односно не може да го подигнат инсулинот од аптеките и сето тоа се должи на паралелниот увоз и нередовната достава. Тоа предизвикува огромен проблем кај лицата со дијабетес затоа што тие живеат од лекот и не смеат да се доведат до степен да отидат во инсулинската аптека и од таму да кажат дека нема инсулин – вели Јакимовиќ.
Лицата со дијабетес, поради недостиг на инсулин, се принудени меѓу себе да си позајмуваат пенкала за да имаат за цел месец, а потоа, кога ќе стигне редовната достава, ги враќаат инсулините од каде што ги позајмиле и така во круг.
– Дијабетичарите од целата држава контактираат меѓу себе преку социјалните мрежи и на тој начин си позајмуваат инсулин. Праќаме преку луѓе што ги знаеме или преку автобуси, нешто што во никој случај не смее да биде практика, а за нас тоа е секојдневие – вели Јакимовиќ.
Според претседателката на „Алегрија“, целиот проблем настанал пред неколку години со одлуката увозот на инсулин да се врши преку паралелен увоз. Како што вели таа, со паралелниот увоз компаниите што го доставуваат увозот не може да ги извршат набавките како што треба и веќе неколку години дијабетичарите се соочуваат со истиот проблем од енормни размери како за младите така и за постарите.
Покрај недостигот на инсулин, дијабетичарите имаат уште еден дополнителен проблем, а тоа е квалитетот на глукометрите со кои се мери висината на шеќерот во крвта. Јакимовиќ вели дека во Сојузот на здруженијата на лицата со дијабетес доста се дискутира за квалитетот на глукометрите и другите помагала. Како што вели, порано дијабетичарите користеле квалитетни глукометри, но квалитетот на сегашните, кои одат преку Фондот за здравство, е и тоа како доведен во прашање.
– Глукометрите што сега се користат не ги задоволуваат последните ИСО-стандарди. Нам денот ни зависи од таа бројка што ја гледаме во тој апарат и од круцијално значење е апаратите за мерење шеќер да бидат легитимни и да работат како што треба – рече Јакимовиќ.
Како главни виновници за лошите услови во кои живеат дијабетичарите, Јакимовиќ го посочи претходното раководство на Министерството за здравство, на чело со ексминистерот Никола Тодоров, во чие време е распипшан тендерот за набавка на инсулин и глукометри.
– Секој тендер се распишува со рок на траење од две години, овој тендер што моментно трае е распишан пред две години, што значи дека виновникот треба да го бараме кај оној што го распиша – вели Јакимовиќ.
Таа истакна дека акутелнот тендер бил распишан така што сите ставки и критериуми за точност и квалитет на глукометрите и инсулините биле тргнати.
– Можам слободно да кажам дека буквално ако некој произведува инсулин и глукометри во гаража, можеше да поминат на тендерот – вели таа.
Од Сојузот на здруженијата на лицата со дијабетес упатуваат апел надлежните институции, конкретно Министерството за здравство и Националната дијабетес-комисија, да застанат на нивна страна и со набавка на квалтитетни инструменти и квалитетен инсулин да покажат дека се грижат за дијабетичарите затоа што, како што вели, од тој лек тие живеат.
– Сојузот на здруженијата на лицата со дијабетес со сите сили се труди да го реши овој проблем на долгорочен план, односно да ги превенира овие проблеми што ги имаме последните неколку години. Во меѓувреме си помагаме со тоа што си позајмуваме инсулин, па потоа го враќаме кога ќе дојде редовната достава и на тој начин се покриваме, нешто што го нема никаде во Европа, па ниту во Африка, доведени сме до ниво во една демократска држава да живееме на ваков начин – вели Јакимовиќ.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.