Контакт

Свет

Европа во страв од новиот вирус – се шири со голема брзина и не е под контрола

Објавено пред

Од неделата речиси 21 милион луѓе се под построги мерки во Лондон, на југоистокот и на истокот на Англија и Велс, кои се воведени за да се запре ширењето на многу заразен нов вид Ковид-19. Британскиот премиер, Борис Џонсон, рече дека новиот вид може да биде и до 70 % попренослив од оригиналната верзија на болеста. Крис Вити, главен советник за здравство во британската влада на Англија, рече дека овој вид предизвикал над 60 % од новите случаи во Лондон во текот на изминатата недела.

Поради тоа, таканареченото ниво од 4 мерки беше воведено во голем дел од земјата, а Божик практично беше укинат. Луѓето од тој регион се советуваат да останат дома, освен во случај на итни патувања, закажување лекари и вежбање на отворено. На други им се препорачува да не патуваат во регионите каде што се воведени најстрогите мерки, а на оние што живеат во нив нема да им биде дозволено да заминуваат. Продавниците, кои не се неопходни, се затворени, како и спортските сали, кината, фризерските салони и салоните за нокти.

Шкотска одлучи да го направи истиот чекор и наместо предвидените пет дена за ублажување на ограничувањата, тој период ќе се сведе само на Божик. По тој повод, премиерката на Шкотска, Никол Старџен, им се обрати на граѓаните велејќи им дека новите правила доведуваат до солзи, но исто така предупреди дека вирусот не се грижи за ништо друго, освен што се шири што е можно повеќе.

„Ќе им дозволиме на луѓето да си го прослават Божик, но, како што рековме на почетокот, искористете ја оваа можност само ако навистина и навистина ви е потребна“, истакна Старџен.

Министерот за здравство, Мет Хенкок, предупреди дека новиот мутиран вид коронавирус е надвор од контрола и сугерира дека драконските ограничувања на нивото 4 ќе бидат во сила сè додека сите не ја земат вакцината, пишува „Дејли мејл“. Ханкок рече дека луѓето во погодените области, каде што има мерки од 4. ниво, треба да се однесуваат како да се заразени за да се борат против новата варијанта на болеста што се шири побргу од претходниот вирус.

„Новиот вид може полесно да се добие од помала количина присутен вирус“, рече тој.

Светската здравствена организација објави дека е во близок контакт со официјалните лица на Велика Британија поради новата варијанта на Ковид-19. „Тие (официјални лица во Велика Британија) ќе продолжат да споделуваат информации и резултати од нивната анализа и тековните студии. Ќе ги информираме земјите членки и јавноста додека дознаваме повеќе за карактеристиките на оваа варијанта на вирусот и сите импликации“, наведе СЗО на својот профил на „Твитер“.

Вирусот пристигна во повеќе европски држави

Нов вид коронавирус, кој се појави во југоисточна Англија, е пронајден во Данска, Холандија и во Австралија. По откривањето на новиот вид коронавирус во земјата, Холандија забрани летови на патници од Велика Британија до 1 јануари, соопшти холандската влада. Потоа, Белгија ѝ се придружи на Холандија во забраната на летови од Велика Британија, а исто така ги прекина и железничките врски во обид да спречи новиот вид на вирусот да стигне до земјата.

Премиерот Александер де Крој рече дека наредбата ќе стапи во сила на полноќ како мерка на претпазливост. „Постојат многу прашања во врска со оваа мутација, која можеби достигнала на континентот. Се надевам дека ќе знаеме многу повеќе до вторник“, рече Де Кроа.

По Холандија и Белгија, Австрија, Кувајт и Италија се решија на истиот чекор.

„Наша должност како влада е да ги штитиме Италијанците и токму поради тоа и откога ќе ја известиме британската влада, ќе ја потпишеме одредбата за прекин на летовите со Велика Британија“, напиша на „Фејсбук“ италијанскиот министер за надворешни работи, Луиџи ди Мајо. Германија исто така размислува да ги прекине летовите од Велика Британија и Јужна Африка за да спречи ширење на новиот заразен вид на вирусот, кој циркулира во двете земји. И Хрватска привремено, во времетраење од 48 часа, донесе одлука за прекин на воздушниот сообраќај со Велика Британија поради новиот вид на вирусот.

Каков е новиот вид на вирусот?

Станува збор за верзија на вирусот што носи одредени генетски мутации. Овој нов вид откриен во Велика Британија е верзија на Сарс-Ков-2, вирусот корона што ја предизвикува болеста Ковид-19, што ја прави позаразна од другите. Го доби името ВУИ-202012/01, што е шифра за првата варијанта од истрагата од декември 2020 година. Неговото техничко име е N501I + 69 / 70del, што се однесува на специфични генетски мутации.

Колку полесно може да се шири?

Врз основа на прелиминарните докази, научниците од британската влада веруваат дека се шири и до 70 проценти полесно од другите видови. Ова значи дека ќе се зголеми R, односно стапката на репродукција, што се однесува на просечниот број луѓе што може да го зарази едно инфицирано лице.

Борис Џонсон рече дека новиот вид може да го зголеми бројот на R за 0,4 или повеќе, но неговото влијание веќе се чувствува. Низ целата земја, “R” е околу 1,1 или 1,2, но е 1,4 во источна Англија и 1,3 во Лондон и југоисток, каде што новиот вид е најраспространет.

Каде и кога првпат се појави овој вид?

Се чини дека се појавил во Лондон или Кент во септември. Првпат беше официјално идентификуван од владината лабораторија за тестирање во Милтон Кејнс на 20 септември, но можно е и пред тоа да циркулирал кај луѓе што претходно не биле тестирани.

До каде се прошири досега?

Пред еден месец околу една четвртина од случаите на југоистокот, во Лондон и на истокот од Англија беа предизвикани од новата варијанта на вирусот, но до средината на декември тој веќе е причина за повеќе од половина од заразените, рече Крис Вити. Ако патувањата на луѓето не запрат, мутацијата може бргу да се прошири на друго место.

Главниот научен советник, сер Патрик Валанс, рече дека оваа варијанта на вирусот може да ја има и во други земји, што не би било изненадувачки бидејќи постои веќе три месеци. Тој не погреши во процените бидејќи Холандија објави дека открила нов вид вирус во земјата.

Што прават овие нови мутации?

Мутациите го олеснуваат врзувањето на вирусот со рецепторите на ACE2 во човечките клетки. Промените исто така може да помогнат вирусот да ги избегне човечките антитела, кои инаку би помогнале да се заштитиме од инфекција. Секојпат кога вирусот се повторува, постои можност неговите делови да мутираат поради познатата генетска грешка во копирање. Сите индивидуални мутации се случајни и повеќето практично не прават никаква разлика.

Одредени услови може да извршат еволутивен притисок врз промена на вирусот. Една група генетичари претпоставуваат дека растечкиот природен имунитет кај населението во Обединетото Кралство, поради што вирусот потешко се шири, го принуди вирусот да се приспособува. Друга теорија е дека мутацијата се случила кај пациент што долго време се борел против вирусот, а потоа го пренел на друга личност.

Дали предизвикува посериозна болест?

Според научниците, се чини дека одговорот е „не “, колку што може да каже во моментот. Нема докази дека тоа предизвикува поголема стапка на хоспитализации или смртни случаи, но ако се заразат повеќе луѓе, бидејќи новиот вид се шири полесно, тогаш неизбежно повеќе луѓе ќе завршат во болница. Трите главни симптоми за кои треба да внимавате остануваат исти: постојана кашлица, треска или висока температура и промена на сетилата за мирис или вкус.

Како се лекува новиот вид?

Бидејќи се чини дека мутациите не влијаат на сериозноста на болеста, оние што имаат нов вид ќе бидат третирани на ист начин како и оние што имаат други видови. Во Велика Британија се советуваат истите мерки на заштита против овој вид, односно редовно миење на рацете, носење маски и избегнување контакт со луѓе надвор од домаќинството.

Дали вакцината ќе биде ефективна при нови мутации?

Научниците сè уште работат на претпоставката дека одговорот на вакцината треба да биде соодветен за оваа варијанта, но дека треба внимателност. Научниците велат дека вакцината произведува антитела против многу делови на протеините во клетката на вирусот, па затоа е малку веројатно дека една промена или неколку би ја направиле вакцината бескорисна.

Свет

Колку вакцинацијата ќе влијае врз патувањата на граѓаните

Објавено пред

Колку вакцинацијата ќе влијае на тоа дали ќе можеме да патуваме на одредени дестинации е еден од најголемите сомнежи на граѓаните, бидејќи веќе има најави дека без потврда за имунизација или „пасош за корона“, ќе биде тешко да се преминуваат границите.

Лидерите на Европската унија наредната недела ќе ги разгледуваат барањата за воведување на таканаречен „европски сертификат за вакцинација“. Ова следува откако Европската комисија доби писмо од грчкиот премиер Киријакос Мицотакис, во кое, меѓу другите барања, се предлага олеснување за патување во рамките на Европската Унија.

Во писмото упатено до претседателката на Европската комисија, Урсула фон дер Лајен, грчкиот премиер Мицотакис бара приоритет да биде враќањето на слободата на движење низ цела Европска Унија. Тој посочува и на важноста од итно усогласување на позициите на земјите-членки за сертификатот за вакцинација, што според него, ќе помогне во повторно заживување на туризмот, но и за зголемен интерес за примање на вакцините.

Многу од граѓаните стануваат свесни дека наскоро ќе биде тешко да ја напуштат земјата без вакцинација и за тоа немаат голема дилема. На граѓаните на Србија, но и на другите земји, повеќе им пречат одредени најави дека постои можноста да не можат да патуваат во САД и земјите на ЕУ доколку примат руска или кинеска вакцина, бидејќи тие не се регистрирани во тие земји.

Претседателот на Србија, Александар Вучиќ, реагираше на тие најави, отфрлајќи ги тврдењата дека патувањата во поединечни земји на ЕУ ќе биде според која вакцина ја имаат примено граѓаните. Вучиќ праша дали тоа значи дека половина од светот нема да може да патува никаде бидејќи ја примиле руската вакцина.

На прашањето да ја искоментира реакцијата на ЕУ дека Унгарците нема да можат да патуваат во ЕУ бидејќи ја користат руската вакцина, Вучиќ кажа дека не го чул тоа, но дека го слушнал тоа. Тој рече дека слушнал како унгарскиот премиер Виктор Орбан бил „нападнат“ поради користење на руската вакцина и кршење на европските правила. Вучиќ останува на ставот дека не е можно да се спроведе правило за патување во ЕУ според потеклото на примената вакцина, бидејќи тоа значи дека ниту еден граѓанин од Русија, Кина, Пакистан, Емирати, Бахреин, Турција и други земји нема да можат да влезат во ЕУ.

„Сметате дека тоа е реално, никогаш не сум чул таква лудост“, рече претседателот на Србија.

Слични ставови имаат и докторите. Епидемиологот, професор д-р Радмило Петровиќ за српска „Политика“ вели дека е противник на таков вид дискриминација, бидејќи кога вакцините се набавувале од Запад, немало проблем за тоа од каде потекнуваат.

„За една година ќе знаеме која вакцина е поуспешна и која има помалку ефект. И во овој момент, кога животот на луѓето е во прашање, невидена глупост е некого да условувате со одредени вакцини за патување“, вели докторот Петровиќ.

Поединци од ЕУ, вели професор д-р Тања Јовановиќ, вирусолог и член на Кризниот штаб за сузбивање на Ковид 19 во Србија, изјавуваат дека ќе ги препознаат само оние вакцини што ги регистрираат европските агенции. Но таа потенцира дека тоа се заснова само на индивидуални изјави.

„Не сум слушнала официјален став дека Европската Унија донела таква одлука. Во овој момент никој не може да одговори на тоа прашање. Сега е најважно да се имунизираме со каква било достапна вакцина и тоа треба да биде приоритет“, вели д-р Јовановиќ.

Професор д-р Радан Стојановиќ, клинички фармаколог од Медицинскиот факултет во Белград, исто така смета дека е рано да се зборува за тоа која вакцина ќе биде услов за патувања.

„Претпоставувам дека сите вакцинирани луѓе ќе бидат група која ќе може да патува без проблеми. Ако се гледа кој чија вакцина примил, тоа ќе ги закомпликува работите“, вели Стојановиќ.

Александар Сеничиќ, директор на Националното здружение на туристички агенции на Србија, напоменува дека рускиот и кинескиот туристички пазар се меѓу најважните во светот, а дека само Кинезите праќаат по повеќе од 100.000 туристи во Европа.

„Мислам дека нема да дојде до тоа во светот да не се признаваат руската и кинеската вакцина. Веројатно се чека тие вакцини да се одобрат во институциите на Европската Унија. Доколку овие вакцини не се признаат, тоа би бил лош економски потег, бидејќи ќе се изгубат многу повеќе пари отколку што ќе се добијат. Руските туристи се главни во Европа, како во летната, така и во зимската сезона. Притоа, во последната година се бележи растечки тренд на кинески туристи во земјите од ЕУ и САД, од 15 до 20 отсто“, вели Сеничиќ.

Тој посочува дека идејата за издавање на „ковид пасоши“ први ја дале авиокомпаниите, а дека СЗО се оградила од тие најави, со образложение дека можеби тоа не е добар модел.

Прикажи повеќе...

Европа

(Видео) Масовна евакуација од аеродромот во Франкфурт поради закана со оружје

Објавено пред

Поради наводна закана со огнено оружје, полицијата нареди евакуација на сите присутни на аеродромот во Франкфурт.

Неколку сектори на аеродромот беа затворени.

Едно видео покажува како полицаец вперува пиштол кон лице на земја.

Властите потврдија дека во тек е полициска акција, но не е јасно што довело до хаос на аеродромот.

Според германски новинар, две лица се задржани во притвор.

Како последица на овие настани некои летови може да бидат одложени. На патниците им било кажано однапред да го проверат статусот на летот пред пристигнувањето на аеродромот.

Прикажи повеќе...

Регион

Хрватка си ги убила трите малолетни деца во Австралија

Објавено пред

Австралискиот град Мелбурн го потресе во четвртокот страшна трагедија во која мајка со хрватски корени ги убила трите деца, а потоа и себе.

Телата на Кети Периновиќ и нејзините две ќерки Клер (7) и Ана (5) и синот Метју (5) биле пронајдени во нивниот дом во Туламарин, предградие на северот на Мелбурн. Телата ги пронашол нејзиниот сопруг Томислав (48). Повикал служби за итни случаи, полицијата го испрашувала, а потоа бил ослободен, пишува Индекс.

Заклучокот од прелиминарната полициска истрага е дека мајката ги убила трите деца, а потоа и самата. Австралиските медиуми пишуваат дека тоа го сторила со нож, но засега нема полициска потврда.

И, додека полицијата ги испитува деталните околности на случајот, соседите едвај се помируваат со трагедијата што го снајде Туламарин, предградие северно од Мелбурн.

На помалку од 24 часа пред шокантниот настан, 42-годишната Периновиќ им дала на своите соседи кеса со сливи.

Нејзиниот сосед Даниел Шембри и’ заблагодарил, и таа му рекла „збогум“, пренесува NCA Newswire. Периновиќ биле омилени меѓу соседите, а соседството во кое живееле било тивко.

Шембри вели дека бил во дворот на Периновиќ во средата попладне. Тој и’ заблагодарил на Кети за сливите, а потоа таа му возвратила на поздравот. Шембри раскажува дека само два дена претходно го слушнал џагорот на децата кои играле во базенот.

„Тие се забавуваа, слушавме врескање“, се присетува Шембри.

Семејната пријателка Мари Гроувс изјави дека последен пат ги видела Кети и децата во ноември.

„На крајот на ноември и’ реков да дојде на роденденската забава на ќерка ми со децата. Таа беше таму многу кратко, нејзините две постари ќерки беа многу слични на моите ќерки, тие разговараа и се смееја, тие беа убави деца. Тој ден ми се чинеше дека беше малку повлечена, што беше невообичаено. Можеби тоа беше знак?“, рече Гроувс.

Таа вели дека не го познавала добро нејзиниот сопруг Томислав затоа што тој работел цело време.

Еден родител, кој се вратил од патување во средата околу четири часот наутро, за Хералд Сан изјавил дека ги видел Периновиќ како заминуваат кај сосед по име Фреди. Ништо не му изгледало чудно во тој момент.

Понатаму, една млада мајка, која живее во близина, за Хералд Сан изјавила дека во четвртокот наутро, кога се враќала од утринското кафе, слушнала исклучително силен извик од улицата Бургес, улицата каде што имаат куќа Периновиќ. Таа сега е убедена дека станува збор за Периновиќ. Околу половина час подоцна, се сеќава таа, слушнала сирени.

Оградата пред куќата каде се случила страшната трагедија сега е расфрлена со писма, цртежи, играчки, цвеќиња и свеќи од родители и деца од соседството.

Еден сосед ја опишал Кети Периновиќ како пријателска и пристојна личност, некој што секогаш се поздравувал.

„Скршен сум, се случи толку близу до мојот дом, овие луѓе минуваа време во мојата куќа“, рече еден сосед и додаде: „Моите деца ги сакаа нивните. Што треба да им кажам на моите деца сега?”

Некои соседи за австралиски 7NEWS изјавија дека Кети не била своја минатите месеци. Се повлекла за време на карантинот наметнат поради коронавирусот и страдала од депресија. Но, засега, ова се само шпекулации за кои нема официјална потврда, пишува Индекс.

Прикажи повеќе...

Најново

Македонија3 часа

Автобус на ЈСП се судри со две возила кај Шумарскиот факултет

Нема повредени патници во автобусот на ЈСП, по сударот со два автомобили кај Шумарскиот факултет. Оттаму информираат дека е причинета...

Спорт4 часа

Одбојкарите обезбедија пласман на Европското првенство

Одбојкарската репрезентација на Македонија обезбеди пласман на Европското првенство. Вечерва, во Скопје, Македонија ја совлада Турција со 3:1 (25:19, 21:25,...

Македонија8 часа

Нови 361 случаи на коронавирус, оздравени се 2.116 пациенти, а починаа 14 лица

Во последните 24 часа се направени 2176 тестирања, а регистрирани се 361 нови случаи на ковид-19 во: Скопје-164, Куманово-17, Тетово-12,...

Македонија9 часа

Опозицијата обвинува за доцнење со вакцините, власта тврди дека обезбедува вакцини преку три механизми

Преку три механизми, Владата предводена од СДСМ обезбедува вакцини против ковид-19, за 60 отсто од населението, реагира владејачкиот СДСМ откако...

Македонија10 часа

(Видео) Во Охрид затворен угостителски објект, затекнати Русинки и Украинки кои работеле на црно

Сопственик на угостителски објект во Охрид заработи кривични пријави бидејќи синоќа работел по 18 часот и покрај тоа што претходно му...

Топ11 час

Беровец исценирал дека е киднапиран за да изнуди 10.000 евра од својот татко

Приведено е лице од Беровско, кое самоволно фингирало изнуда за да земе 10.000 евра од својот татко. Од полицијата информираат...

Европа13 часа

Меркел доби наследник на чело на ЦДУ

Германските демохристијани го избраа наследникот на германската канцеларка Ангела Меркел. Армин Лашет беше избран за нов претседател на Христијанско-демократската унија...

Регион14 часа

(Видео) Во Србија пристигнаа милион дози од кинеската вакцина, Вучиќ ќе се вакцинира со неа

„Ние сме првата земја во Европа што ја доби кинеската вакцина. Јас најверојатно ќе бидам претставникот на власта што прв...

Свет15 часа

СЗО е против ковид пасоши: „Светот е збунет и парализиран“

Светската здравствена организација (СЗО) ги советуваше државите да не ги условуваат меѓународните патувања со докази за вакцинација или имунитет. Ова...

Свет15 часа

Бајден најави вакцинирање на 100 милиони Американци за 100 дена

Новоизбраниот претседател на Соединетите Американски Држави (САД), Џо Бајден, претстави план во кој ја објасни намерата за вакцинирање на 100...

Македонија16 часа

СДСМ: Мицкоски и ВМРО-ДПМНЕ и за пописот се на спротивната страна на државните и националните интереси

Владејачкиот СДСМ верува дека ВМРО-ДПМНЕ се однесува деструктивното, неодговорно и антидржавно, а  сега кога пред пратениците во собранието е законот...

Свет1 ден

Велика Британија од понеделник ги затвора сите коридори за патување

Велика Британија ги зајакнува граничните контроли за да спречи нови видови на коронавирус да влезат на нејзината територија, суспендирајќи ги...

Свет1 ден

„Сигнал“ има технички проблеми откога за една недела стекна 40 милиони корисници

Шифрираната услуга за пораки „Сигнал“ соопшти дека има технички проблеми, но вети дека бргу ќе ги надмине. Оваа апликација, промовирана...

Свет1 ден

Трамп го напушта Вашингтон на денот на инаугурацијата

Американскиот претседател, Доналд Трамп, планира да го напушти Вашингтон утрото на денот на инаугурацијата на својот наследник Џо Бајден, на...

Свет1 ден

Продолжени строгите мерки во Италија

Италијанскиот премиер, Џузепе Конте, издаде указ со кој се продолжуваат рестрикциите за контрола на ширењето на коронавирусот кога Министерството за...

Македонија1 ден

Нови 403 заболени и 10 починати од коронавирус во Македонија

Министерството за здравство информира дека во последните 24 часа се направени 2.118 тестирања, а регистрирани се 403 нови случаи на...

Македонија1 ден

Обвинителството отвори предмет за палењето на бугарското знаме во Вевчани

Основното јавно обвинителство Струга отвори предмет по допрен глас во врска со написите во одредени медиуми дека за време на...

Македонија1 ден

Опцијата граѓаните да може да докупат стаж за пензија може да се одолговлечи до 2024 година

Закон за докуп на стаж е процес којшто ќе трае, а ние ќе го исполниме предизборното ветување до нашите граѓани,...

Свет1 ден

Меѓународна анкета: Британците и Данците се најсклони на вакцинација, Французите и Полјаците многу поскептични

Денеска се објавени резултатите од големо меѓународно истражување за вакцинацијата против Ковид-19, пренесе агенцијата „Ројтерс“. Резултатите покажуваат дека подготвеноста за...

Македонија1 ден

Општина Вевчани го осуди палењето на знамето на Бугарија

Општина Вевчани најостро го осудува чинот на палење на знамето на Република Бугарија за време на карневалот во Вевчани, соопшти...

Досие