Македонија
Заев ја претстави програмата на новата влада пред пратениците и најави реформи
Со едночасовен говор во Собранието мандатарот Зоран Заев ја претстави програмата на владата за наредните четири години. Тој вети разрешување на судии, кастрење на државната администрација, зголемување на платите и пензиите, намалување на даноците, намалување на невработеноста до едноцифрена бројка, нови инвестиции во здравството, во инфраструктурата, бескомпромисна борба за животната средина и максимална посветеност на влезот во ЕУ.
Една од главните планирани реформи, без која не би можеле да се спроведат останатите Заев најави дека е вистинска реформата во правосудството.
„Доаѓа време на реправда и дисциплина, време на почитување на правосудството и неселективно владеење на правото со целосно прочистување на правосудниот систем, првиот чекор е веќе направен. Државната комисија за спречување на корупцијата ја испитува имотната состојба на судиите и јавните обвинители, а Судскиот совет прави детална проверка на работата на судиите, особено по застарени предмети со одлагање или заобиколен или прекршен закон. Судиите за кои ќе се докаже дека свесно и намерно застарувале предмети ќе бидат разрешени. Има ревизија на судските предмети од пет отсто кои ќе бидат избирани по случаен избор“, рече Заев и нагласи дека предметите на СЈО мора да добијат разрешница.
Посветеноста на борбата против корупцијата на новата влада Заев смета дека се гледа и во тоа што веќе е воспоставиле систем за проверка на потекло на пари и капитал кај секој функционер, а за првпат се поставува и вицепремиер за борба против корупција кој ќе биде задолжен да ги координира напорите на институциите за борба против криминалот и да алармира за можна корупција на високи функционери и администрација.
Планот на новата влада е за време на кризата за која очекуваат да трае во следните 6 – 8 месеци да ја одржат минималната плата од 15.500 денари како и задржување на работните места,а по пандемијата предвидуваат платите да растат.
„Нашиот план е минимална плата од 20.000 денари и 34.000 просечна плата до крајот на четиригодишниот мандат“, рече Заев.
За дваесет отсто Заев најави дека ќе се намали јавната администрација, а довербата на граѓаните во јавната администрација вели дека ќе настојуваат да ја вратат на ист начин како што се вратила довербата во здравствените институции.
Следува период на структурни реформи во јавната администрација за да стане уште поефикасна и граѓаните и стопанството во неа да препознаат силен и доверлив партнер. Ако можевме да стекнеме доверба во здравствените работници следејќи ги нивните напори и пожртвуваност, убеден сум дека по тој пример целата државна администрација може да даде максимум. Ќе разгледаме неколку модели за намалување на обемот на администрацијата за околу 20 %преку спојување функции и надлежности на институциите, задолжително пензионирање на 64 години, пакети за трансфер во приватниот сектор, или предвремено пензионирање’, објасни Заев.
Во програмата на владата е изградба на инфраструктура низ целата држава, училишта градинки, нов клинички центар , опремување на сите одделенија за интензивна нега со модерна опрема, а на меѓународен план Заев се обврза во следните 4 години да отворат 80 отсто од преговарачките поглавја за влез во ЕУ, а за 6 години цеолосно да бидат затворени поглавјата.
Домашните и странските инвестиции новата влада ќе ги поддржи со 300 милиони евра од домашниот буџет и 300 милиони евра од европски фондови.
За да може успешно да ги реализира сите предвидени реформи Заев побара од пратениците полн четиригодишен мандат.
Предложените министри Заев ги претстави како одговорни, угледни личности, мотивирани посветено да работат.
Собранието треба да ја изгласа новата влада најдоцна до утре на полноќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.