Контакт

Топ

Запленета марихуана вредна речиси 150.000 евра, уапсени двајца поранешни вработени во МВР

Објавено пред

Полицијата заплени марихуана вредна речиси 150.000 евра. Дрогата од Албанија преку Македонија требало да стигне во Грција, а организатор на криминалната група инволвирана во меѓународниот транспорт на марихуана е М. А. (50) од Гевгелија. Во врска со случајот уапсени се и двајца поранешни вработени во МВР.

dobivaj vesti na viber

Според информациите на МВР, вчера, И. К. (37) од Гевгелија, З. Б. (52) од с. Грчиште, Валандово, и Д. С. (27) од с. Марвинци, со возило „опел вектра“, со гевгелиски таблички, се упатиле кон селото Јанковец, Ресен, каде што оствариле средба со Д. Д. (38) од село Ливата, Струга, кој пристигнал со друго возило „опел вектра“, со ресенски таблички, а со кое Д. Д. ја донел и претходно обезбедената марихуана.

Тоа возило било преземено од Д. С. и тој се упатил од Јанковец во правец на Градско, а И. К. и З. Б. со возилото со гевгелиски таблички се движеле пред него во улога на чистачи.

Околу 16.35 часот двете возила се запрени од полициски службеници, а во возилото што го управувал Д. С. во багажниот простор биле пронајдени три торби со 54 пакувања марихуана, која, според првичните процени, има пазарна вредност од речиси 150.000 евра. Сите лица се приведени.

Извршени се и повеќе претреси на подрачје на Гевгелија, Валандово и Струга, каде што се приведени М. А. и Д. Д., инаку поранешни вработени во МВР. За време на претресите пронајдени се голем број мобилни телефони со СИМ-картички, а кај И. К. пронајдени се и одземени и две ловечки пушки, пиштол и муниција за наведените оружја, што лицето ги поседувал без дозволи.

Македонија

(Видео) Ковачевски: Отворени се нови можности за економијата и членството во ЕУ, повикувам на обединување и паметни одлуки

Објавено пред

Претседателот на Владата на Република Северна Македонија, Димитар Ковачевски, се обрати на годишната конференција „Година на нови можности“, што се одржува денеска и утре во хотелот „Александар Палас“ во Скопје.

dobivaj vesti na viber

Во обраќањето, премиерот Ковачевски посочи дека во 2022 година, Владата се посвети на двата важни правци за граѓаните и за државава, економијата и европските интерации и паралелно ги решаваше предизвиците од глобалната економско-енергетска криза. Притоа, направени се значајни постигнувања, коишто отворија нови можности за крупни исчекори на двата плана во 2023 година, за што премиерот Ковачевски повика на општествено и политичко обединување.

„Можеме да ја поминеме секоја пречка, можеме да го решиме секој предизвик, има решение за секој проблем. Само ако останеме фокусирани на приоритетите. И тоа ќе продолжиме да го правиме. Пред нас е година на нови можности, за кои напорно работевме и за кои создадовме предуслови во текот на минатата година. И заедно со сите вас, подготвен сум да водам по единствениот и избраниот пат до целта. Изминатата, 2022 година, беше полна со предизвици во геополитички контекст. Во годината зад нас, што се совпаѓа со годишнината од мандатот на оваа Влада, можевме многу лесно да бараме оправдувања зошто нешто не може. Или, можевме да се водиме од тоа како нешто може: како да направиме, да подобриме, да унапредиме. И ние одлучивме токму вака да работиме. За оваа една година од премиерскиот мандат, имав можност да се сретнам со многу луѓе, од различни средини. Најмногу време посветив надвор од канцеларијата, затоа што знам дека, во најголем дел, меѓу луѓето е вистината, знаењето и решенијата. И гледам дека има многу работници, земјоделци, учители, лекари, има и сопственици на големи компании и занаетчии и сопственици на мали фирми кои работат напорно, многу напорно, за да обезбедат егзистенција за себе, за своите семејства, за своите вработени. И со даноците што ги плаќаат, придонесуваат и во напредокот и изградбата на нашата држава. Некои од тие луѓе се овде во салата, дел ќе нè слушнат преку медиумите, дел можеби нема ни да нè слушнат, преокупирани во обврските. Но сите тие – вие сте мојата мотивација и изворот на сила и верба, дека овој пат што го одиме, сите деноноќни заложби да се обезбедат потребите на граѓаните, да се обезбеди европската иднина на државата, со сите кочници и блокади, објективни или со намера, дека сето тоа – вреди. Вреди, затоа што, води до светла цел – добро за сите нас и за сите наши граѓани и нашата држава”, изјави Ковачевски.

Ковачевски истакна дека во 2022 година, во услови на една од најголемите светски кризи во Европа, Владата успеа да ги заштити егзистенцијата и стандардот на граѓаните од енормните поскапувања на храната и на струјата, предизвикани од светската, економско-енергетска криза и војната која се води во Украина. Ги зголемивме минималната плата, просечната плата и пензиите. Помогнавме на компаниите да ги задржат вработените. Во кризната 2022-ра година за целиот свет, ние имаме и нови инвестиции во државата, со новоотворени работни места. Имаме и највисока реализација на капиталните инвестиции, највисоко ниво од осамостојувањето на државата. Но, за прв пат од независноста на државата, донесовме и низа на системски и стратегиски одлуки и решенија, со коишто, конкретно, се насочивме кон стратешко и одржливо домашно производство на храна и стратешко домашно производство на енергија, тргнувајќи од природните потенцијали на нашата земја: плодна земја, сонце, ветар и вода.

Додаде дека поставиле јасни економски и европски цели и во тие два правци ќе го унапредуваме развојот на државата. 2023 е година на нови можности , затоа што во 2022-та поставивме здрави основи.

„Ја зголемивме минималната нето плата, во март 2022 година на 18.000 денари месечно. Тоа е за 3.000 денари повисока минимална плата, од претходната година во април, кога изнесуваше 15.000 денари. Со измените и дополнувањата на Законот за минимална плата, што ги донесовме, во 2023 година, согласно порастот на трошоците на живот, минималната плата ќе изнесува околу 20.200 денари. Покачена е и просечната нето плата, на 33.000 денари во месец ноември 2022 година, според податоците на Државниот завод за статистика. Тоа е за 4.000 денари повеќе од претходната година во истиот месец, кога изнесуваше 29.000 денари. Покачувањето на минималната плата, извесно ќе влијае и на понатамошно зголемување на просечната плата. Ги покачивме и пензиите во 2022 година и обезбедивме редовна и предвремена исплата, а следува и ново покачување во оваа година. Околу 330 илјади пензионери во државата веќе земаат повисоки пензии почнувајќи од ланската септемвриска пензија. Пензиите, во 2022 година пораснаа за 10 проценти, што е историско покачување на пензиите и тоа за период од само една година”, изјави Ковачевски.

Премиерот се осврна и на проектите кои се реализираат во образованието о здравството.

„Во образованието, завршена е изградбата на 3 училишни објекти и уште 3 се во фаза на градба. Завршена е реконструкцијата на 29 училишни објекти и е започната во 21 училиште. Како што најавиме, следува реконструкција на 118 училишни објекти во целата држава. И ќе започнеме со целосна реконструкција на сите 9 државни студентски домови. Во здравството, реализирана е набавка на најсовремени апарати за дијагностика за 14 јавни здравствени установи, во соработка со Светска банка, за коишто инсталацијата е во тек, а вкупната вредност на инвестицијата е 13.6 милиони евра. Обезбедени се и нов линеарен акцелератор, нов апарат за зрачна терапија, нова магнетна резонанца, нов компјутерски томограф”, изјави Ковачевски.

Тој наведе дека само во 2022 година, повратот на ДДВ изнесува над 727 милиона евра, што е и највисок поврат на ДДВ кон стопанството од независноста на државата до денес. Со ова, дополнително ја поддржуваме ликвидноста и конкурентноста на компаниите и го зголемивме и повратот на ДДВ за граѓаните од 1800 денари на 2100 денари по тромесечие. Со овој штедлив и одговорен начин на работа и фокус кон потребите на граѓаните, ги донесовме навреме и антикризните мерки.

Ковачевски истакна дека оваа Влада, во јули минатата година, донесе нови храбри и мудри одлуки, со коишто, по 17 години од добиениот кандидатски статус, благодарение и на одлуката на парламентарците во македонското собрание ги почнавме преговорите со Унијата. Од ЕУ веќе добивме прва транша буџетска поддршка за справување со последиците светската криза, во износ од 80 милиони евра.

Дали ќе ги отвориме поглавјата во рамки на преговарачкиот процес е нешто што од нас зависи. Во оваа, 2023 година, ја имаме најголемата шанса досега, да ги забрзаме преговорите и до 2030-та година, објективно и реално, Република Северна Македонија да стане членка на Европската Унија. Ги почнавме преговорите со целосно заштитен македонски јазик, а со тоа и македонски идентитет и тоа е веќе кристално јасно. За сите надвор, се надевам и за сите добронамерни дома. Македонскиот јазик е признаен и прифатен рамноправно меѓу европските јазици, за што конкретен доказ е веќе потпишаниот договор со ФРОНТЕКС. Почитувањето, вреднувањето, зајакнувањето и унапредувањето на македонскиот јазик и македонскиот идентитет зависат најмногу од нас самите, тука дома. Нашата историја, традиција и јазик кои сме ги наследиле од нашите предци, и за што е дадена вековна огромна жртва, никој и никогаш не може да го земе”, изјави Ковачевски.

Премиерот повика на обединување околу новите можности што ги носи 2023-та година.

Прикажи повеќе...

Регион

Милановиќ: Ја провоцираат Русија од 2014-та да започне војна, па ние и Србите не се мразевме толку

Објавено пред

Хрватскиот претседател Зоран Милановиќ денеска ја коментираше ситуацијата во Украина, нагласувајќи дека Русија со години била провоцирана.

dobivaj vesti na viber

Тој рече дека Хрватска не смее да биде доведена во ситуација да биде зависна од никого.

„ Некои во Европскиот парламент зборуваат за „кинење на Русија“ – тоа е лудост. Ние и Србите не се мразевме толку многу. Тоа лудило, ако не можете да му ставите крај, бегајте затоа што ќе премине на вас – рече тој.

„ Ментално се подготвив за тоа дека ќе бидеме доведени до статус на кловнови. Но нема да дозволам да станеме циркуски пудлици, а тоа некои се обидуваат да го направат од нас. Да останеме кловнови, тоа е почесна улога, тоа е уметност – рече Милановиќ.

Според него влогот е голем во оваа војна и ниту еден од нив не може да отстапи.

„ Тоа е опасно и ова го кажувам од пред една година и нападот на Украина. Од 2014 до 2022 година гледаме како некој ја провоцира Русија со намера да ја започне оваа војна. Тој избувна. Помина една година, само сега зборуваме за тенкови. Ќе ги испратиме сите германски тенкови таму, бидејќи нема советски тенкови, тие се уништени. И овие ги чека истата судбина. Ме прашувате кое е решението? Тоа го прашувам Вашингтон. Кое е решението? Да се ​​остави Украина без мажи? Јас не сум претседател на Украина – изјави Милановиќ.

„ Русија не е премногу слаба за тоа што го прави. Не станува збор за морал, каде до вчера луѓето беа разиграни пацифисти во фустани и сега би распарчувале луѓе. Решението не е промена на власта во Русија. Германските тенкови во Харков ќе ги доближат до Кинезите. Ова не е добра работа што се прави- предупреди тој, додавајќи дека е штетно за Западот.

Прикажи повеќе...

Македонија

(Видео) Јаневска: Доцни исплатата на стипендиите, а на студентите не им се исплатени ни парите за студентски оброк

Објавено пред

„Учениците и студентите останаа без поддршка од државата. Доцни исплатата на ученичките и студентските стипендии. Наместо државата да ги мотивира, но и да им помогне на младите во овие кризни времиња, кога голем дел од семејствата одвај врзуваат крај со крај, тие се оставени да преживуваат како знаат и умеат“, рече на денешната прес-конференција Весна Јаневска, претседател на Комисија за образование и наука на ВМРО-ДПМНЕ.

dobivaj vesti na viber

Јаневска посочи дека „учениците што стекнале право на стипендија во оваа учебна година не добиле ниту денар. Од друга страна, резултатите од конкурсот за студентски стипендии за студиската 2022-2023 година уште не се објавени, а којзнае кога ќе им се исплатат парите на оние што ќе се најдат на списоците“.

„Нема пари ниту за субвенциониран студентски оброк, иако беше ветено дека ќе се исплаќа месец за месец. Министерството за образование и наука не може да го исплати износот од 120 денари, а не пак, како што најави, да го зголеми тој износ. И сè ова е малку, па натаму додаваме. Учениците запишани во математичката гимназија цела недела губат часови по математички и информатички предмети. Немало средства да им се исплатат платите на професорите“, порача таа.

Прикажи повеќе...

Најново

Македонија3 минути

(Видео) Ковачевски: Отворени се нови можности за економијата и членството во ЕУ, повикувам на обединување и паметни одлуки

Претседателот на Владата на Република Северна Македонија, Димитар Ковачевски, се обрати на годишната конференција „Година на нови можности“, што се...

Регион15 минути

Милановиќ: Ја провоцираат Русија од 2014-та да започне војна, па ние и Србите не се мразевме толку

Хрватскиот претседател Зоран Милановиќ денеска ја коментираше ситуацијата во Украина, нагласувајќи дека Русија со години била провоцирана. Тој рече дека...

Македонија24 минути

(Видео) Јаневска: Доцни исплатата на стипендиите, а на студентите не им се исплатени ни парите за студентски оброк

„Учениците и студентите останаа без поддршка од државата. Доцни исплатата на ученичките и студентските стипендии. Наместо државата да ги мотивира,...

Регион2 часа

„Демостат“: Србија во ЕУ до 2030 година ако го прифати европскиот план за косовското прашање

Јасната перспектива за членство на Србија во Европската Унија, инвестициите во енергетскиот сектор и ослободувањето од зависноста од Русија во...

Европа3 часа

Ги чувале децата во вински подрум во Австрија, соседите се посомневале, реагира полицијата

Шест британски деца се спасени во Австрија кога беа откриени дека живеат во напуштен вински подрум со своите родители. Полицијата...

Македонија3 часа

Бугарскиот министер за внатрешни работи доаѓа во Скопје на средба со министерот Спасовски

Вицепремиерот за јавен ред и безбедност и министер за внатрешни работи на Бугарија, Иван Демерџиев, со придружна делегација, денеска, ќе...

Европа4 часа

Путин на Џонсон му се заканил со ракетен напад: Ќе трае само една минута

Борис Џонсон, поранешниот премиер на Велика Британија, откри дека Владимир Путин, претседателот на Русија, му се заканувал со ракетен напад...

Македонија4 часа

Османи во Брисел на средби во НАТО и ЕУ

Претседавачот со ОБСЕ, Министерот Османи денес и утре е во работна посета на Брисел каде ќе оствари средби со Високиот...

Македонија14 часа

Милков: Најважен чекор за заштита на правата на Бугарите во Македонија е вклучувањето во Уставот

„Сакаме во Северна Македонија да бидат заштитени правата на Бугарите. Ние се стремиме кон таква деескалација, која ќе доведе до...

Спорт22 часа

(Видео) Ѓоковиќ во солзи ја прослави победата, плачеа и фановите

Новак Ѓоковиќ е шампион на Австралија Опен и повторно прв на АТП листата. Српскиот тенисер ја освои Австралија една година...

Македонија23 часа

(Видео) ВМРО-ДПМНЕ бара од власта да ги преиспита тврдењата дека странски држави се вмешани во провокациите кон Македонија

Државата сериозно да ги преиспита наводите кои и самиот Пендаровски ги кажа дека здруженија, фондации, поединци и агентурни мрежи од...

Македонија1 ден

Полицијата упадна во над 200 локали и казина, приведени се лица за дрога и оружје

Синоќа по полноќ до 4 часот утринава, полицицијата спроведе акциска контрола во угостителски објекти на 272 локации. Во контролата беа...

Свет1 ден

По терористичките напади Израел размислува да им дозволи на цивилите да носат оружје

Кабинетот за безбедност на Израел одобри мерки со кои на Израелците ќе им се овозможи носењето оружје по двата одделни...

Свет1 ден

(Видео) Дронови нападнаа воена база во Иран

Со беспилотни летала извршен е напад врз воена фабрика во градот Исфахан во Иран, соопшти официјален Техеран. „Експлозијата се случи...

Македонија1 ден

Ќучук: Надворешни фактори не сакаат да бидеме во добри односи со Северна Македонија

Има надворешни фактори кои не сакаат Бугарија и Северна Македонија да бидат во добри односи. Тоа се сите оние луѓе...

Свет1 ден

Нетанјаху: Не сакаме ескалација, но подготвени сме на секое сценарио

Израелскиот премиер Бенјамин Нетанјаху најави силен и цврст одговор на тероризмот по двата палестински напади во источен Ерусалим, од кои...

Свет1 ден

Зеленски воведе санкции за 185 комапнии и поединци кои ја поддржуваат Москва

Украинскиот претседател Володимир Зеленски воведе санкции за 185 компании и поединци кои ја поддржуваат руската војна, која трае веќе 12...

Свет1 ден

Земјотрес од 5,9 степени го погоди Иран, најмалку тројца загинати и стотици повредени

Најмалку три лица загинаа, а стотици се повредени во земјотресот со јачина од 5,9 степени според Рихтеровата скала што го...

Македонија2 дена

Место да ја плукате и мразите Македонија, подобрете го стандардот, за 30 отсто е намален бројот на жители во Бугарија, порача Мицкоски

Лидерот на опозицијата Христијан Мицкоски ги повика македонските власти да престанат со аматеризмот кога се работи за македонско – бугарските...

Топ2 дена

Возачот кој прегази пензионер на пешачки во Бутел имал 17-години и возел брзо, обвинителството побара притвор

Обвинителството објави нови детали за синоќешната сообраќајна несреќа во скопската населба Бутел, каде што животот го загуби пешак. Од тука...