Контакт

Топ

Контроли на јавниот превоз по несреќата кај Ласкарци, откриени 35 возила со неисправни сопирачки

Објавено пред

По смртоносната автобуска несреќа кај Ласкарци, вчера во неколку општини била спровдена акциска контрола за техничка исправност на возилата што вршат јавен превоз на патници (автобуси, минибуси и такси-комбиња), соопшти МВР. При контролите откриени се повеќе неправилности кај возилата, а во делот на сопирачките, само во Тетово, 25 возила превезувале патници со неисправни сопирачки.

Тетовската полиција со контролата опфатила 128 возила, од кои пет имале неисправен уред за управување и едно недостиг на опрема. Поради констатираните недостатоци, од сообраќај биле исклучени 30 возила, на 37 возачи изготвени им се прекршочни платни налози, а за осуммина поднесени се барања за поведување прекршочна постапка.

Акциска контрола била спроведена вчера и во Штип, каде што биле контролирани 57 возила. Кај девет од нив била утврдена неисправност на уредот за запирање, кај едно неисправен уред за управување, а две возила не извршиле вонреден технички преглед.

Во Охрид, Струга, Кичево и во Дебар биле контролитани 111 моторни возила за јавен превоз на патници. Тука констатирани биле осум неисправности, од кои шест во Охрид и две во Кичево, од кои еден неисправен уред за запирање. При акциските контроли од сообраќај се исклучени осум возила. Во акција во Струмица 25 возила биле испратени на вонреден технички преглед по што кај седум возила биле констатирани прекршоци за кои се издадени седум прекршочни патни налози.

Во несреќата кај Ласкарци животот го загубија 16 лица. Според последните информации од Обвинителството, причина за несреќата биле неприспособената брзина и неисправните сопирачки.

Македонија

(Видео) Жителите на населбата Јака се жалат – живееме во кал и мрак, без јавен превоз

Објавено пред

Седум години по започнувањето на изградбата на населбата Јака, во Илинден, состојбата е непроменета – очајна, а општинската власт не почувствува никаква обврска кон своите жители и не започна со реализација на скоро ниту еден проект од доменот на инфраструктурното уредување, велат жителите на оваа населба. Тие се жалат дека иако проектот бил најавуван како елитна населба, тие живеат во кал, во мрак и без јавен превоз.

Сопствениците на куќи и плацеви велат дека општинската власт воопшто не започнала со инсталација на водоводна мрежа, не е поставен ниту еден метар асфалт, уште многу улици не се ниту истрасирани, а некои од сопствениците не можат ниту да пријдат до своите куќи.

„Немаат поставено ниту една светилка за надворешно осветлување – иако истото редовно го плаќаме, не е означена ниту една улица во населбата иако во истата во моментов живеат околу триесетина семејства а повеќе од стотина други семејства не можат да се вселат во своите вселиви куќи, бидејќи ги немаат основните услови за живот. Во 21. век, населбата Јака, инаку од општинските власти најавувана како проект ‘Елитна населба’, е целата во кал, во потполн мрак, без јавен превоз – без можност за приоѓање на евентуално потребна екипа на брза помош, противпожарно возило, без можности за достава на пошта – генерално со субстандардни услови за домување. Во такви услови живееме ние триесетина семејства, кои немавме поинаков избор освен да се вселиме во нашите куќи, а се надевавме на брзо решавање на овие основни инфраструктурни потреби“, велат жителите.

Тие велат дека ги купиле плацевите во текот на 2012 и 2013 година за изградба на куќи за семејно домување и дека ги реализирале сите финансиски обврски кон општината Илинден. Според нивни неофицијални сознанија, од овој проект општината Илинден инкасирала повеќе од 1.200.000 евра.

Граѓаните велат дека формирале и неофицијален одбор и дека разговарале со градоначалникот и други претставници на општинската власт, но инфраструктурните проблеми и натаму останале нерешени.

„Во последниве неколку месеци од оваа 2019 година, постојано се обидуваме да се состанеме со градоначалникот на општината, но истиот постојано не избегнува.  Длабоко сме разочарани, се чувствуваме излажани од страна на општинските власти, не можеме да го сфатиме ваквиот дискриминаторски однос кон нас, нивната непрофесионалност и ароганција кон сопствените граѓани. Ваквиот однос на општинската власт кон нас развива силна разочараност, револт и недоверба не само кон институциите на локално ниво, туку и на државно ниво“, велат сопствениците на куќи и плацеви во Јака. Тие доставиле и претставка до Народниот правобранител.

Прикажи повеќе...

Македонија

Хан: Северна Македонија направи храбри компромиси, ЕУ губи ако не ја награди земјата

Објавено пред

Политичкиот компромис на земјите од Западен Балкан треба да биде награден, изјави комесарот за проширување, Јоханес Хан, во пресрет на утрешната седница на Советот на ЕУ.

Во околности во кои Советот на ЕУ утре може повторно да ја одложи одлуката за почеток на преговорите со Северна Македонија и Албанија, Хан денеска ги повика министрите на ЕУ што побргу да овозможат почнување пристапни преговори со нашата земја оценувајќи дека тоа би бил важен сигнал за целиот регион, пренесе „Танјуг“.

Тој порача дека земјава направила сè што било побарано од неа и предупреди дека секое одлагање соодветен одговор од ЕУ би претставувал ризик.

„Ако една земја, која многу инвестира во европската перспектива, а нејзините лидери покажаа храброст во постигнувањето компромиси, не биде наградена за тоа, тогаш ЕУ ги губи кредибилитетот и моќта да дејствува во целиот регион на Западен Балкан“, смета Хан.

Министрите за надворешни работи на ЕУ на состанокот на Советот во Луксембург утре, треба да донесат заклучоци и препораки за понатамошните чекори во поглед на земјите што се во процес на пристапување кон Унијата.

Додека група земји предводена од балтичките земји и од Централна Европа се залагаат за почеток на пристапните преговори во јуни, Германија бара одложување до септември поради расправата на Бундестагот.

Во исто време Франција и Холандија сметаат дека одлуката за Северна Македонија може да биде донесена и подоцна, а се и против почетокот на преговорите со Албанија поради, како што ценат, неубедливите докази за напредок во владеењето на правото, особено во борбата против организираниот криминал.

Прикажи повеќе...

Економија

Објавен јавниот повик за бесплатен одмор за работниците со ниски примања

Објавено пред

Јавниот повик за организиран одмор на работници чии месечни примања во семејството не го надминуваат нето-износот од 22.000 денари е објавен денеска и ќе трае до 30 август, а користењето на годишниот одмор ќе може да се реализира најдоцна до 30 ноември 2019 година.

Документите потребни за аплицирање се објавени на веб-страницата на Министерството за економија, како и деталите за потребната документација, а може да се обезбедат и преку архивата на Министерството.

Министерот за економија, Крешник Бектеши, рече дека со оглед на зголемениот интерес на граѓаните и оваа година ќе продолжи мерката преку која на работниците со ниски примања им се овозможува користење годишен одмор.

„Оваа мерка ги постигна резултатите уште во првата година. Во 2018 година беа издадени над 1.700 потврди, што значи толку семејства искористија одмор во туристичките места во државата што резултира со раст на бројот на домашни туристи во 2018 година од 12 отсто во споредба со 2017. Притоа најпосетени места беа Охрид, Попова Шапка, Маврово и Берово. Оваа година издвоивме 20.000.000 денари за оваа цел така што сите вработени што ги исполнуваат условите месечните примања во семејството да не надминуваат нето-приход од вкупно 22.000 денари, ќе имаат право на субвенции од 15.000 денари. Корисниците на овие ваучери ќе имаат на располагање голем број категоризирани хотели во земјата за сместување, кои се претходно пријавени во Министерството за економија и со кои имаме склучено договор за соработка“, истакна Бектеши.

Прикажи повеќе...

Најново

Македонија29 минути

(Видео) Жителите на населбата Јака се жалат – живееме во кал и мрак, без јавен превоз

Седум години по започнувањето на изградбата на населбата Јака, во Илинден, состојбата е непроменета – очајна, а општинската власт не...

Македонија49 минути

Хан: Северна Македонија направи храбри компромиси, ЕУ губи ако не ја награди земјата

Политичкиот компромис на земјите од Западен Балкан треба да биде награден, изјави комесарот за проширување, Јоханес Хан, во пресрет на...

Економија2 часа

Објавен јавниот повик за бесплатен одмор за работниците со ниски примања

Јавниот повик за организиран одмор на работници чии месечни примања во семејството не го надминуваат нето-износот од 22.000 денари е...

Бегството на Груевски2 часа

(Видео) Државата ќе бара екстрадиција на Груевски како организатор на 27 април

Државата ќе бара екстрадиција на поранешниот премиер и бегалец од правдата, Никола Груевски, за настаните од 27 април 2017 година...

Регион3 часа

Јадранот се задушува во пластика и е меѓу најзагадените мориња во Европа

Концентрацијата на пластичен отпад на дното на Јадранското Море е меѓу најголемите во Европа по североисточниот дел на Медитеранот и...

Вести17 часа

Помпео: САД не сакаат војна со Иран

Американскиот државен секретар, Мајк Помпео, денеска изјави дека, иако Иран несомнено е одговорен за минатонеделните напади врз два танкери на...

Македонија17 часа

(Видео) СДСМ избра нов Извршен одбор

Централниот одбор на СДСМ избра нови членови на Извршниот одбор, нов организационен секретар и секретар за меѓународна соработка. Лидерот на...

Спорт17 часа

Победа и одмазда над Грција за сигурно прво место! (галерија)

Македонија ги надмина проблемите од стартот на мечот, и во Струмица ја победи Грција со 27:23 (13:11) во последното коло...

Вести21 час

Сопругата на премиерот на Израел со државни пари јадела во луксузни ресторани

Сопругата на премиерот на Израел, Бенјамин Нетанјаху, Сара Нетанјаху, е казнета со 15.000 долари за злоупотреба на државни фондови. Судот...

Спорт22 часа

Рекорд – дрес на Бејб Рут продаден за 5.64 милиони долари!

Дрес на американската безбол легенда Бејб Рут го сруши рекордот за најскапо продадена спортска „меморабилија“, откако на аукцијата во Њујорк...

Свет23 часа

Електричен дефект ги остави Аргентина и Уругвај без струја

Голем дефект во електричната мрежа ги остави Аргентина и Уругвај без струја, соопшти главната електродистрибутивната мрежа на Аргентина. Според информациите,...

Топ1 ден

Мотоциклист удри во 83-годишна жена на „Партизанска“ и побегна

Непознато лице со мотоцикл синоќа на бул.„Партизански Одреди“ во Скопје удри во 83-годишна жена пешак и побегна од местото. Жената...

Свет1 ден

Трамп повторно го нападна градоначалникот на Лондон поради насилствата

Американскиот претседател Доналд Трамп уште еднаш го критикуваше градоначалникот на Лондон, Садик Кан, нарекувајќи го „катастрофа“, кој го уништува главниот...

Свет1 ден

Се судрија два мали авиони во Нов Зеланд, загинаа двајцата пилоти

Два лесни авиони се судрија при слетување на аеродромот „Худ“ на Нов Зеланд, двајцата пилоти загинаа, соопшти полицијата. Според информациите,...

Свет1 ден

Силно невреме во Швајцарија и Франција, има и загинати

Една жена загинала кога на неа паднало дрво, а друга жена загинала во несреќа на езеро во источна Франција, кое...

Свет1 ден

Вонредна состојба на Нов Зеланд по земјотрес во океанот, се очекува силно цунами

Новозеландската цивилна заштита издаде предупредување после земјотресот со интензитет од 7,4 степени, регистриран во Тихиот океан кај островот Кермадек, ненаселена...

Бегството на Груевски2 дена

Груевски: Напамет не ми паднало да влегувам во багажник за какви било цели

Експремиерот Никола Груевски се огласи на Фејсбук по изјавата на премиерот Заев за германски „Франкфуртер алгемајне цајтунг“(ФАЦ), каде тој рече...

Економија2 дена

ММФ: Најголемиот проблем на Западен Балкан е лошата инфраструктура и невработеноста

Недостигот на капитал и ниската вработеност се најголемиот проблем на земјите од Западен Балкан, изјавил високиот регионален претставник на Меѓународниот...

Македонија2 дена

(Видео) Заев до Хан: Добивањето датум ќе биде потврда дека се што направивме вредело

Претседателот на Владата, Зоран Заев денеска во Австрија се сретна со еврокомесарот за проширување и добрососедска политика, Јоханес Хан. На...

Македонија2 дена

(Видео) Раководството на МВР врши мобинг врз Независниот синдикат на полицијата

Портпаролот на Независниот синдикат на полицијата, Дејан Саздов, обвини дека раководството на Министерството за внатрешни работи врши мобинг врз членовите...

Досие