Во скопското село Љубин, вчера околу 19.30 часот, единицата за интервентна полиција при СВР Скопје го уапсила 39-годишниот Е.А.

Како што информираат од МВР, при претрес во неговиот дом, извршен со судска наредба, биле пронајдени и одземени „битмејн“ и графички картички, кои потекнуваат од кривично дело тешка кражба извршена на 14 март годинава на улицата „Петар Драганов“, а биле користени за копање биткоини.

При претесот, исто така, било утврдено дека 39-годишникот врши и кражба на електрична енергија.

Тој бил приведен во полициска станица и по целосно документирање на случајот против него ќе бидат поднесени пријави за тешка кражба и кражба на електрична енергија.

Американската војска во петокот потврди дека нејзиниот последен напад во Кабул кон крајот на август, во кој загинаа десет цивили, меѓу кои седум деца, бил трагична грешка.

„Не е веројатно дека возилото и оние кои загинаа, на некој начин биле поврзани со џихадистичката група Исламска држава – Корасан (ИСК) или дека тие претставувале директна закана за американските сили“, изјави Кенет Мекензи, началник на американските сили во Авганистан, пред нивното конечно повлекување.

„Нашата истрага заклучи дека нападот бил трагична грешка“, додаде тој, истакнувајќи дека ја презема целата одговорност.

„Изразувам мое најдлабоко сочувство до семејствата и пријателите на убиените“, продолжи началникот.

Тој потсети дека нападот со дрон на 29 август во Кабул имал за цел да спречи непосредна закана од ИДК, неколку дена по атентатот на таа група во кој беа убиени 13 американски војници во близина на аеродромот во Кабул.

Актуелниот момент поврзан со членството на Северна Македонија во ЕУ и состојбите во регионот беа главна тема на средбата на премиерот Зоран Заев со генералната директорка за Западен Балкан во Службата за надворешна политика на ЕУ, Ангелина Ајкхорст.

Како што информираше премиерот Заев вечерва на својот фесјбук-профил, на работна средба присуствувале и заменикот на Ајкхорст, Марко Маковец,и шефот на Делегацијата на ЕУ во нашата земја, Дејвид Гир.

„Со заменик-претседателот во Владата задолжен за европски прашања, Никола Димитров, потенциравме дека ќе биде клучно Самитот на ЕУ со Западниот Балкан да даде јасна порака за европската иднина на регионот, но уште поважно, ЕУ да ја имплементира одлуката од март 2020 со што Северна Македонија ќе ги започне пристапните преговори. Со соседна Бугарија и понатаму ќе продолжиме да бараме европско решение што ќе овозможи двојна победа“, вели Заев во објавата.

Воедно, тој посочи дека соговорниците уште еднаш ја изразиле поддршката на Брисел верификувана и од одлуката на Европскиот совет дека Северна Македонија и ЕУ треба да ја одржат првата меѓувладина конференција од тој процес.