Градоначалникот на Вуковар, Иван Пенава предизвикал инцидент и скандал на седницата во Градскиот совет, која од самиот почеток била напната, пренесува хрватски „Индекс“.

Една од точките на дневен ред на денешната седница било донесување предлог-заклучок за постигнатиот степен на разбирање, солидарност и дијалог меѓу граѓаните на градот Вуковар, но Пенава во еден момент здивел. Тој го зел предлог-статутот на Вуковар, кој е печатен на кирилица и го фрлил на земја пред српските советници.

Burna sjednica vukovarskog Gradskog vijeća
Opširnije: https://t.co/D7JvaIn3C9 pic.twitter.com/ZaWd7bD5gs

— HRT vijesti (@hrtvijesti) October 18, 2019

„Ова го сметам за чин на демнечка великосрпска агресија на Милорад Пуповац и СДСС. Вуковар нема да клекне и да падне во великосрпска реторика и агресија“, рекол тој.

Статутот на кирилица на Пенава се обидел да му го даде претседателот на Градскиот одбор на СДСС и гратски советник, Срѓан Колар, по што рекол дека расправата тргнала во погрешна насока и повикал на дијалог.

Пенава не запрел ни по фрлањето на статутот на подот и продолжил со тирадата.

„Ваши примери се четничките шубари и споменици што го опкружуваат овој град. Ве интересира она што не успеавте во 1991 година, да воведете кирилица во овој град. Не ве интересираат силуваните жени, мртвите деца! Ако е потребно, со сите средства против великосрпската агресија и вчера, и денес и утре“, нагласил Пенава со повишен тон.

Дел од советниците почнале да му аплаудираат. Заменик- градоначалникот на Вуковар од редовите на српското малцинство, Срѓан Милаковиќ, се обидел да му одговори на Пенава, но и нему почнале да му викаат.

Десетици илјади поддржувачи на независноста на Каталонија протестираат во центарот на Барселона против пресудите на нивните водачи, барајќи отцепување од Шпанија. Главниот собир, на којшто има најголем број демонстранти, поминува мирно со бројни знамиња што ја симболизираат независноста и транспаренти за „слобода на политичките затвореници“.

Во друг дел од градот, илјадници студенти и ученици кои стапија во тридневен штрајк, се обидуваат да стигнат до зградата на шпанската национална полиција, чувана од полицијата за интервенции. Во судир меѓу студентите и полицијата три лица се повредени, од кои двајца малолетници и еден полицаец. Студентите со маскирани лица фрлаат со камења и шишиња, по што се повлекуваат кога ќе започне полициската интервенција.

„Антифашистичка Барселона“ и „Улиците секогаш ќе бидат наши“, викаат тие. Тие фрлија димна кутија и повеќе петарди, по што запалија контејнери, поставувајќи барикади.

Генерален штрајк започна денес во Каталонија, автономна покраина со население од 7,5 милиони, на повик на синдикатите за поддршка на независноста.Илјадници демонстранти дојдоа во Барселона од другите градови, а владата на Каталонците и партиите за независност повикаа на мирни протести.

Ова е петти ден на масовни протести откако Врховниот суд во Мадрид во понеделник осуди деветмина каталонски службеници на 9 до 13 години затвор за организирање референдум за независност во 2017 година.

Лидерите на Европска Унија го одобрија именувањето на Кристин Лагард за претседателка на Европска централна банка (ЕЦБ). Лагард, која е поранешна извршна директорка на Меѓународниот монетарен фонд (ММФ), доаѓа на местото Марио Драги, кој беше претседател на ЕЦБ од 2011 година.

Европскиот совет веќе објави официјална препорака за Лагард, а исто така ја одобри и Европска централна банка, која ја одредува монетарната политика за 19 земји членки на евро зоната, кои го користат еврото како валута. Лагард ќе ја преземе должноста на 1 ноември и ќе има осумгодишен мандат.

Лагард поднесе оставка на функцијата извршен директор на Меѓународниот монетарен фонд (ММФ) две недели откако беше предложена за нова директорка на Европската централна банка.